السلام عليكم ورحمة الله وبركاته

اول شي ابي اقول لكم قصتي مع هئيه التخصصات الطبيه وابي اوضح لكم ان رفضو انهم يعدلون لي
الاقرار اللي بشهاده التصنيف


انا تخرجت تقريبآ قبل سنه ونص

واختبرت الاول _ 44 والثاني _ 38

وطلبو مني تدريب 3 شهور

واختبرت الثالث _ 43 والرابع _ 42

والنجاح من 45

وكل اختبار معروف المبلغ حقه

بعدها حولوني للمسشتفى تقييم

رحت للمستشفى وحصلت مشرف الله يكرمك حمآر ومعقد بالمره

وع حسب مزاجه ينجحك مو ع حسب تطبيقك عنده واذ طبقت يجيب لك اصعب شي

وربي انه العن من هئيه التخصصات ونفسه ع راس خشمه ولا يراك اي شي

وللمعلوميه هئيه التخصصات تدفع له مبلغ علشان يصلح لك اختبار

المهم تجاوزت الاختبار العملي الاول والحمد لله عدت ع خير

مضى سنه ع شهاده التصنيف واللي هو يعاد تقييمه بعد سنه

واستعجلت ورحت اختبر

اختبرت عند الشخص نفسه وربي العظيم اني طبقت عنده صح وواثق من تطبيقي

المهم معي خوياي 3 اشخاص

تفاجات اني راسب وخوياي ناجحين السبب مدري وليش ماعرفت ولا تكلمت عليه ولا سويت له اي شي يعني ظلمني الله يجعلها في عياله ي رب

المهم رحت للهئيه قالو عليك تطبيق 3 شهور وبعدها اختبار

وش ذنبي اطبق 3 شهور واختبر

المهم سكرت في وجهي كل الطرق وقلت لهم عطوني خطاب للاداره التدريب

ورحت للاداره وقالو ادفع 2000 ريال قيمه تطبيقك رحت ودفعت الفلوس

وواسطه من ومناك لين حطيت تطبيقي يبدا من 1_ 8 لان حصلت مشرف حق التدريب اخلاق زفت

ماتلاحظون ان اللي اوجه كلهم اخلاقهم زفت والله اني صادق

المهم كلمت كم شخص علشان يكلمه وبالواسطه بدا تطبيقي 1_ 8 وليت مابدا

وقريت خبر ان اللي مكتوب يعاد تقييمه بعد سنه يعدل القرار ويعفى من الاختبار ويدفع 350 ريال

رحت للهئيه قبل اسبوع

عطيته شهاده التصنيف قال لي نعدل لك القرار قلت حلو وربي فرحت فرحه مو طبيعيه
بس يقول بالارشيف الشهاده ال 3 شهور مو موجود

قلت ملفي عندكم قال عاجزين ندور لك ويبي لنا كم يوم لان بغرفه بالدور الارضي

قال شف ملفك بالمعهد يمكن تحصل الشهاده لان ماعندي شي يثبت

انا فرحت قلت مافي مشكله اروح للمعهد الفرع الرئيسي يطلبون من الفرع اللي درست فيه

ورحت للفرع الرئسيي وماقصرو معي ودقو ع الفرع وقال عطونا شهاده قالو ملفه بالمستودع حق الارشيف لان متخرج ويبي له 5 ايام ندور
قلت عطوني بدل فاقد

المهم عطوني بدال فاقد واستغرق هالوقت من 9 الى 12 الظهر ورحت للهئيه

ترا من 7 عندهم

رحت للهئيه ومعي اروقي كامله يوم جيت عنده وقاعد يطقطق بالجهاز مع انه شايف اسمي قبل لا امشي من عنده

قال انت راسب بالاختبار ولازم تطبيق ومستحيل نشيل عنك القرار
لازم تطبق 3 شهور ويحولون اختبار برومتك مو عملي بعد

قال لي موظف عندهم في طريقه يمكن يسوي لك المدير استثاء من ال 3 شهور والاختبار لان ماتجوزت ال سنتين من تطبيقك

وانك تدرس بكالوريوس وتقدم اورقك يمكن يوافق عليها ويمكن يعفيك من ال 3 شهور بس الاختبار فيك فيك ( انا ادرس بكالوريوس والحين بالترم الثاني )


والله العظيم تسكرت في وجهي سنه وعليها وكل شوي( اختبار تطبيق ادفع فلوس)

عفت حياتي كلها وعفت الصحه

ابي افهم انجحت بالاختبار الاول العملي ليش يصلحون لي اعاده وش ذنبي كل شوي اختبار
وكيف ارسب بالثاني والاول ناجح فيه


احد حصل له نفس اللي حصل له احد قدم طلب واستثنو اداره التصنيف

حبيت اقول لكم قصتي , واسالكم احد استثني

وحبيت اوضح لكم طريقه اللي راسب الاختبار الثاني عملي انه مايشمله النظام الجديد


ونصيحه اللي يتخرج الحين العسكري افضل واريح وازين راتب بعد

وخلهم يكفرونك 10 شهور عادي بس ماتنقلب نفسيه وتضيق فيك الدنيا


والله اني اتمنى اشوفكم كلكم متعيين وموفقين بحياتكم

لان انظلمنا ظلم والسبب كله الربيعه واتباعه


دعواتكم على من ظلمني بالتقييم ودعواتكم ع الربيعه

والله يوفقني ويفرج همي ويفرج همك ونفرح فيكم

الله يعينك ياخوي ويفتحها بوجهكـ ... والمظلوم دعوته مستجابة حتى لو كان فاسسسسسق
ماقول غير الله يوفقكـ وينتقم من اللي ظلمكــــــــ .

من جد الله يعينك أخوي بس تكفى علمني هذا الي لاحس مخي الا وهو ياخي انت تقول نزلوك تطبيق بعد الاختبارين الاول والثاني لكن ياخي انا الي اعرفه ان الحين ناس من اخوياي اختبروا الاول والثاني والثالث والرابع وكلها رسبوا فيها وبعدين راحوا تطبيق 3ايام بالمستشفى وبعدها اخذوا الشهادة والبطاقة وكاتبين على ان يعاد تقييمه بعد عام من قبل الهيئة . بس انت نزلوك تطبق 3شهووور بعد الاختبار الثاني فياليت تشرحلي وش ذا النظام لاني ملتحس من ذا النظام ....................