بصراحه أحترت :(

بسمة دنيتي · #1 (**permalink**) 05-07-2011, 08:57 AM

السلام عليكم و رحمة الله و بركاته
صباح / مساء .. الخيرات
أنا ودي أخذ دبلوم أنجليزي ليا شهور و جالسه بدور و بتصل من معهد لمعهد ..
و دآخ رأسي و أحترت بينهم ..

أكسفورد بس بمكه رجالي فقط و قالي للنساء يمكن بعد ست شهور .. يعني الأخوان مطولين مع اني ميته على ذا المعهد

..
جلوب كمان بمكه للرجال فقط و قالي النساء يمكن مع بداية السنه الدراسيه بصراحه هذا المعهد ما لقيت معلومات عنه بس الحلو فيه ان الاساتذه نايتف و بيكونو امريكان ..
دايركت انقليش اخذت فيه مستوى قبل يمكن خمس سنين و تعليمهم مش و لابد ..
سلفرمون ماني عارفه صداهم و لما اتصلت تقولي الاستاذات عندهم من جنوب البرازيل و ما عمري سمعت كيف لغتهم

..
المعهد السعودي للسيدات اعتقد كذا اسمه المهم كمان اتصلت عليهم تقولي الاستاذات عربيات قفلت و قلت اكسين عليكم ..
معهد نوافذ المعرفه بس الاستاذات سعوديات و تعليمهم تمام بس فيه استاذه ما تعرف تفهم و كل ما اتصل يقولون لي الاستاذه فلانه هي اللي بتبدأ و بعدها أقفل و طفشت منهم ..
بيرلتز زمان رحت لهم و عملو لي تحديد مستوى و قالت لي من الثالث تبدأين و خلاص نتصل عليكي و لا اتصلو عليا لهم يمكن ست شهور و سمعت فيه معلمه تعليمها مو تمام فـ خفت تطلع لي و مسويه نفسي زعلانه منهم ليه ما يتصلون عليا

..
و آخيراً تبقى أخر معهد ..
المعهد السعودي البريطاني .. هو اللي تقريباً اخر واحد استقريت عليه و الاستاذات امريكيات و صداه من خلال بحثي تمام ..

احترت فيهم و افضل معهد اللي هو بيرلتز ما يحصلون يحطونه الا في العزيزيه و حتى المعهد السعودي البريطاني يعني ما يعرفون انو عندنا حج و عمره

و سؤالي لكمـ / ايت افضل معهد في مكه ؟ و يهمني الفائده لي قبل الشهاده ..

و سوري ع الإطاله يا حلوين ..
و لكمـ كل الود

كودي مارتن · #2 (**permalink**) 05-07-2011, 11:21 AM

[align=center]معهد السعودي البريطاني له فروع ببريده وله بالرياض سمعته حلوه

لكن تقدري تكلمينهم تدرسي يوم تشوفين الشرح ممتاز او لا ولك الخيار بتكملين معاهم او لا

تحياتي [/align]

بسمة دنيتي · #3 (**permalink**) 06-07-2011, 12:24 AM

[align=center]
كودي مارتن ..
تسلمَ أخوي ع الرأي و المرور ..

هو شكلو كذا مالي إلا هو ..
لكن ما عندهم دبلوم بس قالو لي ممكن أخذ من المستوى الأول للمستوى العاشر ..
بس مشكلته التيتشر تختلف من ليفل لـ ليفل و مالي حرية الأختيار ..

لك ودي يالغلا ..

,.
[/align]

^يويو^ · #4 (**permalink**) 06-07-2011, 01:16 AM

مشاء الله تبارك الله بصراحه اشجعك كثير على انك تحصلين على الدبلوم وخصوصن في مجال اللغة الانجليزيه بتوفيق ولا تبحثين على الشهاده اكثر من انك تتعلمين اللغة وتتقنينها ولا تيئسين موفقه بئذن الله

وئام الشمال · #5 (**permalink**) 13-07-2011, 01:15 AM

بالتوفيق
اذا لقيت اي معد يعلم فعلا اللفه صح خبرينا بموضوع مستقل
وشكرا

بسمة دنيتي · #6 (**permalink**) 13-07-2011, 07:19 AM

[align=center]
محبوب نجد .~
تسلم يالغلا ع التشجيع ..
أيه أنا يهمني الفائده أكثر من الشهاده ..
الواحد بدون الانجليزيه يحس أنه تايه ..
و أنا الحمد الله لغتي متوسطه لكن الأنسان ما يوقف عند حد معين ..
حفظك الباري أينما كنت ..

وئام الشمال .~
بإذن الله خيتو وتسلمين ع المرور ..
عين الله ترعاكِ ..

’,
[/align]