اختي نوف
اللي يسمع كلامك يقول اني طايحه سوالف مع السايق او يمكن اللي تعاشرينهم انتي من هالنوع

حبيبتي انا الحمدلله مو صاحبة عباية كتف ولا صاحبة سواليف مع السايق

بالعكس انا دغري مثل ما يقولون ولاني صاحبة طلعات مال امها داعي

لعلمك بس... البنت اللي ماعندها احد يردها تتربى انها هي اللي ترد نفسها بنفسها وانا ولله الحمد تربيت تربية ما احد يقدر يتكلم عليها ولو كنت مثل ما تقولين ماكو اسهل من اني اقول لأي أحد يحل مشكلتي وانتي بنت وفاهمه قصدي

اختي القسم هذا خاص بالفضفضة واحنا اذا ما شكينا لبعض ماله داعي نكتب هنا وما اتصور ان كل القضايا اللي انكتبت هنا انحلت.

سبحان الله صارت الدنيا كذا اللي يتكلم عن المنكر اللي صاير يقولون له الغلط منك واللي يسكت يقولون شيطان اخرس

اللي تاخذ حقها بنفسها يقولون تخالط الرجال ومدري ايش واللي تسكت ( مش لأنها ماعندها ثقه بنفسها) بس لأنها متربية انها ما ترادد الرجال يقولون ناقصة ثقة

اختي نوف يمكن اكون جد صغيرة بالسن لكني تحملت مسؤولية اللي بعمري ما شالوها وعلمتني الدنيا اشياء واشياء وشفت الشين والزين


ولا تحكمي على سالفة السايق على اخلاقياتي من وجهة نظرك وكأن السائقين هم الصح مهما كانوا على غلط واحنا الغلط مهما كنا على صح

والله ما احد كبر روسهم علينا الا الناس اللي يغلطونا عشان يطلعون الاجنبي صح

وما شفت اجنبي يتجرأ على مواطنة الا عندنا والسبب معروف ( احنا اللي شايفنيهم يكسرون الخاطر والغلط في شبابنا وبناتنا )

حبيبتي ولا تزعلين من كلامي .. ترى مش كل البنات من نوعية اللي تعرفينهم وياما بنت والنعم أخت رجال .. لكن في اشياء يمنعني عنها ديني وتربيتي واخلاقي وعاداتي وتقاليدي ومبادئي

شكرا اختي على ردك وكلامك بس حبيت انوه اني ما تشكيت من المسؤولية اللي انا شايلتها واللي تقولين اني مو قادرة اتحملها ( ارجعي لموضوعي وما راح تلقين اي شكوى من المسؤولية وكان كل موضوعي عن مشاكل السائقين )

اتمنى ان يكون الرد عن حل المشكلة وليس عن سلوكياتي او التلميح عن اخلاقياتي اللي مستوى الشبهات بشهادة الكل والحمدلله...

عزيزتي / معلمة مدرسه خاااصه ؛؛

كلنا بنااات ونعرف مشاااكل السووواقاين اللي وش كثرها

ورد الاخت نوف يمكن انها تكون على قدر اكبر من الاطلاع على نوعيااات كثيره ومختلفه

وحبت انها توضح لك كيفية التعامل معهم ؛؛

وأكيد عزيزتي ماكتبتي الموضوع الا انك على ثقه من مساااندتنا لك وان كانت معنويه

واختي

تأكيد اننا وللأسف بمجتمع دئماً يكون اللوم على عاااتق الفتاااه وان كانت على صوائب

ولكن ان شاء الله بامثالك أختي الفاضله نبين العكس ؛؛

عزيزتي :

نصحتكِ من قبل واكرر نصحي بأخذ موقف صااارم مع كل ساااائق

وكثرة السؤال عن من هو ملتزم سواء سعودي او أجنبي

وأفضل " سعودي شايب ملتزم " << الله ييسرلك واحد فيه كل هذي المواااصفات

وانتي اسألي وابحثي ؟؟

أما هنووود اللي بالحاره

كلمي احد من محاارمك يوقفهم عند حدهم ؟؟!!

والله يوفقك ان شاء الله

واذا احتجتي أي شيء أنا بالخدمه ؛؛

اختي قصتك قوية جدا وتعور القلب... اختي لازم تدورين مني اومناك رجل يمعنى رجل يكون يتكلف بالسائق من يجي...لانه الحين ينخاف عليك لا يسوون فيك شئ بسملة عليك...
اختي الهنود وغيرهم طينتهم وحده وانا اعارض كلام الاخت نوف لانه جربتها مع صديقتي كانوا هاديين وطيبين والسواويق ملاعين مترس....

اختي قبل تقدمين استخيري الله...كذا مره على التقديم... ولا تطلبين شاب اطلبي رجال بالخمسينات...

ولك اقتراح اذا حبيتي .. اطلبي رجل سعودي... انا جارنا سعودي يشتغل عند عائلة سعودية ورب الاسرة يثق فيه وهو وفي لاهل البيت ... لانه رزقه ورزق عياله عليهم...
واذا تقولين غالي السعودي بالف وخمس مية... بقولك الفيزا تكلف ... وراحة البال تنشرى باغلى الاثمان..
اختي اذا جبتي سواق خلي لبسك بكامل الاحترام والحشمة... ولاتتمادين معهم بالكلام...ووجهي له الكلام بصرامة سوي لك هيبة عشان يخافون منك..

طيب ليش ماتجيبين سوووووووووواق عربي مصري مثلا

ياختي انا انصحك انك تقولين لاعضاء المنتدى وانا واحد منهم اسم المنطقه والكفتيريا اللي يجمعون فيها لانهم كلاب وماينفع معاهم الطيب ونحن نقدر نتصرف اذا الشرطه واقفه معاهم هاذا احسن حل لك ...

ودي أنضم للشباب و أجي أكفخهم

الله يعينك و يرد شرهم و كيدهم عنك يا رب
أكثري من الاستغفار و الدعاء و حافظي على أدعية الخروج من المنزل و الأذكار

كوني شديدة في تعاملك مع السواقين لأنهم إذا شافوكي ساكته تمادوا
و لازم تبلغين أحد من رجال العيلة يساعدك و يوقفهم عند حدهم

ليش ما تروحين الدوام مع وحدة من زميلاتك ؟؟
و بالنسبة لمشاوير الوالدة في شركات خاصة سياراتها متوفرة على مدى 24 ساعة
أنا مدري انتي في أي منطقة لكن إسألي
أو دوري لك على سواق ليموزين سعودي كبير في السن و مشهود له بالأخلاق
احنا الموظفات مشكلتنا مشكلة مع السواقين
حسبي الله على كل من هو على شاكلة سواقك
الله ينصرك عليهم يا رب

الله يعينك بجد مشكله صعبه

وربي ييسر امرك ويفرج عليك

لكن مثل ماقالوالك الأعضاء لازم تخلين واحد من محارمك يوقفه عند حده

عمك او اي واحد يقرب لكم وصدقيني الهنود اذا هايطوا مايبغالهم الا رجال يوقفهم عند حدهم