27-12-2007, 06:18 AM
|
|
Guest
|
|
تاريخ التسجيل: Apr 2007
المشاركات: 3,374
معدل تقييم المستوى: 0
|
|
|
زمااااااااان التهاااااويل
الله واكبـر يـازمـان التهـاويـل
تبيـن بتاليـك عـوجـه وميـلـه
شفنا بدوراتـك همـوم وغرابيـل
وذقنـا مـرارك والايـادي غليلـه
ونصبر نقول ان التوالـي تساهيـل
ولا من سهاله والخواطـر عليلـه
نحط من حمـل الغرابيـل ونشيـل
والصبر طـال ولا لقينـا حصيلـه
حتى الرجال الصامدين المشاكيـل
تغيـرو مـا بيـن حطـه وشيلـه
من عقب ماهم يرجحون المكاييـل
اليـوم منهـم كـل ميلـه و عيلـه
والفرق واضح بينهـم دون تحليـل
فارقهـم الله مـن سنيـن طويلـه
رجل من افكاره يجيب المحاصيـل
ورجل يـدور لـه متـون تشيلـه
ورجل يكبـره الحكـي والاقاويـل
ورجـل تكبـره الفعـول الجليلـه
ورجل هروجه ونسـة للرجاجيـل
ورجل هروجه ناقصـات وهزيلـه
ورجل ليا منه نهض عـدل الميـل
ورجل ليا من قام جـاب الفشيلـه
ورجل بوقفاتـه سـوات الطهابيـل
ورجـل بوقفاتـه يسـاوي قبيلـه
ورجـل محلـه للنشامـا مداهيـل
ورجـل محلـه مدهـل للرذيـلـه
ورجل تمشيـه الخبـول المهابيـل
ورجل ماتهديـه القلـوب الهبيلـه
ورجل ليا استفزع كما جارف السيل
ورجل ليا استفزع سـوات الحليلـه
ماينفعك منهم سوى قـرم حلحيـل
ليـا ارتكـا للحمـل لازم يشيلـه
واللا العفون اللي عليهـم مداخيـل
الحمـل ماتشيـلـه ولا ترتكيـلـه
وقت الرخا ضحكات سن ومواصيل
ومن رادهم وقت القسا عزتـي لـه
ياقـف لحالـه للعنـا والبهـاذيـل
وتبيـن وقفـات الزميـل لزميلـه
اسألك ياهازم ببطشك هـل الفيـل
تهدي لنا درب الهـدى والفضيلـه
دام الزمـن ياربنـا بيـد الحيـل
لغير وجهـك مالنـا ايـة وسيلـه
افزع لنـا فـي هالليـال المقابيـل
انت العزيز وعـز مـن نلتجيلـه
للشاعر تركي النومسي
وتقبلو تحياتي
ابوسيف
|
العرض المتطور
