استفسار عن دراسه اللغة الانجليزيه بالخارج

بكالريوس بطالة · #1 (**permalink**) 24-06-2011, 11:39 AM

السلام عليكم ورحمة الله وبركاته

اخواني واخواتي انا سالت الين مادخت والى الان ماقتنعت ابي ادرس لغه انجليزية ( 5 شهور )فقط بالخارج وفبالي كانت عدت دول ( نيوزلندا - استراليا - ماليزيا - كندا ) وتم الاختيار يقولون ارخصها وافضلها ( نيوزلندا ) بعد بحث وش رائكم بالاختيار واللي يعرف اي معلومه عن معهد معين من ناحية الافضل بالتعليم ومابي اشوف عرب هناك مره انا شارد منهم واي شخص عنده معلومه عن مقدار التكاليف من ناحية السكن ابي جنب المعهد والاكل والاجواء وتذاكر الطيران وهل لازم فيزا انا حتى جواز ماطلعت اي معلومه وكيف طريقة التسجيل تكفون والله يكتب له الاجر ولكم مني الدعوه الطيبه وآسف عالاطاله وشكرا لكم

اعز ناسي · #2 (**permalink**) 25-06-2011, 10:13 AM

هلا اخوي

انا راجع من نيوزلاندا قبل شهرين تقريباً

الي يقولك نيوزلاندا رخيصه نصاب في وجهه

بضربلك مثال

انا كنت في مدينة تابو وهي قريه تبعد عن اوكلاند حوالي 3 ساعات

الهوم الستي عندهم بي 210 الاسبوع

وبعض الاحيان يشغلونك على النت ويقولون اشترك بي 30 دولار بالاسبوع للانترنت عند العائل مع ان اكثر العوائل تقولك بلاش

كنت مسجل في المعهد فل تايم بي 370 الاسبوع 30 ساعه بالاسبوع

طبعا في البدايه بتروح عليك 400 دولار يقولك نماذج تسجيل ونموذج بحث عن عائله

وبعد حط حق التامين الطبي

بعض المعاهد تجبرك وبعضها يقولك عايدي

بتأمن ولا بكيفك

نجي للاكل ويختلف السعر من مكان لمكان

كنت اخذ وجبة برجر كنك بي 9.5 دولار

طبعا مع ملاحظة ان سعر الصرف اضربها في 3 اذا بتحاسب بي فيزا والخ او الاغلب الا اذا لقيت صراف محترم وهذا قليل وتحصلهم في كوين ستريت

ونرجع للتذكره وسعرها في حوالي 6500

يعني احسبها وشف كم تطلع

الفيزا من المطار تقول انا سائح ويعطونك فيزة سائح

بس خلك واثق من حالك وعايدي تساهيل انا كنت مرعوب والحمد لله عدة على خير

نصيحه : فكر في ايرلندا ض1

وقارن الاسعار وشف الفرق يمكن بسيط في التكلف ولكن لو تخصمه من قيمة التذكره يتضح لك

وغير كذا قريبه ذيك بعيده مره

ونصيحه قارن من ثلاث عناصر مهمه

1/ الالكسنت . لان انا سمعت ان اكسنت ايرلندا صعب ولكن سكنت هناك هوم ستي كانت من ايرلندا والله يالاكسنت حقها خطير اطلق واوضح من النيوزلاندي خصوصا الكيويين عاد مدري ذيك كانت شاذه عن الايرلندين ولا وش لان اسمع ان الايرلندي صعب مو سهل

2/ الامان

3/ الاختلاط مع الجنسيات المختلفه

4/ الاسعار وسهولة التنقل باقل التكاليف

والله يوفقك يارب

انا كنت في معهد تابو في مدينة تابو معهد كويس وكنا السعودين بس 2

عاد الحين وش صار فيه وكم مدري تخبر الصيف يكثرون

بكالريوس بطالة · #3 (**permalink**) 25-06-2011, 03:26 PM

اقتباس:

المشاركة الأصلية كتبت بواسطة اعز ناسي

هلا اخوي

انا راجع من نيوزلاندا قبل شهرين تقريباً

الحمد لله عالسلامه اخوي واشكرك كثير الشكر على هذه النصائح وانا باخذ كلامك بعين الاعتبار والله يوفقك دنيا وآخره والله يرحم والديك ويبلغك رضاهم

فاضي لعيونكم · #4 (**permalink**) 25-06-2011, 11:39 PM

الله يوفقك

بكالريوس بطالة · #5 (**permalink**) 26-06-2011, 03:32 AM

اقتباس:

المشاركة الأصلية كتبت بواسطة فاضي لعيونكم

الله يوفقك

آمين وياك شكرا على مرورك

بكالريوس بطالة · #6 (**permalink**) 27-06-2011, 10:57 AM

اقتباس:

المشاركة الأصلية كتبت بواسطة بكالريوس بطالة

السلام عليكم ورحمة الله وبركاته

اخواني واخواتي انا سالت الين مادخت والى الان ماقتنعت ابي ادرس لغه انجليزية ( 5 شهور )فقط بالخارج وفبالي كانت عدت دول ( نيوزلندا - استراليا - ماليزيا - كندا ) وتم الاختيار يقولون ارخصها وافضلها ( نيوزلندا ) بعد بحث وش رائكم بالاختيار واللي يعرف اي معلومه عن معهد معين من ناحية الافضل بالتعليم ومابي اشوف عرب هناك مره انا شارد منهم واي شخص عنده معلومه عن مقدار التكاليف من ناحية السكن ابي جنب المعهد والاكل والاجواء وتذاكر الطيران وهل لازم فيزا انا حتى جواز ماطلعت اي معلومه وكيف طريقة التسجيل تكفون والله يكتب له الاجر ولكم مني الدعوه الطيبه وآسف عالاطاله وشكرا لكم

المشاهدات 105 والردود 2 وش ذا

لااحد يشاهد بدون رد اقلها

يتكرم علي بدعوه طيبه وله مثلها

عززوووزز · #7 (**permalink**) 27-06-2011, 11:08 AM

موفق بإذن الله ... لك مني أجمل تحية .

رعبوب الحمام · #8 (**permalink**) 27-06-2011, 11:17 AM

والله مدري علمي علمك انا ودي اروح بس شكل بروح لكندا اشوفهم في الجرايد يعلنون 3 شهور بـ17000ريال وعليهم كل شيء (تذاكر وفيز وسكن مع عائله ووجبة فطور وعشاء ويسجلونك في معهد) وش رايك فيهم؟؟!!