سلام عليكم

اخباركم ياشباب . اموركم طيبه ؟

الحمد لله انتهينا اليوم من كشف طبي 1 ولله الحمد والمنه

باختصار باذكر احداث اليوم واللي عنده اي شي ماراح اقصر معكم ان شاء الله

الاشياء اللي احضرتها انا
1- الهوية (الاصل)
2- 5 صور مكشوف الرأس
3- تكون حافظ رقم الطلب او تحضر الكرت الاصفر كله واحد

حضوري الساعة 6 صباحا دخلنا الصاله المعروفه واشر على اسمي بالكشف (راح يطلبك رقم الطلب )
بعدين تروح صاله انتظار الباص يجي العميد مدري العقيد الاسمر وتعليمات خفيفه قبل صعود الباص ويمشي صف صف يوديك الباص عالصالة الرياضيه المعروفه .

وانت داخل فيه اثنين يوزعون ورقه خاصه بالكشف الطبي (تحتاج تدبس فيها صورة ) وبعدين يرتبونكم في المدرجات ويجي العميد خالد السرحاني ويعلمكم على كل شي بعيدن يمشيكم بالسرا على الكمبيوترات للتحضير بعدين مكتب يختم لك عالصورة وتروح تجلس بالمدرجات المقابله .

يوزعون عليكم ملف حق الكشف الطبي لونه اخضر ويعلمونك كيف تعبيه (تحتاج صورتين فقط) وبعدين يرتبونكم على حسب الكشوفات وياخذون الملف الطبي الاخضر بعد ماتعبونه بعدها تطلعون فوق العيادات (قياس الطول والوزن سابقا)

اش تسوي في العيادات ؟؟؟؟

1- عيادة النظر ( تدخل تروح تجلس عند اللوحه وتطالع في المرايه اللي قدامك ويعطيك قطعه تغطي بها عينك اليسرى ثم اليمنى ) انا عن نفسي سالني عن 3 رموز فقط وكلها من تحت والحمد لله جبتها
(بعدين في نفس العياده تلقى واحد دب جالس حق عمى الالوان والالوان واضحه جدا جدا جدا وجداواللي مايجيبها ياويله سالني 3 ارقام ) وخلصنا عياده النظر تخرج من عنده وعالعياده اللي بعدها

2- عياده الانف والاذن والحنجره + الاسنان ( جلست عند حق الاذن طالع في اذني اليمين فقط ونظره خاطفه عالانف وقضينا وطمرت عالكرسي عند حق الاسنان معاه عصا الاسكريم وعالطاير شاف الداخلية وقلي قفل اسنانك
قلي وضعك اوكي بس انتبه اللثه ملتهبه عندك شوي والحقيقه اني مالمعت الاسنان اليوم لاني راحث علي نومه وبسرعه خفت اتأخر ) وخلصنا العياده رقم 2

3- عياده الضغط والنبض ( هذي سهالات مررره ومايحتاج لها شرح ماشفت احد انطرد بسببها )

4- المختر ( بعد ماتخرج من عياده النبض والضغط تجلس عالكراسي اللي قدام المختبر الين يجي ممرض مملوح وحبوب الله يسعده وجهه بشوش الله يحفظه ينادي عالاسماء حسب ملف الكشف الطبي الاخضر اللي معاه تصف وينادي واحد واحد يعطيكم العلب حقت تحليل البول اكرم الله القارئين وترجع في صفك الين ياخذون منك الدم بعديم تروحون تعبون العلبة بالمحلول السحري << قليل ادب , لاتسوون مثلي انا رحت عبيتها بعدين جيت عند حقين الدم خخخخخخ وتكلم علي الممرض المشرف ولاعطيته بال بعد ماتخلص تخرض تلقى واحد جالس يختم عالورقه اللي اعطوكم هي وقت الدخول (ختم انك عديت كل العيادات)

5- الاشعة (بعد ماتخلصون من العيادات اعلاه<< متعوب عليها تنزلون تحت عند الباص وتروحون مبنى طبي حق الامير محمد بن نايف يسوون فيه الاشعه وانتهت السالفه )

وبكذا خلصنا كشف طبي 1 وعسى الله يكتب القبول النهائي للجمييع

اي استفسار ماراح ابخل على احد واعتذر عن الاطالة ويعلم الله اني ابغى افيدكم باللي اقدر عليه مثل ما استفدت ابغى افيد غيري

وارجو الدعاء لي ولوالدي ولجميع المسلمين بالتوفيق

تحياتي: اللواء الدكتور

ومضه : ياشباب انا خايف من المقابله الشخصيه فياليت اللي عداها يعلمنا التفاصيل وخصوصا الاسئلة السياسية والثورات والارهاب ؟؟ لاني جدا خايف منها


تمنياتي لكم بالتوفيق

السلام عليكم الي سوا اختبار لياقه انا جبت 3دقايق و48 ثانية
ممكن رد للي عملوا اليوم اختبار لياقة

ياشباب نبي نعرف آليــــة المقابله ؟؟ اللي سواها يعلمنا بالتفاصيل وربي يوفقه دنيا واخره

سعادة اللواء ربي يوفقك . ويوفق الجميع



اختبار عمى اللوان كيف طريقته بالضبط ؟ هل من الدفتر ؟ وكم في عيادة ؟


لان عندي مشكله في عمى اللوان بصراحه .


تحياتي لكم

تم وبحمد الله اجتياز كل الخطوات في مراحل القبول

اسال الله لي ولكم القبول النهائي