يـا بنـات .. ادري انكم تحبون المشروع اللي ببلاش .. تعالــوا نـتـفـاهــــــــــم

تسويقار · #1 (**permalink**) 22-06-2011, 02:06 PM

بسم الله الرحمن الرحيم

السلام عليكم ورحمة الله وبركاته

الموضوع للبنات .. الشباب انتظروا برا ... راح اجي لكم و جايب لكم مشروع مجاني

<<< صاير مثل الشيخ اللي يـقـــرأ ... ساعه عند الحريم وساعه عند الرجال

بس بسأل سؤال : اللحين لما تدخلون النت يا بنات .. ايش يجي فبالكم ؟؟

او وين تروحون بالضبط ؟؟ خلونا نستفيد من وقتنا الضايع شوي

احنا هنا نشوف كثير يسئلون عن دراسات الجدوى لصندوق المئوية .. وعبداللطيف جميل

ومدري ايش كمان ...

كثير ما يعرفون ... كثير متلخبطين ... فكرتوا انتم يا بنات انكم تسوون دراسة الجدوى لاي بنت ؟؟

اخوانا العرب ومابغى احدد فئة معينة طلعوا فلوس وذهب من هالشغله .... صايرين مثل المدرس الخاص اللي من بيت لبيت ومن طالب لطالب

فيكم وحده دخلت اي موضوع من المواضيع الموجودة بالمنتدى واللي ترشح كيفية عمل دراسة الجدوى وحاولت تفهم وتطبق ؟؟

طيب لما نعرف الطريقة هل فيكم وحده فكرت انها تقدم هالخدمه لمن يحتاجها مقابل مبلغ مالي ؟

خلونا نقول كل دراسة عليها 500 ريال تزيد شوي او تنقص ... لو سويناها بالشهر 3 مرات تطلع معانا 1500 ريال ...

1500 ريال وانتي في بيتك وعن طريق النت ...

عن طريق النت قدرت اجيب شغل .. وعن طريق النت كمان قدرت اجيب الاسعار ..

وعن طريق النت اسلم البنت الدراسة وين ما كان مكانها ... الايميل موجود ويوصل لاخر نقطة بالعالم ...

انا مستعد استقبل كل اسئلتكم والاخوان هنا ما يقصرون ومستعد كمان اساعدكم واجيب لكم الاسعار .. بس انتوا تحركوا

كل منتدى تسجلوا فيه بيعطيكم خاصية التوقيع ...

بدل الاشعار اللي يحطها البعض والا صور النساء اللي دايخه واللي ذايبه ومسويه انها تحب

بلاش منها احذوفها وحطوا توقيع انكم تسوون دراسات جدوى مصغرة للمئوية وعبداللطيف جميل

منها شلتوا حاجة محرمه وهي صور النساء .. وبدلا منها حطيتوا شي مفيد

لا نحط المشاكل دايما على الاجنبي والا على البلد .. الاجنبي لما حصل فرصه دخل منها واستفاد .. واحنا نايمين في العسل

بس اكل وتبطح في غرفنا ونقول يوووه الوزن زايــــــد

عالم القهوة · #2 (**permalink**) 22-06-2011, 03:42 PM

ربي يعطيك العافيه

واشكرك على الفكرة الرائعه

وننتظر المبتدعات الانطلاق بالمشوار

اتمنى لكم التوفيق

تقبل تحياتي وودي

تسويقار · #3 (**permalink**) 22-06-2011, 05:06 PM

اقتباس:

المشاركة الأصلية كتبت بواسطة عالم القهوة

ربي يعطيك العافيه

واشكرك على الفكرة الرائعه

وننتظر المبتدعات الانطلاق بالمشوار

اتمنى لكم التوفيق

تقبل تحياتي وودي

هلا اخوي عالم القهوة

والله ياخوي انو فيها فلوس وفيها شغل مرتب وكمان يزيد من معرفة وخبرة البنات بالمشاريع

بس مثل ما قلت لك اخواتنا ياكلون اللحين مو فاضين

التاجره بدره · #4 (**permalink**) 22-06-2011, 05:09 PM

والله ضحكت كأنك شيخ تقرأ علينا
على العموم افكارك مفيده جداً جزاك الله خير
بس عندي سؤال كيف اسوي دراسه لوحده في الجنوب مثلا وانا في الشرقيه تختلف اقصد الاسعار طبيعة المنطقه رغبات الناس

مثلا اذا هي تبي تفتح محل
كيف اقدر اوضح لها اذا المحل موقعه مناسب او لا؟

تسويقار · #5 (**permalink**) 22-06-2011, 05:30 PM

اقتباس:

المشاركة الأصلية كتبت بواسطة التاجره بدره

والله ضحكت كأنك شيخ تقرأ علينا
على العموم افكارك مفيده جداً جزاك الله خير
بس عندي سؤال كيف اسوي دراسه لوحده في الجنوب مثلا وانا في الشرقيه تختلف اقصد الاسعار طبيعة المنطقه رغبات الناس

مثلا اذا هي تبي تفتح محل
كيف اقدر اوضح لها اذا المحل موقعه مناسب او لا؟

اختي التاجره بدره ...

