السلام عليكم ورحمة الله وبركاته

انا عضوه جديده بالمنتدى وابي ابدى بإستفسار لكل اللي عندهم خبرة ومعرفه يفيدوني
زوجي موظف بشركة الراجحي للصناعه والتجاره بوظيفة (كاتب مبيعات)
وله اكثر من عشر سنوات ويادوب راتبه (انا وعياله 2)
وانتم تعرفون كل مالها الحياه تصعب والمطالب تزيد
وانا على طول وراه كمل الثانويه وادرس مسائي دوره او دبلوم تفيدك بوظيفتك
هو قبل ترك ثاني ثانوي لأنه كان مسؤول عن اهله
والحين يقول انه موافق يدرس بشي يفيده اكيد يا يترقى اويشوف وظيفه احسن بشركه ثانيه

الله يوفق ويستر عليكم وعلى من يرد علي ويفيدني وينصحني باللي يفيد
اي دوره او دبلوم تنصحون ووين
وهل يبقى بشركته او يشوف غيرها
ايش اللي يحتاجه سوق العمل واللي يفيد بمثل حالة زوجي

شاكره لكم ومنتظره

وعليكم السلام ورحمة الله وبركاته



والله اذا تبين النصيحه الاخويه..



يكمل ثانويه ..


ويدرس دبلوم سنتين تخصص مقارب لتخصصه.. والمقارب له التسويق... وياخذ دورات حاسب ع انقلش ام سته شهور ...


ووهيك..



وان شاء الله تفيده كثيررر..


واللهم امين. الله يوفقنا وياه يارررب ويوفق من يمر هوون..

ماعندي خلفيه كثير في شركات
بس الي اعرفه شركات تحتاج الى . دبلوم حاسب الي مع اضافه . دبلوم انجليزي
لانه تفيد كثير مثل المتطلبات ذي
الله يعينكم يارب ان شاء الله تحسن حالتكم الى افظل

اول شي يجب ان يكمل الثانوية .. ليلي
وبعدين عندكم بالريااض كثير معاهد يروح لهم ويشرح لهم مهام وظيفتة
وهم يشوفو الدورة الي تفيدة بعملة ...او يدلوة على معهد يفيدة

بس اول خطوة يكمل الثانوي

وبعدين يروح لرئيسة ويسألة عن طريقة الترقية وتكون عندة الروح والهمة والجدية
والله يوفقكم ويستر عليكم

اخوي مشعل 511
شكرا لسرعة ردك وانا والله دايم اقول لازم تكمل الثانويه
بس دوام الشركات للمغرب
بس ان شاء الله وعدني

الله يوفقك ويرزقنا وياك

مشكوره اختي غرامك جنوني
واكيد لازم دبلوم ودورات بس
نبي نعرف اي دبلوم افيد
مشكوره الله يوفقك

اخوي طبيب جراح مشكور على ردك
نبهتني على انه يروح للمدير ويسأله يمكن عنده خبره جزاك الله خير
والمعاهد برضو بس خوفك يدورون مصلحتهم عشان يدخل عندهم
وتكميل الثانويه ليلي لابد منها وان شاء الله يقدر عليهم
لان دوام الشركات صعب لليل والدراسه مسائي

الله يوفقك ويرزقك على قد نيتك

عندك يا اختي دبلووم المبيعات والتسويق والمحاسبه والماليه هاذي كلها تنفع في وظيفه في البنك
والله يوفقه يارب ويسعده ويسعدك بس الحياه يبي لها صبر
ولازم يكون صامل يكمل الثانويه يا اخذ دورات حاسب ادخال بيانات هاذي تفيده لانه كاتب
دوره انجليش مطلووبه وايد
في واحد يقررب لي كان مثله كفاءه وكمل الثانويه اخذ دوره حاسب ومع انجليزي ووصل في الانجليزي المستوى العاشر ما شاء الله عليه ومتززوج بعد عنده بنتين كان حالته شويه صعبه في الشركه الاولى بس ما بعد ما اخذ الدورات اشتغل بشركه الجفالي اول مربوط له كان 4000 بعدها قعد 6 سنين والحين 9 الالف كمل دراسه دبلووم وترقى فيها وصار راتبه 13.000 الالف يعني والله كافخ يعني زوجك لو يكافخ ويكثر من الاستغفار بإذن الواحد الاحد راح تكوونوا مرتاحين انتي وعيالك التوفيق من الله
تحياتي لك اختي

اخي بركوت اشكرك على ردك كثير رفعت من معنوياتي
ما شاء الله عليه قريبك
الله يوفقنا واياه واياك يارب