بسم الله الرحمن الرحيم

السلام عليكم ورحمة الله وبركـآته

بداية انا عضو جديد في هذا المنتدى الرائع
الذي تعدت سمعته حدود كل جميل
اشكرك القائمين على هذا الصرح الراقي والمميز
واتشرف بأن اكون احد اعضاء هذا الاسطوره
التي يملآها الابداع ويكسوها الاخلاص وحسن التعامل



بداية

:


انا عندي معاناه يعاني منها الكثير للأسف
فـ حبيت اطرح هذه المعاناه لعلني اجد من يواسيني
او اجد حـلآ مناسب يخرجني من الظلمات إلى النور

معاناتي الاولى تقول :

انا متخرج من كلية المجتمع لعام 1428 هـ
من قسم العلوم الاساسيه بدرجة دبلوم ( فني مختبر كيمياء )
وبحمد الله الأول على الدفعه ..


جاء تقديم في وزارة الخدمه المدنية عام 1429 هـ
تقريبا في شهر 3 على ما اذكر
فكان التقديم للوظائف ملفات ( يدوي ) وليس عن طريق
الموقع
سافرت وسجلت في الوزارة في الرياض والحمدلله
انتظرت سنه تقريبا وراجعتهم اسأل عن رقمي في السرا
قالي الموظف ترتيبك الخامس وعن قريب راح تتعين



بعد سنه بالظبط من هذا الكلام راجعت مره اخرى
قالي الموظف لازال رقمك الخامس وترتيبك الخامس
والحين في تسجيل عن طريق الموقع ولازم تدخل بياناتك عن طريق
الموقع لأن اللي مثلك سجلوا عن طريق ملفات ( يدوي )
لايدخلون في المسابقه يلزمك تسجيل بياناتك ومعلوماتك
عن طريق الانترنت حتى تدخل في المنافسه
وتصف سرا من جديد
وفي حال انك ماسجلت ما تدخل في الترشيح ,,,

رجعت سجلت من جديد وطار رقمي بدال ماهو الخامس
صار حوالي 700 سألت بعد سنه يعني عام1431 هـ

قالي الموظف رقمك الرابع

انتظرت وقلت قريب اتعين
لكن للأسف جاء برنامج جدارة وقالوا سجل بياناتك من جديد !


ولا اعلم ماهو مصيري بعد 4 سنوات وبعد الم وعثره ,,



معاناتي الثانيه :



في يوم من الايام سألت موظف في احد فروع وزارة الخدمه المدنيه
عن المجالات الوظيفيه لتخصصي
قالي راح تتعينون على حساب وزارة الصحه
لازم تختبر اختبار الهيئه السعوديه للتخصصات الصحيه

بعد ما اختبرت ودفعت مبالع قرابة 4000 ريال
نجحت وارسلت اوراقي للهيئه في الرياض
لكنها رجعت من الهيئه والسبب :

(( الشهادات هذه ليست لصالح الصحه ولايمكن توظيفهم في القطاع
الصحي لأنهم لاينتمون لهذا المجال ))

الخدمه المدنيه تقول تبع الصحه :::: والهيئه اخذت منا فلوسنا ورجعت اوراقنا ::::




معاناتي الثالثه



رجعت لفرع وزارة الخدمه المدنيه وقلت له كل اللي حصل معي
قالي بهذا النص انتوا تبع التعليم مو تبع الصحه
انتو تبع التعليم !!
قلت له
يا اخي الكريم انا ابي مجال وظيفي
لاتقولي مره صحه ومره تعليم
انت ضيعتني بكلامك هذا
قالي انتوا تبع التعليم مش تبع الصحه


رجعت لوزارة التربيه والتعليم
قالوا لي جيب لنا شهادة امتياز تدريب 6 اشهر في احد المدارس
عشان نقبلك في التعليم
رحت للكليه حتى تعطيني خطاب لأي ادراة تربيه وتعليم
واتوجه لمدرسه تدريب
رفضت الكليه وقالت الخطابات اللي عندي موجهه للشؤؤن الصحيه فقط
رجعت للوزاره قالوا مالنا اي شغل فيكم
هذا بينكم وبين كليتكم



رجعت للهيئه مره ثانيه اناقشهم ورفضوا كل اوراقي
رجعت للتعليم مره ثانيه اراجعهم قال مالك عندنا حل
رحت للديوان قالي راجع الوزارة في الرياض
رحت للوزاره مالقيت اي حل لأموري هذي كلها


