اشم عطرك بمنديل سرقته دون لاتدرين

زعيم الغربية · #1 (**permalink**) 23-06-2011, 02:29 AM

تعالي لعنبو ظرف ٍ وقف من دون لا تاتين
تعالي كم أنا مشتـاق أضمك يـا بعد عيني

صحيح ان الزمن دواروصحيح الوقت هذا دين
عقب ذاكـ اللقا الحين وين انتي وأنـا ويني

ألا يا سيدة جرحي عسى ما به حزن تشكين
وعسى ما للفراق جـروح تهزك يوم تطريني

ألا يا عـز من مر الخفوق وشافتـه هالعـين
على عهد الهوى باقي ولو خانت بي سنيني

لـ جل عينك هـمل دمعي مثل منتي علي تبكين
وابد ما وسـوست نفسي وقلت انكـ نسيتيني

أعرفك زين ياعمري مثل عطـر المسا توفين
بخــــــــيله حيل بحضــروك ولكنك تحبيــــني

صحيح الوقت قفابكـ وعلمي في لقاكي سنين
ولكن طــــــــيفكـ بدمي جرى بأقصى شراييني

أشـــم عطــرك بمنديل ٍ سرقته دون لا تدرين
أحسك فيه وأنا ادري اذا حســـــــك تحسيني

أضم سلسالك بيدي وأقول انت ٍ يا عمري وين
وانا ادري في كنف غيري سكنتي لـوعشقتيني

أناظر صورتكـ وادري عليها منكتب حـــــرفين
وانا اذكــر كــــم قلتيلي أمانه يوم تعطيـــــــني

أناظرها في كل ليله من فراقك إلا هالحين
وأقـــــول الله يجـمعنا وانا ادري وينـك ويني

أمانه وان مرق طيفي على بالكـــ فلا تبكين
وابد لا ياخذك هم ٍ سكن من غيبتك فينـــــي

قدر مكتوب والدنيا مثل ما قلتلك هي دين
وحان اللحين ياعمري نوفـي دينك ودينـي

واخيرررران رجعت لكم يا احلى اعضاء فى المنتدى
وان شاء الله اسعدكم من الطروحات الرائعه
موفقين يارب واحب اسلم على الجميع بدون استثنا محبتكم فى القلب
اخوكم... زعيم الغربية...

نـ العيون ـور · #2 (**permalink**) 23-06-2011, 02:38 AM

السلام عليكم ورحمة الله وبركاته

هلا بك أخوي زعيم الغربية أسفرت و أنورت و من طول الغيبات

جاب الغنايم . . . الله يعطيك العافيه على الطرح الرائع كما

عهدناك للتميز و الإبداع عنوان في الإنتقاء و الطرح و نحن

بإنتظار جديدك و دمت أخي بصحه و سعاده .