وعليكم السلام ورحمة الله وبركاته

أرحــب
وحيــاك الله بين أخوانك
طبـعــا
من اليوم ورايح اي تقديم جامعات معاهد سجل فيها لأتأخذ السنه هاذي راحه والتعب يروح وأنا أخوك
سجل في التسجيل الموحد بدء التسجيل
والأسبوع الجاي فيه تسجيلأت كذلك من ضمنها جامعة الأمام وأفضل لك جامعة الملك سعود التخصص ألي تميل له أختاره وأذا رفضوا اأدراة الجامعة أدخل تخصص سهل وغير مرغوب وجب معدل وتحول طرق على خشومهم
الله يوفقك أخوي

خيال شهران

يعطيك العافيه اخوي وجزاك الله كل خير

نصيحه لوجه الله من اخ تخرج 1427-1428 واتمرمط بكلية ينبع الصناعيه
عليك بالجامعه ثم الجامعه ثم الجامعه
وادخل تخصص على قدراتك لاتخش مثلي تخصص تنشب فيه وتنطرد باخر المطاف
انا لي 5 شهور ماخليت تقديم ماقدمت فيه مع ان نسبتي 90 وقدراتي 74 ماحصلت شيء
فزبدة النصيحه تبي وظيفه ادخل جامعه بكالوريوس لاتدخل دبلوم لان اغلب اللي تخرجوا من التقنيه والمعاهد الصحيه يعانون مثل مايعاني صاحب الثانويه

ومن نسبتك تدل انك طالب متوسط منت دافور
فأنا اخير لك تدخل كلية علوم كيمياء فيزياء رياضيات ما أنصحك بالاحياء لان الاحياء راح تعاني شويه وحتى اذا اتعينت تدريس تعاني بالنقل
أو كلية الشريعه لان الشريعه مجالها الوظيفي مفتوح دعوه-ديوان المراقبه-تدريس-كاتب عدل - كاتب ضبط- وزارة العدل
او كلية لغه انجليزيه لكن لازم يكون لك هوى في دراسة اللغه الانجليزيه وتراها الافضل الان لاحتياج بالتدريس بشكل رهيب

ولا تايس اذا كنت بمدينه كبيره مثل الرياض او جده او مكه او المدينه ونسبتك ماأهلتك انك تدرس عند اهلك
حاول تطلع برا مدينتك وزي نسبتك جامعات الشمال تحصل بإذن الله تخصصات طيبه وتقبلك بالراحه
وسنه وتنقل عند اهلك او اذا ماحصلت التخصص ببالك تقدر تدخل تخصص ثاني وبعد سنه تحول
ونصيحه لك من واحد مجرب حاول قدر المستطاع انك تكون عند اهلك لان عند اهلك ماتنقل هم للفلوس ولا هم البعد والسفر وتكون مرتاح ماتغيرت الاجواء عليك

وترا الارزاق بيد الله لاتفكر بالوظيفه خل تفكيرك كله كيف اجيب الشهاده ومو معناتها اني ادخل جغرافيا او تخصص معدومه الوظائف فيه
والله يكتب لك ولنا الخير وللجميع ان شاء الله

البكالوريوس . افضل . شي حاليا بالسعودية ..


والاهم من ذلك . التخصص .. اذا تقدر . ادخل تخصص طبي . تمريض .. ادارة صحية .



ربي يوفقك.

البكالوريوس . افضل . شي حاليا بالسعودية ..
وانا مع الاخوان يلي فوووق اهم شئ الكالوريوس
لا تفكر انك تجلس في البيت لي خمس سنوات عاطل نسبتي عاليه كنت ادور على الوظائف ما لقيت تمنيت اني دخلت الجامعه بس شنو يفيد الندم الحين بس انصحك لاتندم زيي تحياتي لك اخوي

الله يعطيكم ألف والله ماقصرتو وبيض الله وجيهكم

وعسى الله ان يوفقني ويوفق الجميع لما يحبه ويرضااه

خذها قاعده استغلّ جميع الفرص التي ستواجهك حاليا , فأنت لاتعلم ماسيحدث مستقبلا ..

توكل على الله وقدّم في الأقسام الجامعيه اللي تحس انك بتعطي فيها أو مثل ماقال الأخ تدرس وتحوّل ..


الله يوفقك ويوفق اخواننا الباحثين عن الدراسه الجامعية