السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين ..

ابي ابدى بمشكلتي دايركت ياخوان انا عندي مشكلة ومحتار ومتردد حيل مادري ش اسوي ..
من منطلق " ماندم من استشار " ابي اكتب لكم مشكلتي لعلي اهتدي بعد الله ومن ثم مشورتكم في حل لمشكلتي ,,
طبعاً انا موظف في قطاع عسكري ولي تقريباً 4 سنوات بهالعمل ومايخفى عليكم طبيعة عمل العسكرية مانكر انها نعمه من ربي ولله الحمد والشكر انا اعتبرها كدخل رزق ممتاز اما بالنسبة للتعايش فيها صعب صعب جدا وانا بصراحه عانيت فيها كثير صبرت حيل على مرها حاولت بكل الطرق اتقبلها بس كل مالي ازيد اكثر من اول ونفسيتي تتعب حيل , لحد الحين وكل ماقعد الصبح وفيه دوام احس بضيقة كاتمه على صدري صرت اكره كل احد في العسكرية ماحب اسمع سيرة العسكرية تعبت بصراحه ,, المهم وانا بها الحال وقبل تقريبا سنتين فكرت وفكرت لعلي اجد حل واتخلص من عملي توكلت على الله وفعلت بالاسباب وقتهات صار تقديم على كلية التقنية طبعاً تعليم موازي يعني الدراسة في الليل كنت متردد حيل لا ادخل وكنت تجيني هواجيس وافكار كنت اقول في نفسي العمر راح ومو وقت دراسة الحين بس بنفس الوقت ما كان فيه حل الاها الحل مع العلم اني متخرج من ا لثانوية عام 1420هـ وكان تقدرير ممتاز علمي وبمعدل 94% وتنقلت بين اكثر من كلية لحد بالاخير ماحصلت شي وانحديت على العسكرية ما كان طموحي اني عسكري كان طموحي اداري او مهندس او من هالقبيل بس قدر الله وما شاء فعل واحمد على كل الاحوال المهم ما وقفت عند حد وقلت لنفسي خلاص راحت عليك كان فيني شي متعطش للدارسة ولتعلم المزيد من العلم ومن يوم دخلت العسكرية حسيت باحباط شديد بس في الاخير تكولت على ربي وقلت في نفسي الحمد لله دامني عايش وبصحه وعافيه ما يمنع اني اكمل دراستي والتحق في اي شي وانا موظف منها اكون ارضيت ضميري ومنها افتك باذن الله من عملي الحالي ,, ماطول عليكم سجلت في الكلية التقنية ودرست اول ترم وكان بصراحه نظامهم مثل الصباحي يعني محاضرات وحضور واختبارات وتقويم شديت حيلي وكنت وقتها اطلع من الدوام 3 واريح واروح للكلية الساعه 5 وماخلص الى الساعه 10 , 11 الحمد لله في اول ترم كان المعدل 5 والثاني نفس الاول 5 وتحمست وشديت حيلي اكثر والثالث 5 والرابع كذلك واللان انا المستوى الخامس وخريج هالترم واموري تمام وانشا الله بغلق العلامه الكامله في المعدطبعا تخصصي تقنية حاسب " دعم فني " وبصراحه وانا في الدراسة كنت احاول اطور نفسي وفي البيت بعد ادخل النت وابحث عن دروس ومعلومات في مجال تخصصي عشان استفيد بعدين وبنفس الكلية اختبرت شهادة IT1- IT2من اكاديمية سيسككو وانا اللان عندي تقريبا 5 شهادات لدورات قصيرة في مجال الحاسب والصيانة كذلك عندي شهادة انجليزي المستوى الاول .
هنا عاد ابدا بالمشكلة اللي شايل همها وبكل وقت افكر بها انا الحين متردد والله ياشباب ان الاستقاله من العمل اشوفه بين عيوني بس خايف بصراحه ومادري ش يصير والمشكله الاكبر اني الحين ماعدت اطيق دوامي ووظيفتي الحالية اكرهها اكرهها حييييييل اعاني كل يوم منها ماثره فيني بكل شي حتى طبعي تغير منها الفكره اللي براسي الحين اني افصل الحين ودام ماباقي شي على التخرج واموري زينه والحمد لله والمعدل جدا حلو بعد توفيق الله ومتفائل بصراحه اني القى وظيفه تناسبني وتناسب طموحي والمؤهل اللي املكه بس متردد انا عمري الحين صك فوق الثلاثين ومحتار ولا اعرف ش اسوي ..وخايف ماحصل شي مع اعلم اني متزوج وعندي بنت .
في الختام اعتذر لكم على الاطالة ودعواتي للكل بالتوفيق والسداد .. والسلام ختام

