السلام عليكم كيف الحال ....أن شاء اله أموركم تمام
اليوم ولله الحمد والمنة تم الإنتهام من إجراءات طبي2 وتم تسليم طلب الإلتحاق النهائي
أسأل الله لي ولكم القبول النهائي وألا يتم إقصاء أي طالب أنتقل إلى المرحلة النهائية (اللهم آمين)
.....
شباب اليوم حبيت أوضح بعض النقاط اللي تم تداولها هنا في الموقع وخصوصا إجراءات طبي2+بعض المعلومات.
.....
أول شيء: نبدأ بدكتور الجراحة وما أدراك مادكتور الجراحة:أللي يقول المسافة بينك وبين دكتور الجراحة بعيدة فأنا أقول لهم مو صحيح,
المسافة بينك وبين الدكتور أقل من نصف متر ,يعني إذا شاف شيء ماراح تسمع إلا درج مكتبة وهو يفتحة وياخذ الأداة المحرمة (القفاز) ويبدأ يشتغل فيك
, غير كذا الله يعينكم على طابور أنتظار خروج الطلاب من عند الدكتور والله ياهو يتفلسف على كل طالب وخصوصا طلاب اللغة العربية كل طالب يقعد معة أكثر(6)دقايق لا ويعطيهم جملة ويقول (أعرب
)...والله أنه نشبة غير كذا كلنا مفاصيخ
والتكييف المركزي لعب فينا لعب والأرضية باردة(حسبي الله عليهم).
ثاني شيء بخصوص المقابلة الشخصية رقم(1) وهذا مهم لطلاب قسمي
(إعلام-علاقات عامة)<--بعطيكم ملخص عن تخصصي
واحد فاضي)
يعتبر تخصص العلاقات العامة من التخصصات التي تقوم بمحاولة خلق صورة أو انطباع ذهني إيجابي عن المؤسسة من أجل ضمان استمرارية العلاقة بين المؤسسة وجمهورها وكذلك إبراز الجانب المشرق لها،وذلك من خلال الأنشطة والفعاليات التي تنظمها كالمعارض والندوات وغيرها,فهي حلقة الاتصال بين المؤسسة وجمهورها...إلخ
المهم مالكم في الطويلة دخلت أجري المقابلة في غرفة رقم2 وفيها
عميد وواحد مدني (قسم بالله أربكوني)المهم قالي عطني الأوراق أللي معك
وتفضل قدم نفسك عرفته بنفسي وما إلى ذلك, سألني السؤال الأول
(ما أنواع الجمهور؟)<--سؤال سهل مايحتاج عطيتة الإجابةبكل ثقة, ويعطيني ذيك التكشيرة أللي في وجهة أعهوذ بالله قلت في نفسي لايكون إجابتي غلط وجبت العيد
قالي أسحب ورقة من أللي في الطاولة سحبت وكان السؤال:
(من وجهة نظرك ماهي أوجة الخلاف بين البطالة والإنحراف؟)<--سؤال أحلى من الأول المهم جاوبت وبدأ يستقعد ويناظرني بنص عين ماهمني العميد ولاحاجة بس
شوي شوي بدا يربكني ويستخدم أسلوب كلنا عارفية (ياإعلاميين)ألا وهو (العصف الذهني) قسم بالله شككني في أجابتي وحسسني أني طالب إبتدائي مو جامعي, المهم شد علي وشد إلين بدأ يشعرني إن إجابتي لك عليها أتوقع النظرية أللي أستخدمها معي ياشباب هي نظرية(حقنة تحت الجلد
)وضليت أنا وياه في شد وجزر إلين حولني على المدني وتفلسف الأخ بس أسلوبه حلو مو مثل العميد الرجال حاول يخفف الضغط عني ويفرفش الجو حبتين المهم قالي توكل ع الله.(بس صدقوني راح تحسون أنكم عاملين جريمة ومهما قلتوا من إعترافات وإقرار بالجرم العميد راح يعطيك هذيك النظرة الدونية كأنه يقول وش ذا وش يبي واقف قدام وجهي
), ياخي حنا تخصصنا إعلام متعودين نطرح أسئلة ونكتب بيانات صحفية وتقارير ...إلخ تجي أحين وتقلب الطاولة علي
الطلاب أللي قالوا المقابلة رقم1 سريع سريع وسهالة فأتوقع أنه العكس صحيح(العلمي يتم سؤالة عن أمور تاريخية للمملكة والقضايا الأمنية في السعودية)&(الأدبي يسأل في مجال تخصصه<--حلل, فسر, مارأيك,ماأنطباعك...إلخ).
ثالث شيء المقابلة رقم(2)جلست عند آخر كرسي على اليمين رجال محترم وخلوق والله وانعم فيه وكفو
(والله أني جاية مشحون وفيني ضيم من
المقابلة الأولى
)المهم جلست عنده (طبعا لازم تكون إجاباتك في الدفتر أللي راح يعطونك أياه قبل لاتخش على المقابلة الثانية صحيحة لأنه راح يسألك ويبحثك من خلال إجاباتك فيا حبذا تكون صحيحة)أسألتة حلوة مثل ماقالوا الإخوان مجرد قياس للتوجهات وأخذ أنطباع عنك.
رابع شيء البصمات, سهالة.
خامس شيء تدقيق دفتر طلب الإلتحاق, سهالة.<----
(معلومةمهمة)يوم كنا ندقق الدفتر واحد من الشباب سأل أحد الضابط أللي يدققون الدفاتر عن المقبولين في الكلية قالة [أللي عدو المرحلة الأولى الطول والوزن
2800 طالب]&[وأللي عدو أختبار النظر ودكتور الجراحة إلى الآن أي وقت إعطائكم هذه المعلومة تقريبا الساعة 11:03 صباحا بتاريخ 27\8\1432هـ حوالي
1800 طالب]<--هذا على كلام الظابط مو من عندي أنا مجرد ناقل للخبر.
[COLOR="rgb(65, 105, 225)"]
سادس شيء [/COLOR]إعادة قياس الطول والوزن, سهالة.
سابع شيءالياقة وما ادراك ماالياقة صحيح أنها على سير لكن كل واحد ومجهودة (نصيحة قبل تختبر بنص ساعة أو أكثر [كِل]بكسر الكاف, شيء خفيف <--دونات, كارسون..أنت ورغبتك, بس لا تكثر من الماااااااء والله راح يثقل عليك).
والله يستر عليكم وفالكم القبول النهائي وبالتوفيق
والله أعلم.
"شباب لحد يسألني وش جاوبت في المقابلة ترى مهما كنت محضر للمقابلة ثق ثقة تامة أن معلوماتك سوف تتبخر إذا دخلت للمقابلة ويتحول كل شيء إلى كلام إنشائي ,عاد أنت وابداعك بالتوفيق "
28-07-2011, 11:15 PM
العرض العادي
