مرحبا .. سجينة أمل

عندي أمل اني بلقى المشروع المناسب من هذا المنتدى ..

تلقين و ألقى خير ان شاء الله ..

رايي انك تشتري كم قطعة ارض

وكل ماصار عندك مبلغ تشتري ارض

صدقني اخوى انها اضمن لك واريح


على شان كذا ابحث عن الاراضي وابتعد عن الشراء من الشريطيه تراك ما تكسب من وراهم

او دور لك على ارض وابن عليها استراحه واجرها على الشباب الشهر 1500ريال
دعواتك لي بالتوفيق

وطني الجبيل .. شكلنا جبنا الحل بالصدفة " النياق خخخخخخخ "

مشكور ع النصائح

غموض انثى مسائك سعيد اختي ...

بصراحه الان مو سوق عقار وانا اتوقع نزول حاد جداً خلال الـ 3 سنوات القادمة

هذا والله اعلم ..

تصدقين غموض انثى .. والله هذي الفكره الي ببالي مستقبلا ..

لكن

ما عندي مبلغ كافي الحين ..

واحد من اصحابي عندو 180 ألف بالقوة لقي أرض في خارج المدينة الي أهلي فيها ..


مشكورة ع الفكرة

لا تهور ياصديقي ... انتبه تدخل العقار

وعليكم السلآم ورحمة الله وبركاته ::.

اخوي بما انك بديرهـ وتقول صعبه الرخصه ,, اطلع لطبرجل او اي منطقة من المزارع هنآك وتعرفـ على عملية الشغل بس حاول تشغل مخك انا عملت كم حسآب على السريع وحصلت فيهآ دخل كويس والنآس نايمين والمصآريه والافغانيين شغآلين فيهآ بـالمئآت ,, يعني تاخذ رشآش كامل تقريبآ يطلع لكـ مبلنه جاهزة بعد اسبوعين الى ثلآث اسابيع بـ 6 ريآل الى 8 ريآل طبعآ هالسعر قبل سنتين من الان ,, حاول تروح وتشوف بنفسك وطبرجل حددتها لان اي صاحب ماشيه يحب علف طبرجل الصآفي تماامآ ,, وعلى حسب صفاوة البرسيم السعر يتحدد ايضآ ,, وكل امورك بسيطة مستودع باي مكان خزن شوي شوي ونزل للعالم طبرجل والله يجونك لو بخرخير ,,


وعسى الله يوفق الجميع ان شآء الله ::.. دعوآتك يالغآلي ::.

وطني الجبيل ممكن اخوي تعطينا الاسباب اللي خلتك تتوقع تدهور العقار اذا تكرمت .

مرحبا بووح الجروح ..

حبيبي اش تقصد بـ " رشاش كامل "

ممكن توضح

ابشري اختي ولا يهمك ..

السبب الأول : التوجه الحكومي لتوفير المساكن وذلك بعد الامر الملكي الكريم بتوفير 500 الف وحدة سكنية .. ((طبعاً الحكومة اذا فكرت تحل شي تحله بس مشكلتها في الوقت ))
والوقت اللي انا متوقعه بالكثير 3 سنوات لا اكثر ..

السبب الثاني : وصول عدد القروض الجديدة خلال الفترة الماضية الى 70 الف قرض سكني بقيمة 500 الف ريال مما يسبب زيادة في اسعار العقار وخاصة الاراضي السكنية ومن المتوقع وصول عدد القروض الى 150 الف قرض نهاية السنة الحالية .. مما يسبب زيادة كبيرة في المساكن المتاحة للسكن مقابل التزايد السكاني ..

السبب الثالث : تطبيق النظام الجديد المقرر من مجلس الشورى وهو الرسوم السنوية على الاراضي البيضاء .. مما يضطر الهوامير وكبار تجار العقار الى تطوير اراضيهم وبيعها في مزادات خوفاً من الرسوم المتراكمة السنوية ... وهذا يزيد في المعروض

هذا ما اتوقعه وهذي هي المعطيات اتمنى مناقشتها ولكم مني كل الشكر والتقدير