السلام عليكم
كيف الحال
ابي استشيركم بموضوع
في واحد من منتدى اقترح علي انه يساعدني ويوظفني وهو من نفس منطقتي
وطلب انه ياخذ ملفي واوراقي وخصوصا انه يحتوي على صور من بطاقة العائله والاحوال وغيره
هل ممكن يضرني لو ارسلتله اوراقي لو ماكان ثقه ؟
انا ماأضمنه بس هو يحلف انه ممكن يساعدني
دلوني جزاكم الله خير
خصوصا اني بخطي هالخطوه بدون شور زوجي
بسبب انه بيرفض اكيد و الاحراجات والسؤال كيف عرفته والخ
وانا وربي مابيني وبينه شي غير هذا الموضوع

انا انصحك لا تتهورين

ممكن الشخص هذا يستغلك لا تثقين فيه

اعتمدي على الله سبحانه فهو حسبك

نصيحه لوجه الله

الله من وراء القصد

ترى فيه ناس ما همهم الا اللعب على بنات الناس لاجل مأرب أخرى

طيب اذا قلنا يبي يساعدك وش سبب المساعده والا ما فيه احد يفيد احد الايام هذي الا ماندر والفايده بتكون للمعارف والاقرباء وانتي تقولين من منتدى عمر المنتديات ماجاء منها الا المصايب

تقبلي مرور وانشاء الله ربي يعوضك خير

اعطيك هي من الاخر

مافي احد فيه خير ( لوجه لله ) كلهم نصابين

روقي وقري في بيتك لا تجيبي مصبية لك ولاهلك

اتخذي الوسائل الحكومية الرسمية في سبيل البحث على الوظيفة في اكثر من مكان

مثل مكتب العمل وصندوق الموارد البشرية وجدارة وعبدالطيف جميل وغيرها اما بهذا الطريقة اشك فيها والله اعلم

جزاكم الله خير
بانتظار مزيد من النصح

لاتتسرعين وتحطين نفسك فيموقف لايحسد عليه
موفقة باذن الله

حتى لو انه صادق بنيته

المفروض ماتسوين شي بدون شور زوجك

طيب تبين تتاكدين انه صادق

خلي زوجك يكلمه ويتفاهم معه وهنا راح يبين صدقه

ونصيحه لك خلى امورك واضحه وخبري زوجك أو اتركيه وابحثي انتي وراح تحصلين البلد فيها خير الحمدلله

انا مع اخي فلاح احمد جملة وتفصيلا
والله يوفقك

اختي اذا كان هو بيساعدك صحيح

ليشش ماتقولين له انا بكلم زوجي وبقول له ان فيه شخص طالب ملفي بيتوسط لي بوظيفه

وشوفي اذا تغيرت علومه اعرفي انه نصاب

واذا هو رجال صادق اكيد بيقول خلاص هذا رقمي خلي زوجك يتصل علي ويقابلني يعطيني الملف