السلام عليكم ورحمة الله وبركاته


كيفكم ي آخوآن ..~؟ّ ان شاء الله يارب بخير


نبي نتكلم عن مستقبل العسكريه وش مصيره ..؟!

-من ناحية التقاعد وانا سمعت اشياء من واحد يصيرلي يشتغل بالجويه

يقولي

-أن العسكري مايقدر يفتح له بيت
-ولايقدر يشتري له سياره
-ولا يقدر يكفل احد

ومن هالـكـلآم >< ..!~

وانا اقولكم اني انتظر الفرز حق الكشف الطبي بحرس الحدود على رتبة عريف فني ..
وعارف انوا فيه احد منكم بيقولي احمد ربك ولاتتركهـآ ومدري ايش ~.!

انا اقولكم الحمد لله على كل حال لكن بعد الواحد لازم يعرف مستقبله الوظيفي

واعرف ان العسكريه رواتبها طنخه لكن بعد التقاعد يصفى الراتب الاساسي


-هل فيه خطابات قدمت للملك بخصوص التقاعد او فيه اخبار عن هالموضوع .. اتمنى تفيدونا

ونستفيد كلنـآ .. وربي يسعدكم

للرفع ..!

هوا في غير العسكريه ...؟

لا يالغالي العسكري يقدر على البيت لكن مايقدر يفتح محلات تجارية ومايقدر يسافر في الخارج

لكن على كل حال حنااا شايفين العسكر ..

في منهم ماشاء الله تااجر وعايش احلى عيشة

وفيه منهم المزنوووق الله يكون بعونهم

والزبدة كلها اذا الواحد توظف يشكر الله سبحانه على الوظيفة

ويرضي والدينه لـ ينال دعواتهم

ويجب على الواحد يعرف يتصرف من اول مربوط يستلمه وكل شي يعتمد على التصرف وتدبير الراتب

في ناس رواتبها على 20000 الف لكن والله مديونين ومزنوقين وفيه ناس رواتبها 3000 وعايشين احلى عيشة اللهم لك الحمد والشكر

واللي يحاول يضبط ويكون نفسه من اول مايتوظف باذن الله مايتقاعد الا وعنده خير باذن الله




والله يبارك للجميع ويرزقهم من حيث لايحتسبون....

موفق بإذن الله ... لك مني أجمل تحية .

فالك القبول النهائي في حرس الحدود

بالعكس الحين القطاع العسكري هو افضل الوظائف من ناحية الأمان المستقبلي
ومافي غيرها ترى لان مافي وظايف في البلد وان لقيت وظيفة بتلقى عامل ولا حارس امن
ولا تقول لي شركات لان اغلبهم يبون خبره

طيب انــا راح اضيف حاجـهـ..~

العسكري يمديه يسافر.> فيه حــاجه اسمها اجازه خــارجيه..
العسكري يمديهـ يفتح مشروع..> بأسم والدته او اخته..
ولاننسى الصــدقات اذا كان يبي ربي يرزقه ويباركله في مــاله..والامر اصبح بسيط بمجرد رقم حساب من الصراف على مؤسسات خيريه وتعتبر لك صدقه جاريه..وراح تشوف البركه..بأذن الله..

وبالنسبه لمستقبل العسكري صدقني ماراح يستمر طول 20 سنه بنفس الروتين دوام بيت..لازم الشخص ينفتح ويقرا عن المشاريع الصغيره ويكون مصدر دخل ويصبرعليها لين يتطور شوي ويوسع تجارته..ومثلا يلقى قطعه ارض 400000 الف سعرها يشريها وينظر 5 سنوات ويعرضها بمليون واللي عنده ميول في العقار تجارة العقار مربحه..وممتعه في نفس الوقت ..يحصل صيدات زي ماتقولون..~

وفي نقطه مهمه..العسكري لاتعين على جندي لايوقف طموحه ..يدخل الجامعه يواصل الدراسه يجمع نقاط الترقيه وراح يزيد فرص ترقيته ويزيد معاها دخله..~

هذا مــافي جعبتي ..~

أســأل الله لي ولكم النتوفيق..ودعواتكم لي بالقبول بحرس الحدود والله يوفقك يآاسمو بذاتي..

كل كلام الاخوان في هذي الصفحة مثل العسل
وكلامهم درر وبارك اللة فيهم وصراحة
واللة اني اتشرف بالمنتدى هذا لان فية ناس مثلكم وشرواكم فية
وتقبلو مروري ياخواني