هذي قصيدهـ حبيت انقلها لكم..
مادري والله لو غيري من الأخوان سبقني بها او لا....
صحيح ان بعض ابياتها مكسورة 
لكن لايمنع انها توصل لكم بعضا ً من الواقع المر .....
لكنها اهداء مني لجميع اخواني العاطلين والعاطلات عن العمل في منتدانا الغالي....
البــــطـــالــــة
لا هـــم لا غـربــال لا ســــل لا ســــوس
اكـــبـــر عــــــدوٍ عــنــدنــا هـالـبـطـالــه
نتـعـب عـلـى الاولاد ونــدوخ ونـحــوس
وتــهـــدّم الاخـــــلاق نــــــاسٍ حــثــالــه
واللـي نقـص مـا يعـرف الحـق ويقـوس
وش نرتـجـي بـاهـل الـكـفـر والـضـلالـه
نشري العسل في وسطه السم مدسوس
الـــــدش لـلـتـدمـيــر يــكــفــي لــحــالــه
شف هالخدم جتك من الشـرق بطقـوس
يـامــن شــرالــه عــلــةٍ مــــن حــلالــه
تلـقـى الـمـره بالبـيـت برمـيـل مـتـروس
بـس تشتكـي مـن جسمـهـا غـيـر حـالـه
قلب الرجل مـن شغلهـا صـار محمـوس
لا مـرضـعــه لا مـربـيّــه فــــي عـيـالــه
لا جـاء معاشـه تنشـبـه عطـنـي فـلـوس
تصـيـر وســط الـبـيـت صـاحــب جـلالــه
والبنـت جملـه حطـهـا داخــل (الـقـوس)
فـــي المجـتـمـع لـغــزٍ يـحـيّــر ســؤالــه
لا تفـرش السـفـره ولا تجـيـب مكـبـوس
لــتــغــسّــل ولالا تــشـــيـــل الــبــيــالــه
اكــلٍ ونــومٍ جسـمـهـا تـقــول جـامــوس
فــي شـربــة الـمــاء تـتّـكـل عالعـمـالـه
ولا الـولــد يــحــدّد لــلــراس بـالـمــوس
واكـبـر هـمـومـه يعـتـنـي فـــي جـمـالـه
كل يوم جالـب لـه مـن السـوق ملبـوس
يـركـض ورا الـمـوضـة وخـــلا عـقـالـه
واللـي يشيـب الـراس حفـلات العـروس
وشــــئٍ بـهـالـصـالات عــــدى خـيــالــه
الشيـن زيــن وصـايـر الـصـح منـكـوس
نـقـلــد الاعــمــى وراعـــــي الـجـهـالــه
والعولـمـه بتجـيـك فــي نــاسٍ هـيــوس
والـلـي بـقـى شــرواك ضـايــع مـجـالـه
يالله دخيـلـك وضـعـنـا صـــار مـعـفـوس
وقـت الضحـى مـن هـو يضـيّـع شمـالـه
شفت السفينـة ينخـر بجسمهـا السـوس
واكـبـر جـنـود الـسـوس هـــو البـطـالـه ...
ان شاء الله عجبتكم ..؟؟ 
22-12-2007, 04:34 PM
*** البــطــــالـــــهــ ***
العرض الشجري
