من اسباب خسائر الشباب في مشاريعهم

فيه من الشباب يسمع ان المغسله شغاله يروح يفتح وهو مغمض

يسمع ان الخضار شغال يروح يفتح ونفس الحكايه خسائر في خسائر وديون في ديون

اذا بتسوي مشروع لازم تدرسه من جميع النواحي ايجار يكون معقول لمشروعك وموقع مناسب
توفر العماله اللازمه للمشروع

قدرتك انت عزيزي الشاب لازم يكون عندك خلفيه وصبر على اي مشروع وتعرف مداخله ومخارجه

يعني في بعض المشريع تكون ناجحه بس خسرانه على ارض الواقع بسبب سؤ الاداره وترك الحبل على الغارب للعمال

يعني لازم تدير شغالك بنفسك ولا تخلي اي احد من العمال يديرك

ولا تفكر تاجر اي محل الا في حالات نادره اذا عرفت ان المحل ماشي وعرفت قدرة العامل وعرفت دخل المحل كذا ممكن تاجيره

لان العامل اذا شاف المحل مهوب ماشي بيذبه في حلقك وابلش انت


علشان كذا انصحك انك ماتدخل اي مشروع الا اذا انت عارف مداخله ومخارجه

مهوب تطب محيفره وانت مغمض

والصبر على اي مشروع لان بعض المشاريع تحتاج صبر ماراح تكسب من اول شهر