السلام عليكم

كيف الحال

بالنسبه يا اخوان لتوظيف الصيفي لطلاب الثانوي او طلاب الجامعات

هل هو حق مشروع لا طالب؟؟

وهل من حقي ان اتوظف اذا طلبت رسميا من مكتب العمل الوظيفه؟


انا طالب جامعي من الدمام


وطلبت عمل صيفي بشركه ولما رحت الشركه قالوا اسفين حن دافعين رسوم الاعفاء من التوظيف قلت طيب

واروح مكتب العمل وبعد طلعت روح غيروا الشركه ورحت للشركه الثانيه وقالوا خل ورقتك عندنا وبنرد لك في ظرف يومين ولي الحين اسبوع ما ردو لي


وش الحل انا ابي وظيفه ومحتاج فلوس والله


بدل ما اقضي الصيفيه بالفاضي اتوظف


وانا اسئلكم الحين احد منكم متوظف صيفي او قد توظف صيفي كم يوصل راتبه ؟؟



والله قهر

الرآتب طال عمرك 1000 الف ريال ولا 1500

ماتسسوى والله شهر والجو عندنآ الحين عز الحــر

انا قبل سنتين بغيت اتوضف قلت للمدير كم الراتب قال 1000

وكنت ثانوي

شوف جرير والعثيم وهذي المحلات اعتقد توظف دوام جزئي ..

الراتب طال عمرك على حسب 1000 ولا 1500

انا توظفت الصيف اللي راح داومت الساعه 7 وانحشت الساعه 10 وبعدها محد شافني

اخترت مصنع ( كريم ) حق العصيرات .. دخلت قالولي اشتر بدله زي حقت عامل النظافة اللهم لون ازرق ..

شريتها ويوم داومت خلوني اشيل الحديد اللي ورى المصنع اللي ما يبونه واقطه بزبآله ..

شلت كم حبه جلست بالبيت اسبوع ظهري يعورني ههههههههههههههه

الزبده ما عليك منهم مكتب العمل شف لك هرفي ولا ماك ولا واحد من هالمطاعم و جرير والعثيم واكسترا

دوامهم حلو وراتب حليو

بالتوفيق

طيب كيف اقدم على هالمطاعم ولا اكسترا او جرير

ادخل واقول في وظيفه بخخخخخخخ تحس مالها سنع



ثم يكرشوني معا خشتي هههههههه

المطاعم وجرير خش وقولهم ابي وظيفة انا مجربها عادي

اذا انت من الشرقية روح لجرير اللي في الخبر التوظيف هناك

والله مكتب العمل شغلته شغله~

شوف معاناتي معاااهم~

https://www.btalah.com/t330268.html