يعطيك العافية

انصحك بمحل ( مخبز وفوال ) ،،

بسيط ، وتكلفتة معقولة ، لكن اهم شي الموقع ..

بالتوفيق ..

آلله يعوضك بالوظيفه الي احسن منهآ ويرزقك من فضله

ابدأ بمشروع صغير

وفكرتك حلوه كشك بطاطس او ذرة , ولا شوف لك محل بالسوق تفتحه بقالة ولا كفتريا

وانا ارجح كفتريا لان الناس تروح السوق وهي جيعانه

موفق بإذن الله

بسم الله الرحمن الرحيم
والله أني استغرب 280 مشاهدة بدون مشاركات وين أهل الخبرة ترا الدعوة مجرد آراء إن ما نفعت ما ضرت شدوا حيلكم يا جماعة الخير وارفعوا همتي

وعلى العموم حتى تعرفون أني جاد ومهتم توني راجع من السوق ومعي تسعيرات المعدات وهي كالتالي للي له نفس النشاط:

1- قدر الذرة ماليزي الصنع: 1000 ريال
2- مكينة فشار أمريكي تجميع صيني: 1000 ريال صغيرة، 1300 ريال وسط
3- مكينة عصير سلاش إيطالي الصنع: 6500 ريال
4- مكينة قلي 8 لتر صيني حوض 450 ريال، حوضين 900 ريال
5- مكينة قلي 6 لتر إيطالي حوض 550 ريال، حوضين 1100ريال
6- غلاية ماء أسترالي 20 لتر 750 ريال
7- غلاية ماء صيني ي20 لتر 450 ريال

وبالمناسبة لقيت لي واحد بالمحل لما شافني أسأل عن المعدات قالي هاه إن شاء الله استثمار قلت إن شاء الله قال وأنا أخوك أنصحك بعدم الاستعجال للربح وباشر مشروعك بنفسك

وفقني الله وإيالكم لما يحبه ويرضاه

الله يرزقنا وياك