تجمع المتقدمين والمتقدمات على الوظائف الاكاديمية (جامعة المجمعة )

خريجة اعظم جامعة · #1 (**permalink**) 29-06-2011, 08:46 PM

[align=right]
[align=center]
السلام عليكم ورحمة الله وبركاته

أتمنى يكون هذا تجمع للمتقدمين والمتقدمات على الوظائف الاكاديمية بجامعة المجمعه
ونحط اي اخبار جديده بهذا الخصوص

الله يوفقنا جميعا
[/align][/align]

أم عبدالله6 · #2 (**permalink**) 29-06-2011, 09:22 PM

تمام

وأنا معااااااااكم

سما شمالية · #3 (**permalink**) 29-06-2011, 09:40 PM

من قال ان التقديم انتهى انتم متاكدين لانى مفكرة السبت اقدم
حسبي اللة على جامعة الملك سعود ماعطونا وثايقنا
ماعندكم رقم عميد كلية التربية في المجمعة

عاطله بكل جدارة · #4 (**permalink**) 29-06-2011, 09:40 PM

و آنآ بعد بنضم لكم

تغذيه · #5 (**permalink**) 30-06-2011, 03:49 AM

انا معاكم حلو لقيت احد مقدم مثلي
مشكوره خريجة اعظم جامعة على التجمع محتاجييييييينه كثير

عندي سؤالين
متى ينتهي التقديم اعتقد انه السبت ليش تقولون انتهى ؟
احسبو 15 بعد تاريخ 16 يطلع 1/7 صح او خطأ حساباتي

السؤال الثاني
قدمت اوراقي للمجمعه والصراحه ندمت لانها بعيده الزلفي اقرب ماكنت ادري
الحين عادي لو اخذ نسخه ثانيه من الاوراق واروح السبت للزلفي او يستبعدوني مثل ماقلتو؟

بنات انا دخلت موقعهم وشفت الشروط والاستمارات وكل اشي اكيد انكم شايفنها
اذا تبوني احطها مو مشكله دورت ارقام بس ماعرفت اطلع وللا اكيد موجوده بالموقع حقهم اسمه
جامعة المجمعة
صح فيه شرطين مافهمتهم اللي هم معادلة الوثيقه !! وثيقتي مصدقه بس مافهمت معادله ولاقدرت
اسوي شي لاني مادريت اللا الثلاثا ماعندي وقت غير يوم واحد يالله خلصت اوراقي
توقعون المعادله مهمه يعني ممكن يروح علي القبول بسببها!؟ صراحه ضايق خلقي ياكثر طلباتهم ماتخلص

والشرط الثانيٍ: توصيه مجلس التدريس او شي مثل كذا
لاتقولون من الدكاتره لانهم كاتبين زياده عليها
توصيتين علميتين مدري ايش التوصيه هذي

اســـــــــــفه على الاطاله

بسوووم · #6 (**permalink**) 30-06-2011, 01:05 PM

سما شمااليه
أنا زيك خريجة سعود
لا تنتظرين وثيقتهم
روحي لقسمك وخليهم يطبعون لك تعريف ذاكرين فيه انك تخرجتي وقسمك وكليتك
ويوقعون عليه ويختمون
ويكفي عن الوثيقه مؤقتا
انا سويت كذا وقبلوها المجمعه عادي

وبالنسبه لتقديم السبت
انا رحت الاربعاء وكان في وحده تبي تقدم اوراقها السبت
وقالولها جيبي اوراقك ونشوف يقبلونها ولا لا ..

تغذية:
نفس التساؤلات عندنا .. بس الظاهر مو مهمه لانهم ماقالوا سووها يوم قدمنا
وليتك تحطين لنا رابط المستندات المطلوبة مشكورة

حلمي معيده · #7 (**permalink**) 30-06-2011, 02:27 PM

هلا والله وغلا

عليكم السلام ورحمه الله وبركآته ~

الحمدلله أخيررآ لقيت أحد زيي
~~~~

طيب وشو رآيكم نكتب التخصصآت

انا يوم قدمت كان معي وحده احياء ووحده تغذيه

قدمت يوم الاثنين 25/7/
.........
وانا لغه عربيه .~~

نبي نكتب التخصصآت والمعدلات وعلى اي أسآس يفرزون ويفاضلون ~؟؟؟؟؟؟؟

وتهقون متى تطلع اسماء المرشحآت

حلمي معيده · #8 (**permalink**) 30-06-2011, 02:29 PM

[align=center]
صحيح ان اكمال الماجستير لازم انه بعثه
قالوا على حسب الجامعات انا فاهمه انه شرط اساسي اكمل الماجستير بس ماينفع اكمله هنا

تتوقعون جامعة المجمعه تسمح لي إن ششاء الله أن أنقبلت أكمل الماجستير في مدينه من مدن المملكه

ماابي بعثه

ريحوني
[/align]

حلمي معيده · #9 (**permalink**) 30-06-2011, 03:23 PM

وينكم

...........!!!

سما شمالية · #10 (**permalink**) 30-06-2011, 08:52 PM

طيب يصير زوجي يسلمهم ملفي
ولاقسم بنات لازم انا اروح
وين اقدم هناك عند العميدة
وهل عندكم فكرة عن جامعة المجمعة هل تقبل صحيح المتقدمات ولأجراءات روتينية مثلها مثل باقي الجامعات اللى حتى جامعة نجران عندها بعد سوالف ماهى خلية
افف ياوضعنا مزري واللة نتعنا ونقدم وماناخذ غير التعب والمشورة وغيرنا خذوها ووهم جالسين بمحلهم
ياللة تخلف لكل مجتهد ومجتهدة بالعوض

تجمع المتقدمين والمتقدمات على الوظائف الاكاديمية (جامعة المجمعة )

إستفسارات ونتائج الوظائف المدنية

السلام عليكم ورحمة الله وبركاته أتمنى يكون هذا تجمع للمتقدمين والمتقدمات على الوظائف الاكاديمية بجامعة المجمعه ونحط اي اخبار جديده بهذا الخصوص ...

تجمع المتقدمين والمتقدمات على الوظائف الاكاديمية (جامعة المجمعة )

تسجيل الدخول

تجمع المتقدمين والمتقدمات على الوظائف الاكاديمية (جامعة المجمعة )

إستفسارات ونتائج الوظائف المدنية

السلام عليكم ورحمة الله وبركاته أتمنى يكون هذا تجمع للمتقدمين والمتقدمات على الوظائف الاكاديمية بجامعة المجمعه ونحط اي اخبار جديده بهذا الخصوص ...

تجمع المتقدمين والمتقدمات على الوظائف الاكاديمية (جامعة المجمعة )