طلب مساعدة في وظيفة..

غدا يوم آخر · #11 (**permalink**) 30-06-2011, 02:55 AM

الله يفرجها عليه من واسع فضله

تم دمج الموضوع مع الموضوع الأول
اختي ارفعي الموضوع وبإذن الله تجدين من يساعدكم

وله راما · #12 (**permalink**) 30-06-2011, 03:41 AM

اقتباس:

المشاركة الأصلية كتبت بواسطة حامله المسك

السلام عليكم ورحمة الله وبركاته

ماادري واش اكتب ومن وين ابتدي
اخوي عاطل له 5 سنين وداخله في السادسه وانا كل يوم ابكي كل ماشفته ضايق ونحف من الهم والتفكير
درس ترم بالجامعه وماارتاح وماكمل
ودخل كلية الاتصالات وجته زين العين
يقسم في شي يمنعه موعارف وشو مايقدر يروح يغصب نفسه يوصل للكليه
ويرجع مايقدر لين فصلوه غيابيا وهو الله عالم بحاله
ماشاء الله تبارك الله
نسبته زينه ومستواه جيد جدا مرتفع في الانجليزي واجتماعي وحبوب ولبق في التعامل ويعرف استخدام الكمبيوتر
ومااخذ دوره الماده وظروف ابوي ماتسمح
الحظ ماش وردي والله اني ابكي كل ماشفته والحزن مغرق عيونه

كل اللي معه واقل منه واصغر واكبر راحوا وتوظفوا وعرسوا وهو خاطب مايقدر يعقد
وهو ماتوظف قدم في كذا مكان نفس الموال بندق عليك بياعين كلام

تعرفت على وحده قالت تعرف احد في موبايلي خليه يروحله وبيوظفه راح وتكشخ وفرحان ودق علي قال ادعيلي وانا ادعيله قابله الرجال وقال كم تبي دوام دوامين كل اي شي من زود الفرحه
يبي وظيفه يستر نفسه ويتزوج وقاله الرجال خلاص ابشر
كم يوم وادق عليك وطلع موقد كلامه حسبي الله ونعم الوكيل فرح اخوي وعشمه على الفاضي

كان حلمه يدخل كليات صحيه و قدم و نسبته زينه
ومطلوبه بس الواسطه
ومايقدر يدرس بفلوس ابوي متقاعد
والا كان حلمه ميوله صحيه تمريض اداري
لكن ااااااااااه يااخوي الله يفرجها عليك وكل عاطل يارب
وميوله مو عسكري لكنه قدم على العسكريه
وشروطهم التعجيزيه
امس قدم بالدفاع الجوي وقال العمر غير مسموح
طالبين من 17 الى 26
حسبي الله ونعم الوكيل وين يروح بالله حرام عليهم
والا كليه خالد العسكريه طالبين متخرجين 1431
طيب وش ذنبه بالله هو وغيره

تكفوووووووووووووووون داخله على الله ثم عليكم
انكم تدعوله من قلب صادق بالوظيفه والفرج

واللي عنده استطاعه يساعده ويوظفه
اسال الله ان يحرم جسده ووالدينه عن النار ويجعل الفردوس الاعلى مستقرهم ويرزقه رزقآ واسعآ حلالا طيبا ويعلي شانه ومراتبه ويسعده في الدارين ويقضي حوائجه ويرزقه مايتمنى ويفرج كربه وهمومه مثل مافرجه على اخوي الغالي

وعهد علي اذا اتوظف اخوي

لااتصدق وادعي طول عمري من كان السبب في سعاده وتفريج هم اخوي باذن الله

اولا : هو وين ساكن في أي مدينه .
ثانيا : كم عمره حاليا.
ثالثا: لديه الأستعداد انه يشتغل وظيفه ( بائع + كاشير + مدخل بيانات كروت الجزيرة وموبايلي)
رابعا : الدوام يكون فترتين وفيه ايضا فترة واحدة مساء .

امل الرد على موضوعي هذا .

ساره مشعل · #13 (**permalink**) 30-06-2011, 06:56 AM

اقتباس:

المشاركة الأصلية كتبت بواسطة عطر المسك

مشكورة اختي سارة مشعل على هاالدعاء والله يسمع منك .
مثل ما قلت سابقاً صعب علية يتوظف بعيد عن الاحساء فالوالد مريض ويحتاجة وصعب علية أن يبتعد عنة .
وما في مانع إذا احد بيوظفة بفلوس جراء اتعابة .
ياليت تدليني على اسم المكتب ورقمة علشان يتصل علية وجزاك الله كل الجزاء .

