01-07-2011, 05:19 PM
|
عضو جديد
|
|
تاريخ التسجيل: Jul 2011
المشاركات: 7
معدل تقييم المستوى: 0
|
|
|
اخواني و اخواتي السعوديين و السعوديات
الحمدلله و الصلاة و السلام علي رسول الله نبينا محمد عليه افضل الصلاة و السلام...... في البدايه احب اقولكم انا مو سعودي و مااقول هاذا الشي بأي تفاخر او زهو لأن كل شعوب العالم و بدون استثاء يتفاخرون بأنفسم و لكن انا اتفاخر بديني اكثر من تفاخري من اصلي المعني انه اصلي كريم و لله الحمد وجدودي و الاجيال السابقه كانوا بعد فضل الله تعالي سبب في نشر الاسلام في جنوب شرق اسيا وشرق افريقيا تقريبا مع العلم ذهبوا الي هناك بقصد التجاره وكانوا اصحاب علم و اخلاق والحمدلله اسلم اناسا كثيرون علي ايديهم وطبعا هاذا الشي ينكروه كثير من الناس .طبعا الموضوع هاذا ماله علاقه في المنتدي او حتي في مواضيعه بس حبيت ابدي بهاذي المقدمه لكي يعرف الناس انه مو كل الاجانب و انا واحد منهم اللي عايشين في السعوديه نكره السعوديين لا والله , انا من مواليد السعوديه و ابوي ماجا بفيزا هو كمان من مواليد السعوديه جدي هو اللي جا من بلادنا اللي عمري مارحتها و لا حتي قربت من حدودها كمان حتي لو تسمعني اتكلم و الله والله والله ثم والله تحسبني سعودي وهاذا الشي مو غريب انا عايش في وسطكم وبينكم فمن الطبيعي اتقن لهجتكم , المهم انا قريت كثير في هاذا الصرح العظيم وجعل الله في ميزان اعمال الذين قاموا عليه , عن المشاكل اللتي تواجه اخواني و ليس الاجانب كما يطلق علي المعني اني عربي و الاهم من ذالك اني مسلم و المسلمون اخوه لقوله تعالي ( انما المؤمنون اخوه) اقول عن المشاكل اللتي تواجه اخواني و اخواتي السعوديين و السعوديات ,و انا واحد من اللي تواجه المشاكل هاذي من ناس من جنسيات عربيه كانوا في بلادهم و لاحاجه اتوا الي هاذي البلاد الطاهره و صاروا شي و الدليل لو كانوا صحيح انه في بلادهم حاجه مهمه ماكانوا تركوا بلادهم واتوا هنا , انا واعوذ بالله من كلمت انا كنت اشتغل في محل جمله ابيع علي اصحاب المحلات المهم مدير المبيعات من جنسيه عربيه و فيه عرق من جنسيه عربيه ثانيه او متزوج من عربيه ثانيه المهم جا يوم من الايام وناداني وقالي ابغاك تصير جاسوس لي انا صدمت . طيب ليش ؟ ايش اللي صار؟ قال سوي مثل مااقولك ,طبعا انا مشيتوه علي قد عقله وقولتله اوكيه ومرت الايام و انا مطنشه و جا يوم وقالي يافلان ليش ماتجيبلي الاخبار قولتله ماعندي اخبار قال لا انا سمعت في ناس يتكلموا عني وانت نايم علي اذنك. قولتله يااستاذي بصراحه انا انسان جيت هنا عشان اترزق و مالي دخل في الهروج هاذي مدامك ماشي صح و بما يرضي الله ليش تهتم بكلام الناس طبعا هاذا الكلام ماعجبه وبعدها بفتره طلعوني من الشغل بعد ماجلست 8 شهور . ومرت الايام وتوظفت وطلعت بعد سنه ونص لانهم يبغون انقل الكفاله و قولتلهم زودوا الراتب وماوافقوا وطلعت وبعدين توظفت مرا ثالثه وكان مديري مصري وتعال شوف الكذب و الذل والاهانه وطبعا انا مااقدر ارد عليه لأني اجنبي مسلم لو اني سعودي اقسم بالله اشيله من مكانه واصير انا المدير طبعا انا خطبت سعوديه وان شالله يتمملي علي خير ورحت عند مديري المصري اللي عنده نخوه ومروه اللي يسمون انفسهم الفراعنه قولتله انا انسان ارطبت و راح اتزوج ان شالله وحاب اتكلم عن زيادة الراتب بحكم اني بتزوج وطبيعي يزيد وبعد مناقشات طويله و مفاوضات قال بنزيدك 50 ريال مع العلم انه راتبي 1700 وزيد عليها 50 المجموع 1750 ريال تخيلو 50 ريال زياده وكمان مالي بدل سكن و مواصلات , اترك لكم التعليق علي هاذا الموضوع . طيب هاذا الراتب كيف افصله وكيف اصرف علي بنت الناس لو اني من نفس جنسيته كان صلحت الاوضاع من زمان روحت شؤن الموظفين وبدون فايده ويقولي انت مخالف قوانين مكتب العمل المعني انه المصري نفسه في منصب لازم يكون فيه سعودي قانونا و هو مو علي كفالة الشركه كمان وانا انسان متعلم وعندي لغه و الحمدلله لغتي حلوه مرا . انا مو انسان جاي بفيزا وبعد كم سنه برجع بلدي هاذي بلدي وحتي اذا سافرت برا اشتاق للسعوديه وفلوسي كلها اصرفها هنا في البلد مو مثلهم يرسلون سنويا لبلادهم مليارات . هاذي قصتي وحاولت اختصرها ولأنه في اشياء اكثر . و في النهايه احب اشكركم اخواني و اخواتي لتوفير وقتكم لقرأة موضوع اخوكم و ليس الاجنبي اللي تربي بينكم وعاش بينكم. واخر دعوي الحمدلله رب العالمين
|
العرض المتطور
