طاب مسائكم ايه الاحبه الكرام
اليوم قبل الظهر اتصل بي شخص من البنك العربي و قال عندك مقابله بكره الثلاثاء الساعه عشره بأدارة البنك بالرياض بحي المربع (العربي للاستثمار)
وتطلع مركز البطاقات
عاد هو صحاني من النوم فما سألته وش مسمى الوظيفه
ولكن من يوم قال مركز البطاقات قلت يمكن تسويق

ياريت يا اخوان اللي عنده خلفيه عن مركز البطاقات وطبيعتها واللي يقدر يساعدني واهم شي ابي نصائحكم
وانا بصراحه فرحان لأنها جاءت عن طريق البنك مش من شركه مشغله
ربي يوفقني و ياكم

وش اسوي خصوصا أني ماعندي اي خبره ولى القدرة على تسويق البطاقات

انصحوني بالله عليكم



واللي يبي يسألني عن طريقة التقديم فأنا ماتقدم للبنك مباشره وانما اتابع المنتدى وكذلك بعض المواقع باستمرار وكل ماوجدت اعلان ارسلت نسخه من السيره

والله كريم
__________________

وينك ياشباب

بالتوفيق ياغالي
للاسف ماعندي فكره عن الوظيفه
لكن .. ان شاء الله الشباب مايقصروا معك

والله يالغالي أنا ماعندي أي معلومات
لكن حسب علمي من أحد الأقارب يشتغل في إدارة البنك العربي يقول إن البنك يبون موظفين في قسم التحويلات
(تلي موني ) وقبل ثلاثة أسابيع إتصلوا على واحد من الشباب لوظايف التلي موني

الله يوفقك

الله يوفقنا وياكم حبايبي
والله يكتب اللي فيه الخير
وشاكر لكم لمروركم الطيب

الف مبروووووووك والله يوفقك بس مرسم ولا عن طريق شركه

هلا
انا مؤخراً عملت مقابلتين مع بنكين ووفي وحدة منهم المديرة كانت تسأل اسألة كثيرة مثل
عملك قد يكون ميداني عندك مشكلة؟
انتي مفروض تجيبين عملاء مو تنتظري البنك يعلمك عندك مشكلة؟
عندك القدرة على القيام بالتسويق؟
احيان العمل يضطرك تقعدين لين بعد الدوام او قد نضطر نكنسل اجازتك لظروف العمل عندك مشاكل؟ او ايش رايك

يعني اسألتهم كلها يبون يشوفون هل عندك استعداد تتقبل وتعمل تحت ظروف العمل هذي؟ انت كل شي قول اي اي انا اشوف نفسي قادر مادام بتهيأوني
يعني لاتقول لا او تتردد.. لأن ممكن يقولون اشياء كثيرة ماتتعلق بالوظيفة الي هم يبونك فيها لكن يبون يشوفون شخصيتك وتفاعلك مع العمل

بالتوفيق

الوايلي الاتصال جاء عن طريق البنك نفسه
هي لسى مقابله ماصار شي
لاللعطاله
شاكر لمروركي المثري والجميل
عسى ربي يوفقنا و ياكم و يرزقنا جميع
و يقدم اللي فيه الخير