السلام عليكم ورحمة الله وبركاته

الشي اللي أتكلم عنه الواسطه اليوم في حرس الحدود

الحمد لله اليوم خلصت من مقابلتي في حرس الحدود بالرياض التخصص جندي بري

طبعاً نضامهم تدخل من البوابه على طول لصاله كبيره تنتظر اسمك طبعا بعدها تروح للركض

والبشم والضغط طبعا اللي معاهم ( واااو ) ماشاركونا بعدها رحنا للمقابله الأولى طبعا المساكين

امثالنا جلسنا تحت لهيب الشمس وربي مايعلم فيها إلا الله وبعد ماشاركونا أهل ( الوااااو ) كل

شوي جايبه رتبه وينقل اللي معااااه الين خلصو من اللي معاهم واااسطه تكرمو علينا حنا وخلصنا

بعدها رحنا للأختبار التحريري لا والله جزاهم الله خير دخلو معانا الشباب ومن أحسن مايكون

بعدها المقابله الأخيره اللي بعدها تمسك الباب كان لهم الأولويه ويقولها لك الجندي اللي ينظم

الدخول والخروج الحين نخلص من حقين الواااسطات وبعدين يجي دوركم وحنا بالشمس تقل ضبان

وماخلصنا وفينا روووح اللي أحب أوصله إن الله يغنيينا عن واسطااااتهم ونمشي بإذن الله بدون

واااسطاااات ولنا الله وبالتوفيق للجميع

خلاص الحين حتى شربت الموية بواسطة الله المستعان ...

الله يجعلك من المقبولين ...

أخوي سوال لو خيروك بين حرس الحدود وامن المنشأت وش تبي تختار ...؟؟

أتمنى تجاوب

موفق بأذن الله بدون واسطة...

الوظيفه لاجت حــلاوتهـا بدون واسطـه وعسى الخير فـالك..

موفق بإذن الله ... لك مني أجمل تحية .

... اصبرر وانا آخووكَ عـآدّ هذآ رزقكَ آصبر يالبى روحكَ >_<

ترى الشكوى لغير الله مذلهه

الله يوفقك عقبال القبول النهاائي مآيرووحَ تعبكَ على الفاضي


موفق بإذن الله ... لك مني أجمل تحية .

عقبال القبول النهائي والله يحفظك

ماذبحنا غير الواو
الله يجيبها من عنده
(الواو) حرف من الهجا ايَت كتاب يضمها
لكنها تمردت واصبح لها قدر وجلال

كبرت وصارت (واسطه) والواصل اللي خمها
واللي عجز ماخمها يصبر على نطح الجبال

الله على خطابها صاروا عيال لعمها
كل(ن) يقدم شبكته يبغى من (الواو) الوصال

يدرون فيها ظالمه خالط حلاها سمها
لكن عربنا (قصروا) واليوم يبغون الكمال!

(الواو) للي مرتكي بنت وخفيف(ن) دمها
لامن بغاها جابها يقودها في سلك شال

والا الضعيف المشتقي يركض ولاهو يمها
لو جالها بيقودها تقطع جديدات الحبال

اكبر قهر كيف الردي رجولته ماتمها
والواسطه) تاقف معه (يالا) شغاميم الرجال

اللي ماعنده (واسطه) سعادته ماشمها
يبحث عن الحاجه جنوب وحاجته باقصى الشمال

هذي سلوم (الواسطه) ماحد(ن) بقى ماذمها
كل(ن) شكى من ظيمها واولهم عيال الحلال

تخيلوا قرده غزال اسبابها(الواو)امها
وان صارت(الواو)امها فالقرد بعين امه غزال

يعني عشان (الواسطه) كل(ن) تصير يهمها
مانيب ابالغ بالحكي (الواسطه) فوق الخيال

(الواسطه) عند العرب تفاخروا في سلمها
وبديرة الغرب تهبا ماحصلت فيها مجال

ملعون ابو (هالواسطه) هم وذبحنا غمها
ركض(ن) بلياها مثل ركض العليمي بالنعال

الله يكرَمكم أجل لاجا الأمر من فمها
قام الدجاج بلا حيا ياطا على خشم الجمال

ياليت يصحى سلمنا يفكنا من همها
كان النظام العالمي يكتب بجرأتنا مقال

منقول