السلام عليكم ورحمة الله وبركاته
كيف حالكم ياشباب عساكم بخير.....
عندي مشروع وابغى مساعدتكم وان شاء الله ماتقصرون
مشروعي اطلع لموزين واشغل فيه هندي بجده لاني انا اعمل في شركه واخذ منه 100ريال يوميا
هل اشتري سياره واقلبها لموزين او فيه حل ثاني؟؟؟
ووين احصل سواق يعرف جده كويس؟؟؟

راس المال 40الف

الله يرحم والديكم لا تقصرون معااااي لاني جديد بالمشاريع

الليموزينات في جدة ماشيه ممتاز
بس جرب تأجرها في المطار
اسعار المطار الضعف اقل شي 60 ريال
يعني ممكن يطلع لك باليوم اكثر من 100

للرفع الله يرفع مقداركم

الليموزين فيه خير وبركه ولاكن انا انصحك تاخذ سياره جديده وتسجلها في المطار

البلد شغله متعب ويدمر السياره ولاكن المطار شغله مريح جداً ومشاويره ممتازه واقل مشوار ممكن من 50 واكثر

وترى الشغل متعب كله اذا انت رجال بتكاسل مثلي والله لاتاخذ ليموزين

شوفني انا اخذته واشتغلت اول سنتين وبعدين تركة الشغل غير موقف الموتر ولا احركه بس احسسن شي اذا تعاملة مع مدرسات او طالبات كليه

ونصيحه خذها مني ترى يمر عليك حالات مستعصيه بس والله انصحك لاتنظر للحرام وخل في بالك انك تبحث عن رزقك ترى غنى وزنا ماتجتمع

الله يجزاك خير عزوبي متزوج على النصيحة ..

اخي الكريم يجب ان تسأل عن مشروعية اخذ 100 ريال يوميا من العامل الذي يشتغل على السيارة قبل البدء بالمشروع لكي يبارك الله لك في رزقك..

الله يبارك فيك ياعزوبي ومتزوج ويرزقك من حيث لاتحتسب الحمد لله ان الله مغنيني عن الحرام وانا خوك
انا مااقدر اشتغل فيه لاني شغااااااال بشركه ولاعندي وقت يسمح وراتبي ع قدي

الله يجزاك خير يالريميه والله انها راحت عن بالي الله يذكرك الشهااااااده (اااامين)


بس ابغى احد يوضحلي ويبين لي هالسؤالين...
هل اشتري سياره واقلبها لموزين او استاجر سياره اجره؟
وين احصل سواق يفهم جده وشوارعها ؟؟

للرفع

شوف الشركات الي تشغل الليموزين بالمطار تطلب من السواقين ايجار يومي ما يقل عن 150 وفي كثير ايجارهم اليومي 200 ريال يعني 6.000 ريال شهرياً روح انت واعرض انك تشتري سيارة ليموزين مقابل ايجار يومي 100 ريال < شغل تكسير الاسعار وان شاء الله تلقى ..

ثاني مكان لتقى فيه سعوديين يبون ليموزين هو مدرسة دلة روح الصباح على الساعه سبعة ونص تلقى الي يدرسون لاستخراج رخصه عمومي خفيف حقة الليموزين وقولهم الي يبي ليموزين عندك وانك بس تبي ايجار 100 ريال كل يوم طبعا مو كلهم قادرين على استخراج سيارة ملك

انت بس لو تلف شوارع جدة تلقى الهنود يطامرون بسيارات الشركه في الحفر ولا كان قدامه حفره ياكل الحفر والمطبات ولا همه يعني سنه وتوقع تخرب سيارتك على يده

انا مثلا احد الراغبين باستئجار ليموزين ولفيت شركات جدة وكلهم يطلبون كفيل واليوم قدمت على بنك التسليف فلو لحقتني قبل اسبوع كان اخذت سيارتك

السلام عليكم ورحمة الله وبركاته

فكرة المشروع حلوه لكن ليسة مجديه إلا إذاكانت أكثر من سيارة

زي ما قالو الإخوان بأجرها على واحد أجنبي بيطامر فيها كل مكان ولا بيهتم فيها

وإذا بدأت تخرب السيارة سابها وتركك وقيمة تأجيرها بتروح تصليح لكن لو كانت أكثر من سيارة ( هاذي تشيل ذي)
راس مالك طيب وتقدر تشوفلك مشروع احسن شوي

الله يوفقنا وياك

إنتظروا موضوعي

دمتم بود