والله وانا اخوك اكبر غلط غلطه انك دخلت عسكريه على الرغم نسبتك مرررررررره حلوه وعلمي بعد لا تقولي ما حصلت اي جامعه ما قبلتك نسبتك لو تبغى تدخلك طب دخلت وبعدين غلط علشان دخلت كليه تقنيه لأنه مافيها وظايف ابدا شوف قسم المعاهد الصحيه والتقنيه كيف التقنيين يشتكون من البطاله بعضهم لهم ست سنوات ماهم محصلين شئ ومعدلاتهم حلوه لكن شهادتك الى اخذتها قدم بها في العسكريه تاخذ رتبه او رتبتين وانصحك ما تفصل من العسكريه الى اذا تأكد انك حصلت شئ وانت تقول انك كاره العسكريه كثيرين اسمعهم يقولو كذا لكن انت صل الصلوات في وقتها واستغفر كثير والله يبعد الضيقه عنك بس تأكد لا تفصل من العسكريه وتنكب في التقنيه والله كلهم عاطلين لو انك رحت بدال التقنيه إلى جامعه وتتخصص شئ حلو لأنك ماشاءالله عليك انت ذكي اتمنى لك التوفيق في الدنيا والأخره

اول شي اشكرك اخوي على تفضلك بالرد على الموضوع ..

اول شي الحمد لله والشكر انا محافظ على صلواتي ومحافظ على الاذكار والاستغفار ولله الحمد انت تقول انك غلط دخلت العسكرية انا دخلتها مو بكيفي الظروف حدتني عليها .. بعدين انا درست اول وانقبلت في كلية الهندسة ومن ثم رحت كلية الاتصالات بس ما حصل توفيق وما كتب لي ربي اني اكمل وطبعا لكل شي سبب والسبب انه كان وقتها مافيه اي توجيه لي وكنت مشتت التركيز وماكان عندي هدف امشي له والسبب الثاني ظرووووفي الماديـــة حيل اجبرتني اني اترك الدارســة ماحط لومي على ها الظروف بس اللي صار صار والشي الماضي راح بحلوه وبمره وقدر الله وما شا فعل , وبالنسبة لدخولي لكلية التقنية بعد في اشياء كثيرة خلتني ادخل طبعا او شي احب الحاجات التقنية واميل لتقنيات الحاسب ثانيا ظروف عملي هي اللي اجبرتني اني ادخل التقنية لان الديره اللي انا فيها ما كان فيها الا تقنية وانا صعب اني اروح برا وادرس لاني مرتبط باسرة وبوظيفه هنا انا شفت كلية التقنية هي الانسب لي بعد ما فوضت امري لله وتوكلت عليه .. بعدين اخوي انت تقول التقنية مالها مستقبل ومن ها الكلام اللي قلته فيها انا بصراحه كنت اسمع ها الكلام حتى قبل لا ادخل فيها من طبعي اني ما انظر لكلام الناس واتفرغ لنفسي ماتدري انت وين الخيرة وانا دلختها عن يقين ومتفائل خير والله صح فيه ناس كثيرين ماتوظفوا وها الشي بيد رب العالمين هو مالك رزق عباده وهو المتصرف فيه .. على العبد ان يؤمن بها الشي هذا ان رزقه بيد الله ولا في اي احد بها الدنيا يقدر يتصرف في رزقك الله .. انا ماقول ها الكلام عشان اني في التقنية او لا او اني اطمن نفسي لا والله العظيم هالشي هو الواقع واللي لازم كل انسان يؤمن فيه وهو مسالة الرزق ومتى مافوض الانسان امره لله وتوكل عليه حق التوكل كل شي بيتسهل له .. انا متفائل كثير وظان في ربي خير انه بيحقق مرادي .. بس تعرف انه شي طبيعي ان كل شخص بيشوف نفسه في شي معين او في عمل معين بالنسبة لي ماشووووف ان العسكرية تناسبني ولاتناسب قدراتي مو كبر على النعمه لا والله بس احمد ربي ليل ونها ر على وظيفتي الحالية والتي لو الله الله ثم هي مادرست ولا تيسرت اموري ولا اعرست الحمد لله في كل وقت وحين بس اخوي مايمنع ان الانسان يبحث عن ذاته وعن الشي اللي يشوف نفسه فيه عشان يبدع ويتطور ويمشي اموره زين بدون اي منغصات ..
ماحب ازيد اكثر اشكرك اخوي على ردك والله يوفقنا لما فيه الخيــــر لنا ولجميع المسلمين ...

