السلام عليكم ورحمة الله وبركاته
اخواني الاعزاء ان شاء الله انكم طيبين وعال العال ؟
تكفون الفزعه في فكرة في راسي لا هي الي راحة وفكتني ولا هي الا كملة صورتها وريحتني .
واحد من الاخوان الاعزاء طرح على فكره وهي ان نستاجر ارض فضاء ونستخرج عليها رخصه من البلديه لبيع وتوزيع البلوك والاسمنت والرمل .
رحت اليوم للمشاريع القائمة لنفس الفكره وقال لي الباكستاني الشغال فيها ان المشروع حلو بس يحتاج عماله وراس مال من 200 الف فيها عشان تشتغل والارباح مجزيه
يعني تنزل تريله من الاسمنت وتريله من البلوك وقلاب رمل ... الخ
وتبيع مفرق ويكون عندك طبعا اقل شي دينتين عشان النقل ؟
وش رايكم تكفون الي عنده خبره او اي معلومه عن هذا المشروع تكفووون لا يبخل بالرد والي ماعنده لا يبخل بالدعاء .
الله يوفقنا ويوفقكم وتقبلوا تحياتي .

مشروع حلو
وخصوصا الوقت هذا في عمار على قولهم

توكل على الله بس أعتقد راس المال اقل من 200 ألف

يفيدوك الاعضاء اكثر

الله يوفقك

يجي من يفيدك

_____________

الله يعطيكم العافيه
اخي - لي اسنين اتخيلك - انا كذلك اتوقع راس المال اقل بس من الي يعطيني الاكيد ؟
اخي - بولمار - بارك الله فيك وان شاء الله مايقصرون الاعضاء وانا في انتطارهم

هو مشروع حلو خصوصا أن الضاعة ليس لها تاريخ صلاحية ولا وجع راس
اختار الموقع الجيد الارض التي انت تبي تساجرها يفضل انها من الأمانه مباشره يعين ما هي من مواطن لأنها اذا كانت على الشارع الرئسي تكون غالية نوع .
أنت حصلت الارض الان أو لا وهل 200 الف فيها الاجار وقيمة السيارات

الله يوفقك يالغلا ويرزقك من واسع فضله
تحياتي

طيب ليش مادخلت هنا :

https://www.btalah.com/t320220.html

عناد الزمن الله يوفقك ويفرج همك ومشكور على المرور
اخي الفتى المكافح مشكور على الرابط وماقصرت الله يوفقك بس انا فكرتي استاجار مبسط وبيع وتوزيع الجبس والاسمنت والرمل والبلوك 000 الخ
ماادري فكرتي تختبلف نوعا ما عن فكرتك وهي ايضا تتشابه
الله يوفق الجميع ومازلت انتظر المزيد من المشاركه من الاعضاء ومانستغني عنهم

ليه ما تخلي مشروعك عبارة عن مصنع لانتاج البلك ؟

هذي دراسة جدوى له :

http://www.3qarsa.net/up/view.php?file=83f8065e40