بسم الله الرحمن الرحيم

السلام عليكم ورحمة الله وبركاته


تلاعب \ معهد \ الارتقاء


سراحة يا اخوتي الكرام مفروض هذا المعهد ترفع شكوى ضده لا حسيب ولا رقيب ..انا ابي افهم الحين هذولي اللي يفتحون معاهد ..ما يشرفون على حلالهم ..لهالدرجة الكماخة ..لهالدرجة الجشع ..همهم يسفطون الارباح ويمشــــون

طبعا انا ما اتكلم عن مديرات فروع هذا المعهد لان المديرات تحت رحمة وحدة اجنبية مصرية (مسؤولة المالية ) لاحظوا المالية



تصب وتحقن على كيف امها وتوقع المعلمات عقود على سنة إجباري علشان تمشكلهم لو اضطروا للمغادرة , في إحدى فروعه مر عليهم 5 مديرات ما استقروا بسبب استهبالها ..هذا معهد مفروض العقد الاجباري ما يتجاوز 3 أشهر.

مرة تقول الراتب الف وخمسماية ريال والمواصلات نخصم منها .. من زين راتبكم تخصمون .


ومرة تقول لا الشغل حسب الساعات إذا عندك طالبات وعطيتيهم محاضرة تاخذين عليهم وإذا الطالبات غايبات شيلي نفسك واطلعي بيتك (عشان ما يدفعوني) .

وش هالبربسة والفوضى , والله حرام .. مفروض راتب المعهد ما يقل عن 2500 ع الاقل , فيه معاهد رواتبها 3000 ع الاقل شيء يصبر الاستاذة .. متى بيلتفتون لفوضى المعاهـــــــــــد .


مرة كلمتها وقالت تعالي ما فيه عقد سنة ولا حاقـــة والمواصلات مجانا (لاني قلت لها ما اضمن اكمل سنة ممكن ستة اشهر ) يقالك ابصير واضحة عشان شغلهم ما يخرب (كنها كفو مصداقية),,لما رحت ,,النصابة قالت لاااااازم عقد سنة ولاااااااااازم تدفعين حق المواصلات .. طبعا هي ما تواجه .. كل هذا من التلفون ..

تصدقون باعتراف احد العاملين في إحدى المعاهد يقول والله الارباح توصل نص مليون من كل الفروع .. يا ويلهم من الله ..طيب ليه اللعب بالرواتب .

ما اقول الا حسبي الله عليك يا (مسؤلة المالية) انت وامثالك .. اول ما دقيت ع المعهد رد علي واحد مصري وحولني على هذي المسؤولة ..انواع اللعب والاستهتار .


يا ناس اللي يعرف المالك حقه يبلغه ..يمكن ما يعرف وإذا يعرف يمكن يتنبه ..

وإذا مو قد المعهد يدور غيره ويتقي الله في الموظفات اللي فيه والطالبات اللي ما تستقر عندهم أي أستاذة بسبب تلاعب المعهد بالطرفين .