مشكورين الف شكر لجميع الاعضاء اللي شاركو في هذا الموضوع بصراحة استفدت كثير من المعلومات اللي قريتها
الحقيقة انا قدمت على اغلب البنوك اللي رحت لهم واعطيتهم الاوراق بنفسي وعبيت نموذج عندهم واستلموها مني واللي ارسلت لهم السيرة الذاتية على الايميل والى الحين ما احد اتصل فيني
واللي فهمته من بعض الاصدقاء انك اذا رحت تقدم على بنك او اي مكان روح للقسم اللي تشوف ان تخصصك يقبله القسم هذا روح لمدير القسم وقدم عنده اذا هو يبيك تتوظف عنده او فيه مكان شاغر يسوي معاك مقابلة واذا عديتها يرفع للادارة العليا بطلبك هذا ويبلغهم انه سوا مقابله معك وان المدير هذا يحتاجك موظف عنده الادراة من فوق توظفك على طول والله اعلم .
والمشكلة اللي وجهتني في اغلب الاماكن اللي قدمت فيها انهم يبغون خبرة وانا توني حديث التخرج من وين اجيبلهم خبرة وثاني شي اللغة الانجليزية اذا اني خلال مدة الدراسة كلها اربع سنوات مادرست الا مادتين بالانجليزي ويالله يالله عدينا فيها وبعدين اذا بتوظف بتوظف في بنوك سعودية وفي بلد عربي و90 % من اللي بتعامل معاهم عرب ليش الانجليزي .
يالله اللي بيكتبه لك ربك بيصير ولو تركض ركض الوحوش غير رزقك ما تحوش
اتمنى التوفيق للجميع واسف على الاطالة .