انا موظف عسكري ومقدم على الخدمة المدنية وظائف غير تعليمية كيف اعرف ان رقمي قريب عشان افصل من العسكرية وكم يبغى لها وقت التعيينات وهل اذا نزلت الاسماء يعني مباشرة العمل انا خايف انهم يكتشفون اني موظف عسكري ويسحبون علي مع العلم ان معي شهادة جامعية وقدمت في جدارة اول ما نزل
الله يوفق من يساعدني وله دعوه في ظهر الغيب

اللي انا اعرفه ماتقدر تتوظف في الوظائف المدنية الا بعد اربع سنوات خدمة في العسكريه

وليس بالضرورة اذا كان رقمك في الديوان قريب يعني خلاص قرب تعيينك لان فيه ناس ارقامهم قريبه جدا ولم يتم تعيينهم لان لايوجد وظائف شاغره

هذا والله اعلم

فيه نااس كانوا عسكريين وتم قبولهم معلمين
قدموا استقالتهم وتوظفوا على طووووووووول

مو شرط اللي رقمه قريب راح يتوظف

أعرف شخص كان رقمه 4 وقعد انتظار ثلاث سنوات

بعدين صار رقمه 2 وقعد انتظار 3 سنوات

والحين صار رقمه 30
ولا لحين عاطل

الله يوفقكم

أخي الكريم (علم نفسة) .
نصيحة لوجه الله لاتفصل ولا تتسرع الا لمن تضمن الوظيفة او بالأصح تباشر عملك الجديد وقتها قدم على استقالة . لأن الزمن هذا صعب الواحد يحصل على وظيفة.

هلا أخوي لا لا تفصل....غيرك من زمان ينتظر لين الحين ماحصل
جارنا عسكري قدم ع التعليمي ومن طلعت الوظيفة خلص اجراءته وتوظف معلم
عطوه شهرين لين خلصت معاملته
حرام تفصل وتوهق نفسك
المثل يقول عصور فاليد ولا عشره ع الشجرة
ياكثرهم اللي من قرايبنا متخرجين معهم بكالوريوس ماتوظفوا لاتعليمي ولا غير تعليمي
تثبت اول شيء من قبولك بعدين خبرهم عند المطابقة
نظاما اذا كانت وظيفتك الغير تعليمية اعلى من مستوى وظيفتك العسكرية واتوقع ينطبق عليك الكلام يحق لك
انك تتوظف وظيفة اعلى مستوى


وش وراك رح مر ع الوزارة بكرة وتثبت من الأمر استأذن من دوامك او اي شيء وأسال

والله يخوي أنصحك لا تسيب وظيفتك
ترى الوظيفة الغير التعليمية راتبها مرررة ضعيف والترقيات صعبة فيها
يعني إلي تحصله في شهر من العسكرية تحصلة في سنة في الوظائف الإدارية إذا حصلته حتى
هذا غير الكرف والإهانة وياليت على خير
وإسأل وتأكد من كلامي
وبالتوفيق إن شاء الله