[frame="13 98"]
[align=center]
هلا أخوي العكسري:

أولاً: دخولك العسكرية يعتبر "خبرة" وهذه تشفع لك في جميع معظم الدوائر الحكومية الاخرى كون لك خبرة في نظام الأمن. فإن غيرك وانا اولهم راحت خدمتنا هبائاً منثوراً على البند المؤقتين وبند 105 وانت احمد ربك ماتروح عليك خدمة العسكرية
وبما رغبتك في تطوير التعليم فهذا يدل على أنك انسان طموحي عالي ماشاء الله عليك لكن حاول أنك تهجد نفسك : كما قال الشاعر " والنفس كالطفل أن تهذبه شب على حب الرضاعة وإن تفطموه ينفطمو " ثم لا توسوس في نفسك وتقول هذه الوظيفة غير مناسبة لا . اشكر ربك ولا تعمل لنفسك معوقات أن هذه الوظيفة غير مناسبة لي لان هذا التفكير هو مبدأ الانحباط ثم تؤثر على نفسك النفسي والمعنوي
ثم بعدها فكر قول الحمد لله غيري مالقى شغل لا خباز ولا بياع خضار . خصوصاً هالوقت الراهن صعب الوظائف . المهم
اذا لم تواكب نفسك مع أي وظيفة حتى لو يحطونك مدير شرطة فإنك لن تحس بالأشباع لعدم احساسك بالقناعة فهذا يؤديك إلى أن تدخل من ضمن علم النفس بما يسمى مرض عدم القناعة. والدليل بدأت نفسك تنهدم وتتكدس للانعكاس الاسوء والأحساس بالممل الوظيفي.

المهم خل عنك الكلام وخذ لب الموضوع :

بما معدلك ممتازودخلت العسكرية فهذا لا يدل كون القطار وقف هنا ولكن قول من هنا نبدأ , ولكن عليك بالتطوير مع قناعة بالامر الواقع وانت على رأس العمل حتى ترى ماهو أنسب لك . ودائماً رددها عسى أن تحبو شيء وهو شر لكم وعسى أن تكرهوا شيئاً وهو خير لكم.
ثم عليك بالأدعية النبوية أنك في هذه الدنيا مسير ولست وخيراً وأعلم أن ماتفعله ليس من تلقاء نفسك وإنما هو مكتوب عليك . فأعلم أن الشيطان لا يأتيك مباشرة ولكن يأتيك بالتدرج ثم تفصل وبعدها ماتلقى وظيفة ثم بعدها تصبح انعكاس على اسرتك وبعدها تصل مع زوجتك وبنتك لأمور لا يحمد عقباه . هذه من لمزات الشياطين وأعلم أي شيء لا يبارك الله فيه فإنك لا تحس بلذة الخيرة به.

كما أنصحك بنصائح خفيفه ولا احب اكثر عليك .
1ــ حاول أن ترقي نفسك بالاذكار وقد تكون مصاب بالنفس . فتذكر كيف كان شعورك عندما ألتحقت بمجال العسكرية وأنظر كيف كان الفرق .
2ــ لا يمنع الأنسان من تطوير نفسه خصوصاً مع إجاد البديل الأنسب.
3ــ اذا تعبت نفسك حاول تقديم إجازة وسافر لمكة وأدع ربك واشكره على النعمة التي تعيشها فإن غيرك أنا أعرفهم وصل عمرهم 33سنه ينام في الشارع مالقى وظيفة وهم سعوديين يوم لقى وظيفة يشتغل في كبائن اتصالات صار ينام بالمحل والمشكلة شغال عند اجانب.
4ــ حاول أنك تتصدق فإن الصدقة تطفي غضب الرب وتنجي صاحبها من امور عده . وصدقني لو سالتك وقلت لك متى اخر ماتصدقت راح تقول لي ؟؟؟ بس كلنا مقصرين لا حول الله ولا قوة إلا بالله.
وأعرف نفسك عليك حق والله عليك حق . ترى لدينا أخوه لا ندري عنهم كمثل اليتامى والمعاقين والمساكين والفقراء والمؤلفة قلوبهم ... الخ
5ــ خذها نصيحة أخ عليك بالتريث فإن التريث تدل على حنكة الرجل والسرعة في اتخاذ القرار تدل على أن الرجل لا يعي أمور المستقبل.

