[align=center]
السلام عليكم ورحمة الله وبركاته

صباح الخير للجميع ...

بدون مقدمات طويله انا راح ابدا بالموضوع على طول ...

انا مسجله بالضمان ويجيني شهريا 1100 هل هذي لشخص واحد يعني لي لوحدي والا امي معاي؟؟ ...

لانهم امي يجيها راتب اخوي الله يرحمه من التامينات فاموعارفه هل هي معاي او لا ؟...

وشي ثاني ..
قبل فتره جات مكرمه من الملك تقريبا 8000 للشخص وكثير اخذوها ..

بس انا ماقدمت لان ماعندنا فرع نساء بمنطقتنا ولا في احد يسويها لنا من الرجال ..

اقدر اقدم الحين عليها او خلاص راحت علينا ؟؟؟
ولو اقدر كيف التقديم ؟؟ وهل اقدر اقدم من الانترنت او لا ؟؟

وابي اعرف منكم وش مستحقاتنا من الضمان الاجتماعي لاني بصراحه مافيه احد يعطيني معلومات كافيه ....ابي منكم كل شي ممكن يساعدني ...

اتمنى منكم الرد على استفساري ...

كل الشكر لكم ....
[/align]

السلام عليكم ورحمة الله وبركاته --اذا الصرافه باسم امك اطال الله في عمرها اذالراتب لك ولها--وقدمي من عند مكتب النساء لي في منطقتكم -- على المساعده المقطوعه لك وحق امك وان شاء الله تنزل لكم اذا امك راعية الصرافه فلها 10400الف ريال والباقي يكون من نصيبك انتي==الله يوفقكم

الله يرزقك ويوفقك

مثل ما ذكر الاخ ضايع في البيت اذا كانت الصرافه بأسم امك فالضمان لك ولها واعتقد بأن راتب اخوك الله يرحمه الي في التأمينات ليس له دخل بضمان امك .
بالنسبة للمساعدات المقطوعه قدمي بالضمان وان شاءلله راح يصرفونها لك طبعاً اكثر مدن المملكه يوجد بها اقسام للنساء ولكن اذا كان في منطقتك لا يوجد قسم نسائي عليك بمراجعة الضمان وان شاءلله يفيدونك
والله يرزقك من فضله

موفق بإذن الله ... لك مني أجمل تحية .
يجي م يفيدك
دعوتكم الي

مشكوووووووورين والله يجزاكم جنات النعيم ....

اذا البطاقه باسم امك لكم الثنتين
وراتب اخوك ماله دخل
اما عن التامينات
1/1:ترميم المساكن
1/2:الحقيبة والزي المدرسي
1/3:توفير الأدوية للأمراض المستعصية
1/4:المشاركة في تسديد فواتير الخدمات (الكهرباء)
1/5: بطاقة الشراء المخفض للمواد الغذائية

وتقدرين تقدمين على المساعده المقطووعه

موفقه

مشكوره اختي


بس بغيت استفسر انا من برا الرياض والحين متواجده بالرياض بس الوالده مو معاي

اقدر اروح للقسم النسائي للضمان اللي هنا بالرياض

وايش اخذ معاي اوراق ؟؟؟

ايوه تقدرين اذا معاك الصرافه--الاوراق كرت العايله الصرافه والله يكون في عونك ويرزقك انتي وامك يارب العالمين

الله يعطيك الف عافيه اخوي

بس ماعليك امر تعرف مقرهم وين بالرياض علشان اروح لهم بكرا ان شاء الله