المشاركة الأصلية كتبت بواسطة جاي بملفه

كل الي كنت بقوله مثل هذا الشخص


التجارة ليست بالكلام

لاتنسي اننا بموسم ولاتنسي اننا ممكن نمر بأزمات يومية

ولاتنسي ان يمكن يطيح السوق وترتفع الاسعار

واكيد المدير لازم يتاجر ببضاعته ويعطيكي القيمة الهائلة حتى تتعجبي وتنطلقي وتحسي انها سهله

لو بديتي بالجد راح تشوفي لها صعوبات كثيرة

المشاركة الأصلية كتبت بواسطة تيراميسيو

هلا اخوي تسويقار انا اساسا معجبه بافكارك في التجاره

لكن لي تعليق على كلامك

الفرانشايز الاجنبي ومعروف جدا ومايحتاج نتكلم فيه

طيب الفرانشايز المحلي ليش تقول عنه يخوف طيب هم برضه بيخافون على سمعتهم ولو فرضنا ان كلامك صدق وانه بس يسوق لمحله ماكان فتح الى الان ثلاثه والرابع بالطريق

مع العلم انه جديد ماكمل حتى 3 سنوات وانتشر واشتهر بشكل عجيب وهذا ان دل دل على نجاحه

وانا رديت على الاخ سلطان وقلت اللي يبي يفتح مشروع مثل هذا لازم وحتما حتى مايعرض نفسه للفشل انه يكون معه خبير بالحسابات ويشوفون جميع الاوراق ودفاتر المحاسبه عشان يعرفون اللي لهم واللي عليهم

والله ييسر ماتعسر ويرزقنا بالمال الحلال المبارك فيه

المشاركة الأصلية كتبت بواسطة عضو متفائل

اذا كان سعر اقل حجم او عصير 12 ريال وهناك اقبال على المحل فكلامك صحيح لخبرتي المتواضعه في هذا المجال

اختي يالكريمة ماهي الجنسيات التي في المحل ؟

بالنسبة لتكاليف المحل فحسب المساحة وانواع الديكور والمكائن ... الخ

اما تكاليف رسوم الامتياز غالية جداً

المشاركة الأصلية كتبت بواسطة تسويقار

اختي اولا اعجابك بما اطرحه يزيدني شرفا وكلامك الطيب يدل على معدنك الاصيل فجزاك الله خيرا

ثانيا :

الفرنشايز المحلي كما اوضحت لك غير مضمون الا للشركات الكبيرة مثل شركات التأمين

لانها مرتبطة بدوله وبهيئة سوق والخوف منها ضعيف جدا

لكن محل واخذ منه الاسم مقابل مبلغ مبالغ فيه اعتقد انها مخاطرة

انا لا اجزم ولا ابصم بفشل المشروع اختي ... لا والله ... لكن كنظرة سريعه اراه غير مناسب

لكن هذا لا يمنع اطلاقا ان يكون ناجح كما تفضلتي فرع واثنين وثلاثه

لكن ماهي هذه الشركة ؟؟ وما قوتها ؟؟ وما مكانتها بالسوق ؟ حتى استطيع تقدير الاسم

اختي تراميسيو لكل شئ ثمن ... فالساعه الماركة لها ثمن يفرق عن الساعه العاديه ... صح او انا غلطان ؟؟؟

رغم ان لكل الساعتين ثمن ... لكن الاولى بألفين والثانية بميتين ... كل شي له ثمن

سؤالي :

هل الخمسه وسبعين الف فعلا ثمن عادل لأسم المحلات ؟؟؟

هل النسبه اللي طلبها صاحب المحلات فعلا نسبة عادله ؟؟؟

متى نعرف كل هذا ؟؟؟

نعرفه من خلال دراسة المشروع على ارض الواقع .. دراسة حقيقية وانا اخوك مو مجرد كلام من صاحب المحلات ...

كمان 300 ألف ترى مره كثيرة وانا اخوك على محل عصائر حتى لو يبيع الكأس بألفين

احنا نتكلم عن تكلفة تأسيس ... احسبيها انتي وانا اخوك كم يكلف المحل تأسيس ؟؟

اسأل الله سبحانه وتعالى ان يرزقك من حيث لا تحتسبي وان يجعل ما قدمتيه هنا في ميزان حسناتك

يكفينا منك حب الخير لاخوانك واخواتك والموضوع هذا دليل على ذلك

جزاك الله خير ....