السلام عليكم
اعزائي اعضاء المنتدى الكرام
مني عارفه اتصرف مشكلتي هي
انا موظفه في مركز طبي وعملت معهم سنتين طبعا ما كنت مشتركه في التأمينات وفي نفس الوقت طول القترة السابقه كمان بدروس في الجامعه احضر ماستر وكنت اخذ مكافئه منهم وما خبرتهم اني اعمل بحكم قله راتبي وكمان شغلي اللي كنت في لحظه ممكن اسيبه ومشي الحال على كده لكن اللي صار معايه هدا الشهر انه مكتب العمل اجبرهم اني اشترك في التامينات فسجلوني المشكله دحين الجامعه اذا دريت مني عارفه ايش ممكن يصير ومني عارفه اروح ابلغهم اني توظفت بس انا محتاجه للمكافئه وانا طول السنتين كنت اعمل شبه ما عندي عقد يعني ما كان العمل بطريقه رسميه بحته
قولولي ايش الحل وراتبي كله 1500 ما يسولي شي وكم مره كلمتهم يزيدوا الراتب ليا بس لا حياه لمن تنادي

اشرحي لعملك عن ظروفك المالية واذا كان مو الزامي التسجيل في حالة قلة الراتب

مابيقولو لك شيء اهم حاجه العمل يسمح لك بالحظور للجماعه وقت مالزم الامر
هذا اللي جاء في بالي
انا اختي كانت تدرس بالجامعه وموظفه وماصار لها اي مشكله لكن لازم يكون عند الجهتين خبر انك موظفه وتدرسي . عشان تقدري تضبطي وضعك .

مشكورين جميعا على الرد
بس لو قلت للجامعه اني توظفت ما يحرموني من المكافئه يامسك العطور

الجامعه مالها دخل بالوظيفه ولو قلتي انك توظفتي ماراح يصير شي

موفق بإذن الله ... لك مني أجمل تحية .

مشكورين جميعا يا اعضاء المنتدى الكرام على النصيحه وشكر خاص لك ملازم بدون نجمه والله يبلغك الخمس نجوم مرررررره كنت شايله هم

بالتوفيق لك اختي وان شاءلله وصلتك المعلومه من الاخ ملازم بدون نجمه