السلام عليكم ورحمة الله وبركاته
في البداية ياأعزائي ، تراي شخص ماحب التحطيم اللي بيحطم يكرمنا بسكوته الله يجزاكم خير
بدخل في موضوعي ،
يأأخوان أنا قدمت على كلية الملك فهد البحرية اليوم ، وعلى طاري ترا وزني مو مثل الشروط بس سجلت وقلت بزيد وزني وطولي مناسب
طولي ،175 ووزني 47 (_ نحييف مره
نسبتي ،
91.73 والقدرات 79 والتحصيلي الله اعلم
كل الشروط تنطبق علي الا اللياقه
لياقتي مره تعبانه
ياليت تساعدوني وتحطون لي التمارين اللي اسويها وتزيد لياقتي وتصير بالمستوى المطلوب علشان يقبلوني
وبحاول اطور نفسي في الاجازه اللي عرفت منها
البشم (- وهذا اللي متعبني
وتمرين البطن
والجري او الهروله
اتمنى من كل قلبي تساعدوني وتقولون لي بعد لو مانقبلت وش اسوي ؟

قول الحمدالله قدر الله وماشاء فعل

والتوجه الى معهد القوات البحريه فورا حيث ان الرواتب اعلى من الملازم واسئل اي واحد متخرج من المعهد
ومن غير الدورات الخارجيه وخاصه لفرنسا

بالنسبه لرد ثاني اقول لقطنا بسكاتك
متى صار وكيل رقيب اطلق من ملازم

المهم اخوي
انا احد ضحايا هل كليه

وباللياقه كنت ال2 ونسبتي زيك وطولي زيك ووزني ازين منك

ماراح احطمك

شوف لياقه ابد مشي بعدها هروله 5 دقايق حبه حبه قدامك ووقت

بالتوفيق
وخل لك اكثر من خيار وتقبل اي شي بيصيرلك

الله يوفقك وتنقبل نهائي

بس ياخوك اكرف طول عمري واجيب امتياز
اجل ليه الواحد يجيب امتياز دام اخرها وكيل رقيب ابوي ماخذ وكيل رقيب بسادس ابتدائي
الله يرحم ايام اول
الحمد لله على كل حال والله يكتب اللي فيه الخير

لو تلقى تقديم بالمريخ قدم

مساله جامعي وتبي بحريه صعبه لنا جامعي يقدم على وزارة دفاع وهم يجهونه بحريه جويه حربيه

شوف على كثر ما انا هاوي بحريه لو جتني بعد جامعه مابيها

دورلك تخصص حلو سواء البحريه او الي اطلق منها الامنيه او وظيفه مدنيه
بالتوفيق
دعواتك

طيب ملازم
اللحين لو مانقبلت
وراحت علي سنه قعدت عطال بطال
هل اقدر اعوضها بجامعه وبعد الجامعه اقدم الامنيه؟
ولك مني جزيل الشكر على تفاعلك

موفق بإذن الله ... لك مني أجمل تحية .

مشكورين جميعا عالتفاعل
عوافي شباب