يسعد صباحك أختي عطر المسك خلاص بإذن الله راح يكون الرقم عندك وبأسرع وقت لكن أتمنى تمهليني ليوم السبت أو الجمعة OK

الله يسعد روحك ويوفقك ويطمن قلبك على أخوك وتفرحين فيه موظف وعريس ياااارب

ساره مشعل · #14 (**permalink**) 01-07-2011, 12:47 AM

قلبو ما أقدر أراسلك ع الخاص لأن مشاركاتي قليلة وصعب أكتب الرقم ع العام إذا طلبك جدي وحابه تاخذي الرقم أرسلي رقمك وراح أكلمك بإذن الله لكن الأفضل شوفي رد الأخت ( وله راما ) ممكن بإذن الله يتوفق بالوظيفة اللي هي عرضتها
بالتوفيييييييييق غاليتي

دموع اليالي · #15 (**permalink**) 01-07-2011, 02:10 AM

الله يسهل امره ويرزقه

عطر المسك · #16 (**permalink**) 01-07-2011, 04:14 AM

اقتباس:

المشاركة الأصلية كتبت بواسطة غدا يوم آخر

الله يفرجها عليه من واسع فضله وبإذن الله تجدين من يساعدكم

أمين يارب الله يستجيب منك الدعاء.
ياليت يا اخت غداً يوم آخر بما انك هنا مشرفة فعدد مشاركاتي قليل واريد أن اتواصل مع سارة مشعل وهي كذلك مشاركاتها قليل .كيف يمكنني ذلك.
وجزاك الله خير

عطر المسك · #17 (**permalink**) 01-07-2011, 04:19 AM

اقتباس:

المشاركة الأصلية كتبت بواسطة ساره مشعل

قلبو ما أقدر أراسلك ع الخاص لأن مشاركاتي قليلة وصعب أكتب الرقم ع العام إذا طلبك جدي وحابه تاخذي الرقم أرسلي رقمك وراح أكلمك بإذن الله لكن الأفضل شوفي رد الأخت ( وله راما ) ممكن بإذن الله يتوفق بالوظيفة اللي هي عرضتها
بالتوفيييييييييق غاليتي

هلا وغلا فيك اختي فأنا جادة في طلبي بعد ما قطعت هذا المشوار الطويل ما راح اتراجع , وانا وجهت رسالة للأخت المشرفة لعلها تساعدنا في التواصل .

والله يجزاك الجنة على تفاعلك معي ومساعدتك
والله يحفظك اينما تكونين

غدا يوم آخر · #18 (**permalink**) 01-07-2011, 04:42 AM

الأيقونه هذي على يسار رد العضو
هذي ايقونة التقييم لإبداء الملاحظات والشكروغير ذلك
تقدرو من خلالها تتواصلو
يعني تكتبين فيها للعضوه وتلاقيها في لوحة التحكم في نهاية المواضيع

لكن انا اقولك من وجة نظري اتوقع تقصد مكتب توظيف تدفعين لهم فلوس عشان يوظفوك
والحقيقه كثير مكاتب توظيف مافيها مصداقيه
واكيد الكثير لهم فيها تجربه

مع العذر للاخت ساره المشعل أكيد ودها تساعدك فجزاها الله خير
لكن هذا رأيي وأكيد راي الكثير

ربي يرزقه ويسهل امره

عطر المسك · #19 (**permalink**) 01-07-2011, 05:00 AM

شـكرا لك ... لك مني أجمل تحية .
يااخت غداً يوم آخر

بتاّل الحربي · #20 (**permalink**) 01-07-2011, 05:03 AM

الله يوفقه ويوفقنا جميع بتوفيقه فهو الغني ونحن الفقرا وهو مقسم الارزاق بين عباده اللهم وفقه في ماترضاه وجنبه عن مانهيت يارحمن يارحيم ...يااختي انا صار لي عاطل 10 سنوات مالقيت ولا شركه ولا وظيفه حكوميه يعني مو بس اخوك الاغلب من الشباب ماعندهم وظائف لاكن انشالله يجي الفرج خاصه بعد الاوامر الملكيه الكريمه