اليوم قلت اطرح عليكم هذه المعاناه
وابي منكم رد على كلامي هذا
والله راح اكون لكم من الداعين
طالبكم تشوفون لي حل او ممكن احدكم
يعرف شي ويرد لي خبر

انا والله وصلت لمرحلة يأس وخيبة امل
صرت ضحية اربع سنوات من وزارة إلى هيئه إلى ديوان
الى تعليم الى كليه غير الخسارات الماليه والنفسه


والله راح اكون لكل من رد علي من الداعين في جوف الليل
لاتنسوني من مشاركاتكم


انتظركم بشغف
اخوكم /// إنسان ضايع

ما اقدر اقول الا الله يوفقك وييسر امرك وانشاء الله ما يضيع تعبك


للرفع

الله ييسر امرك يالغالي ويفرجها عليك
طيب مالك زملاء بنفس التخصص تعينو؟تسألهم وش صار معهم؟

والله انها شغلانه لازم تطلع بحل قبل مينتهي تقديم جداره
اسأل الله لك التوفيق والتيسير

والله ياعزيزي ما اقول غير ان اللي ينتظر اي وظيفة حكومية فهو انسان يظلم نفسه ويظلم قدراته ومؤهلاته

لاتنتظر الحكومة وابحث بالشركات والاعلانات كثيرة عن وظايف بنفس تخصصك.. اكتسب خبرة حتى ولو براتب بسيط جداً وراح تتطور للأفضل وتوصل لما تبتغيه

وقدم في معاهد الطاقة الي بالرياض التابعة لمدينة الملك عبدالعزيز

الله يوفقك وانتبه لنفسك وانسى شي اسمه حكومة عشان تقدر تنبته لمستقبلك وتفكر بالشركات القوية وشركات الأدوية وشركات الكيماويات.. والله بتلقى بس اتعب على نفسك حبتين وزر المدن الصناعية بتلقى ترحيب ان شاء الله

اذكر وقت عملي السابق كنا نبحث عن تخصصك للعمل معنا في قسم المختبرات (ادوية ومطهرات وكيماويات) وقليل سعوديين قدموا اوراقهم الي قدموا كلهم بنات.. بالأخير وظفنا واحد أجنبي

الله يووفقك للوظيفة الجيدة وثق تماماً بأن القادم خير واحلم بشي وتمسك به وتيقن به.. لأن العقل الباطن يعكس مابداخله على الواقع.. اذا اصابك الاحباط او الملل مرااح يجيك شي.. خلك متيقن وواثق ان وظيفتك جاية جاية قريب بعيداً عن احلام الحكومة .. ولا مانع من انك تعمل كمتدرب في هالشركات بتكسب خبرة تفتح لك افاق على وظيفة جيدة

الله يلعنهم لعنت اليهوووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووود قسم بالله قهر قهر قهر قهر الله يعيينك ويعييننا وياك لاحول ولا قوة الا بالله

قدم على ديوان المظالم

طلب تظلم

موفق بإذن الله ... لك مني أجمل تحية .

اخي مراقب صحي
اللهم امين يارب
والله يسعدك ويطيب خاطرك ويسر امرك يارب وعساك على القوه يارب

اخي موسى البلوي
اللهم امين والله يجزاك الف خير وماقصرت يالغالي من طيبك

بالنسبه لزملائي اللي معي مافي اي احد فيهم تعيين
اللي راح عسكري واللي اشتغل عند ابوه
واللي فتح له مصنع طوب يترزق الله منه
واللي مثل حالتي
واللي قاعدن ينظف شهادته من الغبار كلهم اللي اعرفهم حالتهم حاله

اخي لا للعطاله
تسلم اخي وكلامك عين العقل لكن والله كل ماقدمت على شركه
تروح واسطات علي او انهم يقولون عندك خبره تعال وبعض الشركات تقول
وينك انت متخرج 1428 هـ نبي واحد توه متخرج وفي بعضهم
يسوي لي اختبار في قسم المختبر وانا متأكد اني ناجاوبت وناجح
يقولون حط رقمك ونتصل عليك
وانا وحيد والله مالي اي احد بالدنيا إلا رب العالمين
لا اخ لااب ولاام وخال ولاشي
وربك يسهل الحال
وتسلم يالغالي كثير فرحني ردك الطيب
والله لايحرمك الخير ويسهل امورك