السلام عليكم ورحمة الله وبركاته درة مع احتراامي لك انتي متزوجه وبتغلطين غلطتين او بالاحرى مصيبتين الاولى تكلمين واحد غريب ماتدرين وش وراه هالايام الاخو ماينفع اخوه ونصيحه لاتعطينه لاملف ولا اوراق والرزق عند الله ماهو بعنده وثاني شئ لاتخبرين زوجك لانه لو قلتي له يمكن يكون بينكم حاجز يعني
اطلبي الله برزقك واقطعي الشك باليقين .... والسلام

شوفي اختي نصيحة لوجه الله

يمكن الرجال صادق ويمكن لا،،،،ليش تحطين نفسك في موقف انتي بغنى عنه

إذا كان صادق قوليله بكلم زوجي يكلمك او بدون أوراق قولي وش عندك من مؤهلات وهو يدلك على مكان الوظيفة ويقول قوليلهم من طرف فلان وانتهى الموضوع

عسى ربي يحفظك ويستر عليك

يعطيكم العافيه انا باخذ بشوركم وانا والله لولا اني متخوفه من هالتصرف ماكان نزلت موضوع و استشرتكم
معكم حقك بكل ردودكم .. ولا حد يلومني تعبت من كثر ماشوف الوظايف تروح بالواسطات
كل مكان اقدم عليه ماحصل رد وانا اشوف ناس اقل مني مؤهل متوظفين فيها
باختصار اللي ماعنده واسطه بهالزمن ينسى يتوظف وظيفه عليها القيمه
الله يرزقني بوظيفه بدون حاجة احد
ويطلع اسمي بالديوان وارتاح
جزاكم الله خير

لا يا أختي العزيزه لاتتهورين وتعطينه أوراق أو شي عيال الحرااام كثرت الان في هالزمن وهو شخص غريب

الان الأخ ماينفع أخوه فما بالك بشخص بعيد عنك أستخيري أختي قبل لايطيح الفاس بالراس

خير ياطير,,تعرفينة قريب لك؟ لاتعطينة يمكن عند بلاء ويستغلك في اشياء ماتتدرين عنها تعرفين

الدنيا هالايام تخوف
لاتعطين الا الاقارب لكى عمك , خالك, ولد خالك, نسيبك , جاركم توثقون فيه اهلك يعرفونة فقط..

الله يرزقك يا اختي من واسع فضله آمين

شوفي انتي عطيه السيره الذاتيه بدون اي اسم او اثبات انه انتي ،، فقط مؤهلات ،،
اذا لقى وظيفه بهالمؤهلات يقولك شلون تقدمين عليها بفرع نسائي لا أكثر،
يعني مثلا تروحين وتقولين انا من طرف فلان ، ويكون هو سوى خير اذا كان صادق ، بدون مايدخل حياتك الخاصه

ماتدرين يمكن يبتزك بالاوراق خاصتك ويقول لزوجك انه على علاقه معك ومن هالكلام ،
عيال الحرام ماخلو شي لعيال الحلال، صرنا نشك بكل أحد من باب الاحتياط ،

الله يوفقك ، السعي للوظيفه مو حرام بس اعرفي كيف تاصلينه بطريقه سليمه ،،
وصعب تقولين لزوجك لأنه بيشك على طول ، بعض الازواج يحتاج شراره فقط ، او يمكن يجيه الشيطان ويلعب براسه
ويقول وش عرفها فيه أصلا ؟ وش معنى زوجتي يساعدها!
الله يستر عليكي ويوفقك ،

ذكرتيني بقصت وحدة نفس قصتك بس قالها التوظيف مقابل ؟؟؟؟؟؟؟؟ ضربت بالوظيفة غرض الحائط وقالت الله الغني واخذ النذل يساومها ويقول الاوراق كلها عندي وعرفت اسما ء اهل بيتكم كلهم وسوف اسرد قصة من تأليفي وافضحك اذا ماوافقتي ولاكن خوف البنت من الفظايح خلاها توافق للذئب البشري وسبحان الله عند خروجها والركوب معه اذا برجال الحسبة البواسل ينزلونها من السيارة ويقبضون عليهم والفضيحة صارت انصحك بلا بتعاد عن الطرق الملتوية حفظك الله اخيتي