..سلام عليكم ورحمة الله وبركاته ..

مساء الخير للجميع

يا جماعه ألحقوني .. قسم بالله أكلتني الأفكار وما طلعت بنتيجه . .

أبي اعمل مشروع .. قرأت قرأت لييين قلت بس .. وما طلعت بشي . .

في الأخير .. دخلت سوق الأسهم مع أني ما أحبه .. وبالقوة فتحت محفظه وشريت يوم الثلوث الماضي

في كيان وسابك . .

قسم بالله يا شباب ما مر خمس دقائق إلا وهوى السهمين نزووووووول .. يا هوووووووووه اش فيه !!!

وشوي إلا والسوق نازل خخخخخخخخخخخخخ ..

قررت أطلع من السوق .. لكن يا ناس والله مو قادر اجلس كذا بدون مشروع .. ما أقدر والا بتاكلني الافكار

..

هذا موضوعي بين يديكم .. أتمنى ألقى عندكم المشروع المناسب لي ..

علما بأني أبي مشروع له مواصفات : " ويتشرط "

1. ما أقدر افتح رخصت محل .. لأني موضف ومو متزوج . .

2. مشروع غير وقتي .. يعني مو مشروع بالصيف بس .. ولا في مواسم معينه .. ما أصلح لهذي المشاريع

..

علما بأن راس المال 70 ألف وأقدر أوصله لـ 100 ألف

ولكم مني كل الاحترام والتقدير

..

بما انك موظف ومشغول بوظيفتك ..

انا اقول انك تستثمر في هوايتك او شي تحبه ..

من اهم اسباب نجاح المشاريع حبك وعشقك لها ..


بالتوفيق ياصديقي

هلا ومرحبا أخوي وطني الجبيل

ياخي هوايتي وحبي وعشقي اللغة الانجليزية ..

قريب ان شاء الله راح انتهي من حفظ قاموس اكسفورد كامل .. فكرة اسوي لي موقع ترجمة ع النت .. لكن اكتشفت انو ما يمشي ..

والله ياخي مليت

معهد تعليم لغة انقليزية

على فكرة اخوي ترى المعهد مايكلف كلها تأجر لك دور كامل .. وتعاقد مع كم مدرس مصري لغة انقليزية
يداوم عندك الفترة المسائية في المعهد وتلقاه مدرس في النهار في احد المدارس الخاصة ..

وبنفس الوقت انت تكون عارف الشغلة وطابخها زين

مرحباً ..

المشاريع كثيرة ، والافكار اكثر ، وانت لازم تساعدنا وتحدد بالضبط وش تبي، وش تحب تشتغل ؟؟؟؟؟؟؟

الا ان كانك تبي الي يشغل المشروع شخص غيرك وانت مجرد مالك ..

وطني الجبيل ..يعطيك العافيه أخوي ع المعلومات

روعه الفكرة .. توي افكر فيها .. لكن المشكلة مقر عملي في مكان الحمد لله بس .. ما يمشي المشروع هناك .. ما يمشي هناك إلا النياق خخخخ امزح

بالتوفيق اخوي انا بالضبط نفس مشكلتك

يـــــــــارب ترسي على مشروع تقضي وقتك فيه وتستفيد.

مرحبا بكالوريوس عاطلة ..

والله أكذب عليك لو قلت ابي اشتغل في مجال معين لأن هدفي زيادة الدخل ..

لكن .. زي ما قلت أول .. المشروع ما يحتاج فتح محل .. و مشروع غير وقتي ..

النياق الحين صارت اهم من ابن ادم .. حط تعليم اللغة للنياق

ابحث عن اقرب مدينة كبيرة لك ..

اخوي تأكد ان كل مشروع له عقبة وانت قدامك عقبة بسيطة

تجتازها خلاص بتوصل حلمك ومبتغاك بإذن الله .

الله يوفقك ياصديقي ويسعدك