اخوي حساس لاتتعب نفسك انا حاولت افهم البشر ذولا ونت اخوي حساس عارف معدلي وعارف كل شي عني والحمد لله انا انقبلت في جامعتي !! ونت عارف اخوي حساس كم استغرقت من الوقت وعارف اخوي ان الشغلة كان فيها واسطة وكذا

عموماً انا اعرف الدكاترة اللي سوو لي المقابلة الشخصية في القسم مع الاستاذ عقيل واخذت اعلى الدرجات واللي دخل معي القابلة الشخصية شخصان لاغير وفوق ذلك واحد من الاثنين ذولا يقول انا اول مقابلة لي !! وازيدكم من الشعر بيت هو من بريدة !! يعني واسطة عيني عينك !! لا وازيدكم بيتين تم ترشيح 4 من القسم وانا اسمي ماهو معهم كيف جات هذه ؟؟ انا من خارج المجمعة لكن انا اجزم واتحدى اذا كانوا الاربعة اعلى من معدلي كلهم !!! وفوق ذلك اتصل دكتور اعرفة في منطقة على دكتور هناك سئل عني قال احلى طالب سوا مقابلة هو فلان بن فلان يقصدني !! ولكن الواسطة تحكم كل شي في الجامعات السعودية وللاسف هذا كلام الدكتور المصري !!! ولو بيدي والله مارشح احد غيره //

دكتور اخر اتصل عليه من اللي سوو المقابلة قال لي الدكتور عقيل سالني قال ايش رايك نرشح مين من اللي سوو المقابلة !! قال فلان الفلاني يقصدني !! قال ليش عشان انت درسته قال مو عشان كذا لكن انا دكتور ومتخصص واعرف الطالب ذا وشاطر وعنده دافعية للعلم والباقين كلهم مايصلحون واللي تبي تسويه سوه !! المهم حسسني الدكتور ان عقيل عنده واسطات وعرف الشغلة من زمااان انا والحمد لله ترشحت انا معيد الان ولله الحمد وماهمني الا نفسي لاني ماكتبت هنا انا واخوي حساس الا ان الشغلة ضحك على الدقووووون ونتم عارفين لكن تنتظرون الامل الغائب الذي لاقيمة له ,, جامعة غامضة جد جداً مادام الشغلة مدسوسة انتهى كل شي ,,, ليش مايكون هناك وضوح وتنزل الاسماء بالموقع !! للمرشحين للمقابلات عشان نعرف ,, عموماً انتم احرار الان لنا سنة تقريباً ودخلنا في وظائف جديدة وياناس افهموا النظام انتم ناس ماجستير وبكلوريوس مانتم اببتدائي او متوسطة ونقول يمكن ماتعرفون نظام التوظيف !!!

ماراح اطول عليكم لكن اانتظروا هناااا ولاتنسون كلام الاخ (( من بداية هذا القروب ) ان الوظائف وهمية وفعلا طلع كلامه صح ,,,

كلنا متوكلين على الله سبحانة لكن كل شي بسبب .,, واكيد الوسطات شغاالة في الجامعات


مع السلامة للجميع

يا أعضاء الرزق بيد الله
لا هي على القصيم ولا على المجمعة ولا غيره
حنا المتقدمات 4
وحدة من القصيم
ووحدة من المجمعة
ووحدة من الرياض
ووحدة من منطقة بعيدة جدا

تم ترشيح الي من أبعد منطقة ..

همسة ....
قال رسول الله صلى الله عليه وسلم :- (( لايزيد في العمر الا البر ، ولايرد القدر الا الدعاء ، وان العبد ليحرم الرزق بالذنب يصيبه* ))

الحمد لله الحمد لله الحمد لله استغفر الله استغفر الله استغفر الله اللهم صلي وسلم على نبينا محمد وعلى اله وصحبه وسلم

شكراً اخي العااابر على تنويهك ،،جعله الله في موازين حسناتك .*

ارجو من كل من اراد ان يضيف رد ان يقرا ماهو مكتوب في اعلى الصفحه((مايلفظ من قول إلا لديه رقيب عتيد)).

‏​‏​‏​‏​‏​‏​‏​‏​‏​‏​‏​‏​‏​‏​‏​سبحان الله وبحمده سبحان الله العظيم