كما نحن سبقناك بنفس الحال توظفنا وكانت رواتبنا 1800 ريال ثم بعدها أنطلقنا من هذا المبدأ حتى نلنا على الشهادات ونلت على الوظيفة المناسبة .
من سعى على الدرب وصل وان قليل من يفشل في وصوله للدرب . كما أنصحك عليك بالصلاة في وقتها فهي انشراح صدر المسلم ولا تنسى نصيبك من صلاة أخر الليل فإنها شرح هموم فرج المسلم.
وانا حاس أن الشيطان يبغى يهدم اسرتك لكن بطريقة دبلوماسية أويحسسك بالممل ثم بعدها يكمل خططه . والحين واحد هنا فصل ثم توهق جالس الحين يناشد الاخوه يبغى يرجع لوظيفته مره ثانية .

ولا أريد أن أطيل عليك ثم تقولون علي هرجك واجد . *!*

والسلام عليكم
[/align]
[/frame]

صراحة استعجلت بدخولك العسكرية

اخوي الله يسهل امرك ويرزقك الرزق الحلال حقق كل اللي تحلم فيه وانت في العسكرية حاول تكمل دراستك
تحقق رتب عالية في العسكرية
اذا صحيت من النوم صلي الفجر وروح الدوام وانت مبسوط حاول تحب عملك
فكر في حياتك فكر اخر الشهر اذا استلمت الراتب كيف تصرف على نفسك وغيرك وماتحتاج فلان وعلان
بالله عليك لو فصلت من فين تصرف على نفسك وعلى بيتك شوف المنتدى الكل يدور على وظيفة
يااخوي الان صعب تلاقي وظيفة لكن طور نفسك في عملك كمل دراستك
زوجي واخواني عسكر زيك دايم اسمع منهم الكلمة هذي طفشنا من العسكرية
اذاشفتهم كذا اقولهم شفتوا فلان << هذا جارنا والله مستحيل انسى الانسان هذا
دخل العسكرية بشهادة الابتدائي ايام زمان وتزوج وصار عنده 4 اولاد وكمل دراسته متوسط ثانوي جامعه وحضر ماجستير <<< وهو عسكري
انت روق وابعد عنك كلمة اكره عملي حب عملك عشان انت تحب نفسك وتقدر تعطي
الله يوفقك في حياتك ويرزقك الخير ويسهل امرك

السلام عليكم ...

اول شي اشكركم اخواني على تفضلكم بالرد .

