السلآم عليكم ورحمة الله وبركاته

اول شي راح اقلكم وش حصل معاي بتفصيل الممل وان شاءالله اخواني اللي موعدهم بكره او بعد
كم يوم يستفيدون..

اول مارحت الصباح الساعه 5 ونص عند البوابه الرئيسيه اللي بجانب مستشفى الملك فهد العسكري وقفت سيارتي ونزلت انا واصحابي جلسنا في المواقف حتى الساعه 6 الا وشوي الشرطه العسكريه صفونا طابور بترتيب ((والافضل للجميع ان يصفون اول شي)) ... الموهم بعد الصفه يوصل باص عند البوابه وبترتيب يدخلون مجوعات في الباص ويوصلهم الملعب الرياضي ويرجع ياخذ دفعه ثانيه وهاكذا الموهم دخلنا الملعب وصفونا خمس صفوف وكل مجموعه لوحدها ويجلسوكم على الارض في مكان ظل وقداكم مدربين عندهم جهاز الطول والوزن ويقومونكم دفعات كل خمسه اشخاص جالسين في الصفوف الاماميه لوحدهم طبعن الوزن والطول مخبطين فيه يعني سهالات مافيه تشديد مدري ان المدربين مخبطين اللي طوله 160 يسجلونه 170 واللي طوله 170 ينزلون طوله كم سانتي على حسب ممكن يزودون في طوله وممكن ينقصونه (( نصيحه اللي طوله مناسب والمدرب غلط ونزل من طولك اعترض وخليه يقيسك من جديد واللي قزم ويزيده في الطول ينبسط ويمشي )).. الموهم بعد الطول والوزن تصفون عند مدرب ثاني خاص باللياقه طبعن كل خمس اشخاص لوحدهم ويقلكم يالله ياشباب سباق اللي يلف حول الملعب مرتين يمر اخر لفه ويذكرني بأسمه واحسب له الدقايق وترتيب.. على طاري الجري انا وقفت وصرت امشي من التعب خلااص طفيت بس الحمدلله كان معاي دفعه طيبين وانطفو معاي واخذت الثالث هههههههههه .. الموهم بعد كذا كل واحد يجلس مكان ماحط ملفه قبل السباق ويعدي عليكم عسكري ياخذكم دفعات ويدخلكم الصاله المغلقه ويصفونكم بالاسماء وتجلسون ويعطونكم
مويه +عصير +سندوتش بالجبنه (( قسم بالله تعاملهم ذوق مو مثل باقي القطاعات))وبعدين يطلبون منكم كل واحد يتاكد من ملفه اذا كامل ويعطونكم نموذج لكل واحد ومسجل عليه اسمه وطوله ووزنه ويقلون لكم طلعوآ الاوراق من الملف الاخضر ورتبوهآآ بترتيب هذأ
(( اول شي ورقة النموذج _ثاني شي صورة الهويه_ثالث شي صوره من الشهاده_ رابع شي صوره من كرت العائله ))


ويدخلونكم على واحد رتبته نقيب على انه يسوي مقابله شخصيه معاكم اول ماتدخل عنده مايسألك ولا سؤال ياخذ ورقه ويسألك في حالة قبولك نهائي وين تبي تراجع وكل واحد وعلى حسب المكان الاقرب مثلن انا قلت ابي اراجع في جده اشر لي على مجموعة الدفاع الجوي الثانيه بجده وهكذا على حسب رغبة الشخص وبالاخير يعطيك الورقه وفيها طلبات ويقلك بعد عشر ايام اجلس كل يوم على النت وشوف الارقام بعد الفرز النهائي طلعت او لا وفي حال انك انقبلت تجيب الطلبات الموضحه في الورقه وتراجع مكان ماحددت خلال 72 ساعه من الفرز النهائي .. الموهم رجعنا ركبنا في الباص ورجعنا عند البوابات وكل واحد ينطلق ..




بقولكم نصايح مهمه ..

اول شي : لازم تلبس لبس رياضي مو شرط الالوان اي شي حتى لو برموده مافيه مشكله
ثاني شي : لازم تلبس بوت رياضي للاهميه لانهم يطلبونه وبعضهم ماينتبهون عليهم ويدخلون

وفي الاخير اتمنى لكم التوفيق والقبول النهائي بأذن للـه