شباب يرحم امكم فكونا من الراتب مو وقته الحين
انا ماعلي حتى لو كلامكم صح وححتى لو نقصوا من الراتب انا ابي اصير ضابط بالطيب بالغصب بصير ضابط ان شاء الله >>عصب ههههههههه
بس قولوا لي وش فيه بكره ؟؟
في الكشف الطبي الاول ؟؟؟
ضروري ردوا لو سمحتوا

وش ذا القرار السقيم !!

والله داري ان ابو متعب ما يقصر ويعطي ما عطاة الله لكن السمرمد الي تحتة يكتبون القرارات على انهم يبون التطوير للأفضل اي تطوير واي بطيخ

الافراد ما عندهم هااثر لانهم بكل بساطة ان هجت مع اي واحد فيهم سنة واحدة تدريب ويتخرج وهو عمرة 19 ولا عليها يجمع من ذا الدراهم لين يقول الله اكبر ويعرس فيها

حنا عايشين على المكافئة المخيسة وندخل دورة سنتين بـ 3000 وعليها شهرياً نتخرج على ابواب الـ 26 و 27 من اعمارنا نبي نتزوج ونستقر ملينا من الوجية الي نشوفها بالكلية 24 ساعة خلاص نبي نعرس

ونتخرج من الكلية ويرمونا بقلعة وادرين لا سكن ولا هم يحزنون ولا فيه اثر رجعي ما عندي الا راتبي الجديد وباقي الفطس الي مجمعة من مكافئة الكلية

وش اتزوج بة !

وش اؤكل الضيوف سمسم !!

شكلها لا حنا عرس ولا هم يحزنون !!

مهوب معرسين الا على ابواب 30 يعني ما توصل الى سن التقاعد الا وعيال شوارب ويبون يعرسون وسيارات وغثا

يبون يكرهونا بالعسكرية ولا وش السالفة

يا جماعة متاكدين من تفسير هذا القرار يمكن فية شي هنا ولا هناك ولا الاثر الرجعي مالة شغل بالموضوع يمكن يسووون حالة خاصة !! لان مو معقول

ثاني امر ان مشى يمكن يمشي بدورة 42 القرار يبيلة وقت علشان يتنفذ لازم يطبعون اوراق جديدة والسالفة بتطول

خلكم في القبول المرحله الاهم اللحين

تعرف وش قمة الاحباط

انك تتخرج من الكلية ملازم وعمرك 26 مابرصيدك الا الضعوي ومالك الا الراتب الجديد وما فية الاثر الرجعي ويحطونك في حرس الحدود في شرورة ولا خرخير ولا عندك واسطة تنقل لمدينتك ثم تجلس كل ليلة تخيس وانت تلمع نجمتك بفيري