اخوي بيبرس اشكرك على نصايحك واسال ربي العلي العظيم ان يجزيك خير .. انا معك اخوي بكل كلمة قلتها ومو غايب عن بالي كل اللي قلته معاك انا فيه ميه بالميه .. اخوي العسكرية صح انها شرف اول شي خدمة للدين وخدمة للوطن الواحد ماينكر هالشي واللي ينكر هالشي عنده نقص بصراحه انا عن نفسي ماتكلم عن عسكرية بشكل عام اللي حبيت ابينه ان بيئة العسكرية غير مناسبة انا اتكلم عن عملي الحالي انا اعيش في بيئة جدا سيئة في العمل تحصل الحسد وتحصل الحقد وتحصل دس الدسائس يعني باختصار حرب نفسية انا من خلال عملي لاربع سنوات شفت نون وما يعلمون فيها الاناسان السيء هو اللي يمشي واللي غير مبالي هم مايبون الانسان الطموح والناجح انا في عملي بصراحه اعمل فيه باخلاص وبجد واجتهاد وما اخلي اي احد يلقى علي زلــة هالشي يغيظ بعضهم يدورن الخبر الشين عليك ويبشرونك فيه تعرف انت اخوي بيبرس ان في العسكرية مايفرقون بين الانسان اللي فاهم واللي موفاهم هم يمشون على الرتبة الاعلى وهو اللي صح بكل شي وياويلك لو تخطيه .. عن نفسي اقوم بكل شي يطلب مني واحب اتقن كل عمل ينسب الي .. بس المشكلة الكبيـــرة يدورووون الغلط عليك هالشي ما يتهيأ لي انا اشوفه بعيني صدقني اخوي والله لو البيئة غير ماقلت يعني احترام وتبادل واعطاء كل ذي حق حقه وتعاون صدقني ماعندي مشكلة بهالشي بس المشكلة الكبيـــــرة هي بيئة العمل واللي مو متعود عليها انا انا صبرت حيل واتصبر الى ان ربي يمن علي ويحقق ما اصبو اليه . انا معك انها نعمه من ربي والله ومستحيل اني انكر هالشي بس ياخوك كل انسان عنده حد بالنسبة لي انا من سابع المستحيلات اني اكمل في هالبيئة انا اجتهدت وصبرت وتعلمت الشي الكثير وانشا الله ربي ما يخيب ظني . انا اطلب من ربي الصبر عليها لين ما اضمن شـــي زين ومناسب لي .. اخوي بيبرس انت تقول تنفعني بالعمل من ترقيه وغيرها انا لو ابي على الترقية كان ما شديت حيلي واخذت هالمعدل هذا كان نجحت باي كلام بس عشان اخذ الشهادة بس هدفي انا غير كذا ....
اخوي منتظر المستقبل اشكرك على الرد وبالنسبة لدخولي العسكرية انا اشوف انه فيه خير لان لو الله ثم وظيفتي الحالية ماكانت درست ولا كان رتبت اموري الحمد لله والشكر ...
انا بصراحه طولت بالكلام والهرج في الختام ادعو الله العلي القدير ان يحقق لي الهدف اللي ابيه
والسلام احلى ختام ...

اختى عاطلة اشكرك بتفضلك على الرد وعلى النصح والله يجزاك خير ..
معاك والله انا بكل كلمه قلتيها ياناس مانكر نعمة ربي علي انا من هالوظيفة تزوجت وكلمت دراستي بس اختي العسكرية احباط بمعنى الكلمة عملها روتيني مافي شي جديد مافيها ابداع انا باذن واحد ما راح اتركها واتورط انا محسب لكل صغيره وكبيرة بتصبر عليها لين ماربي بفرجها علي والله يكتب اللي فيه الخير ..

[frame="13 98"][align=center]هلا اخوي متفوق ولكن;

اسمع خلينا نكون واضحين شوي ولو انت متكتل لكن انا سوف اقول لك بما انك ماتبغى تبوح فيها .

مره قدمت على الحرس الوطني ايام اول المهم قبلوني وبالعكس قالو نبغاك شهاده معي وكل اللي معي المتدقمين شهادات تربية غنم .

المهم يوم قدمت وخلصت مابقى غير البصامات . قمت الصباح إلا الوالدة تناظرني وتقول وين ياولدي قلت بروح استكلم إجراءاتي مابقى غير البصمات .
أسمع ما قالت لي بالنص الوالده الله يحفظها .

قالت وش تبغى بالعسكرية كلهم ياولدي هههههه ولا عندهم شهادات وبتلاقيهم جهل ثم انت وياهم منت متحمل الكلام اللي راح يقولونه عليك هالضباط من سب وشتم .

قالت والله يايمه صدقتي في هذه انا مااتحمل الكلام الرديئ وبعد ههههههه يسبني عز الله اللي بتذابح معه من اول يوم .
قالت دور لك وظيفة محترمة مدنية فيها ناس متعلمين ومثقفين لا فيها سب ولا فيها إهانة للكرامة .

والحمد لله اشكر الله ثم الوالده على نصيحتها ولو انا الان بالعكسرية عز الله بنفصل من اول يوم ادخل بالدورة .

فيبدو لي أنك عانيت مثل مانصحتني به الوالد أدري بهالعسكرية ناس همج لا يعرف يكتب حتى لو اسمه والشكوى الله .

لكن لا يمنع الأنسان البحث عن المكان الأنسب له بحيث يجد "البديل" . وعسى الله يفكك من هالعسكريه لها ناسها وانطباعها .. ولعلك فهمت مغزى الهرج .

[/align][/frame]