دراسة الجدوى الحقيقية والتي تتعدى قيمتها الــ 20 ألف وقد تصل الي المئات 100 ألف فما فوق

هذه هي من يخبرك هل المشروع ناجح ام لا ... وهي ما تسمى دراسة الجدوى الاقتصاديه الحقيقية

وهذه تتطلب مكاتب استشاريه متخصصه بمثل هذه الدراسات ...

حيث يتطلب دراسة المشروع من جميع الجوانب ماليا واقتصاديا وتسويقيا وتكنولوجيا وامور اخرى كثيرة ..

كما انها تتطلب شهادة معينه ومتخصصة بالاقتصاد ودراسة التكاليف لكي يمنح صاحبها تصريح بالعمل

ويتم اعتماد الدراسة من قبل الحكومة او اي جهه لها علاقة بناءا على اعتماد المكتب الاستشاري لديهم

ما سبق هي دراسة الجدوى الحقيقية ....

اما دراسة المئوية وعبداللطيف جميل فهي ليست دراسة حقيقية و لا يمكن الاعتماد عليها لمعرفة هل مشروع ناجح ام لأ ...

هي دراسة تكاليف فقط ... كم التكلفة للمشروع .. كم الربح ... دراسة لاكمال الطلب فقط

ولذلك تجدي ان صاحب الطلب يتلاعب بالارقام كيفما شاء زيادة او نقصان لكي يخرج المشروع ناجح ويقنع به صندوق المئوية

اذن اختي مثل هذه الدراسات لا يطلب منك ان توضحي هل المشروع ناجح ام لأ

لو افترضنا ان بنت بالجنوب طلبت منك دراسة جدوى ...

لابد ان تحدد لك المشروع المراد التقديم عليه .. يعني مقتنعه وجاهزه بس مو عارفة تسويها

ايضا .. تأكدي ان الاسعار واحده في كل المناطق مع اختلاف بسيط جدا ...

وما يفرق بالدراسة هو ايجار الموقع فقط ... غير ذلك فالامر واحد ...

اتمنى ان اكون افدتك

الماسة زرقاء · #6 (**permalink**) 22-06-2011, 05:30 PM

طيب اخوي تسويقار النت مفتوح ويقدرون يسوون بحث بقوقل

ويبحبشون لين يجمعون كل معلومات دراسة الجدوى لمشاريعهن ولا اسهل منها

تسويقار · #7 (**permalink**) 22-06-2011, 05:35 PM

اقتباس:

المشاركة الأصلية كتبت بواسطة الماسة زرقاء

طيب اخوي تسويقار النت مفتوح ويقدرون يسوون بحث بقوقل

ويبحبشون لين يجمعون كل معلومات دراسة الجدوى لمشاريعهن ولا اسهل منها

فيه اشياء وارقام تحتاج لشخص فاهم كيف يبني الدراسة ...

ويعرف كم التكاليف وهالاشياء هذي ... تأكدي مو الكل يعرف بهالشي

واذكر احدى الاخوات طلبت مساعدتها في دراستها وانا اكملت لها الدراسة وحصلتها ناقصه كثير

لا تحطي العقده بالمنشار اختي الماسه .. روحي بحبشي انتي وبتلاقي الخير ... شمري عن ساعديك

الماسة زرقاء · #8 (**permalink**) 22-06-2011, 05:40 PM

اقتباس:

المشاركة الأصلية كتبت بواسطة تسويقار

فيه اشياء وارقام تحتاج لشخص فاهم كيف يبني الدراسة ...

ويعرف كم التكاليف وهالاشياء هذي ... تأكدي مو الكل يعرف بهالشي

واذكر احدى الاخوات طلبت مساعدتها في دراستها وانا اكملت لها الدراسة وحصلتها ناقصه كثير

لا تحطي العقده بالمنشار اختي الماسه .. روحي بحبشي انتي وبتلاقي الخير ... شمري عن ساعديك

شورك وهداية الله

جاري التجريب بخلق الله

وانتم لنا خير عون

لاعدمناك اخاً مخلصا طيبا نصوحا الله يحفظك لغاليك