بسم الله الرحمن الرحيم ...
أخواني أعضاء منتدى بطالة الاعزاء ... والله العظيم أني أعتز لوجودي من ضمن هولاء الاعضاء الطيبين في هذا المنتدى الغالي .


حبيت أخذ رايكم وخبراتكم في مجال التجارة ..

أنا يا أخواني قررت أني أفتح بمشيئة ربي محل ألكترونيات بأختصار محل يبيع مستلزمات ألعاب الفيديو ( بلايستيشن - أكس بوكس .... ألخ ) .

من أجهزة وأشرطة وغيرها ... وحبيت أنوع حيث أن المحل بيكون في ثلاث جهات للطاولات بترك 2 للبلايستيشن و1 للجوالات ..

.... أدارة المحل بتكون تحت أشرافي .. بجيب عامل صيانه لعمل قسم صيانه بالمحل لأننه يقولون تدخل فلوس ..

المبلغ المتوفر حوالي 40000 ريال ,, المحل فيه مدينه صغيره عدد سكانها حوالي 50000 . المحل أجاره حوالي 15000 ألف على شارع عام .. المحل مجهز سراميك سقف مستعار أضاءه باب سكريبت .. عدد الشباب في هذه المدينه يمكن 5000 شاب أو 6000 مع الصغار يمكن 8000


الي حبيت أسالكم فيه:
س ) هل تنصح بالتنوع في الالكترونيات .. يعني جوالات وبلايستيشن ومستقبلا شاشات وغيره .؟ خاصتا عندي خبره جيده بالالكترونيات..

س ) أنا أسال الي جرب أو سمع عن أحد .. هل المحل يدخل يعني مشروع حلو ولا لا ؟؟ وهل فيه حلول تزيد الدخل ..

س ) بما أن الاجار 7500 ريال لنصف سنه . والعامل بيكلف يمكن 8000 والديكور من رفوف و تكييف يمكن 8000 ريال

هل يكفي للبضاعه 16500 ريال ,, أذا كانت بدون أجهزة مبالغ فيها كبداية .. ؟؟

س) أجيب عامل من البداية ولا أنتظر الى أن يبدا المحل في التحرك .... وأوفر مبلغ أستقدام العامل كترميم للبضاعه وزيادة راس مالها ؟؟

س) وش تنصحون فيه أجيب البضاعه من الرياض سوق الجمله بالبطحاء ,, ولا من الامارات ؟؟
المحل صغير نسبيا ..


أخواني أنا أخاف من الفشل .. ياليت أي واحد يعطينا رايه بشكل منطقي عن خبره او معرفه .. والي يعرف أحد خبره ويستطيع توفير لي معدات وتجهيزات خاصة بالالعاب الالكترونية والجوالات .. لا يبخل علينا الله يوفقه ..

(( اللهم أكتب لي هذا الأمر اذا كان خيرا لي , وأصرفه عني أذا كان غير ذلك ))
ودمتم بصحه وحفظ الرحمن ...

لو عندكم أفكار احلى وأسرع من هذي الفكره وبراس مال 40000 ريال لا تبخلون علينا ..