السلام عليكم ورحمة الله وبركاته

ياشباب انا في ورطة مايعلم بيها الا ربنا كل يوم افكر

ابغا استشارتكم يارجال

انا خريج السنه اللي فاتت نسبة الثانوية 90.34
وودي باي شي عسكري وسبحان الله انقبلت جندي اول فني

وموعد مراجعتي 12/8 ابغا اسأل كم سؤال وامانة عليكم جوبوني بصراحه وحطو نفسكم مكاني

1- لو جاتك هاذي الوظيفة توافق

2- راتب الجندي الاول كيف

3- كيف الترقيات في القطاع

مع العلم اني قدمت في جامعات ومتوقع قبولي

لكن حلمي العسكرية سبحان الله

امانه عليكم لاتبخلو عليا وانصحوني وجاوبو على اسئلتي جزاكم الله خير

والله ياخوي حنا بوقت صعب الوظيفه ولو انا مكانك بوافق ان شاء الله بس ماقلتلنا اي قطاع انت لان تختلف القطاعات بالترقيات فيه قطاعات ماشيه ترقياتها وفيه قطاعات تجلس سنين برتبتك ماترقى

والرواتب من 6 الاف وفوق

بس قلنا قطاعك شننو

اوظيفة اللي جاتني جندي اول فني في الدفاع الجوي وش تخصصاتها هي

ويعطيك العافيه

شوفي يالغالي اذا انت لك بالدراسه وتعرف نفسك اذا دخلت جامعه انك تبي تتخرج منها بمعدل حلو فا انا انصحك تدرس جامعه اذا مالك في الدراسه وعوار الراس

ادخل عسكريه بس مو اي قطاع بما ان نسبتك حلوة

عندك قطاعات حلوة زي الدفاع المدني الاتسخبارات المباحث امن المنشات القوات الجويه

الدفاع الجوي مااعلم عنه شي اخوي الغالي يجي من يفيدك بخصوص هالقطاع وتلقى اتوقع موضوع مثبت فيه كل استفساراتك

طب بالله ماتعرف اقرب معهد يفتح التسجيل اللي يخرج وكيل رقيب

كيف حالك إن شاء الله دائما بخير ؟

يالغالي رزقة وجت لعندك لاتخليها
والوظايف الحين قلت يالغالي
توكل على ربك وروح لهم وبالتوفيق

يا اخوي صلي عالنبي ؟؟

انت نسبتك 90% اوكي ؟

1- تقتدر تبتعث للخارج . وتكمل دراسه لو حاب
2- تكمل دراستك في الجامعه هندسه وتدخل ارامكو او سابك او الكليه الامنيه
3-لو انت مستعجل لا تقدم الا في الكليات العسكريه تتخرج ملازم لان نسبتك حلوه
4-قدم في معهد الدراسات الفنيه او معهد الدراسات البحريه لو طولك +165
5- قدم في قطاعات وزراة الداخليه لو طولك +168

واتمنى انك تدعيلي اقسم بالله اني حاب افيدك ولا اخليك محتار

تكفى دعواتك لي بالتوفيق

الله يوفقك ان شاء الله

وانصحك والله حرام بالنسبه هذي تدخل دفاع جوي

وانت زي اخوي

اقسم بالله اني لسى ادرس ثانوي وباقيلي اخر سنه ان شاء الله بس حبيت افيدك ومن كثر دخولي للمنتدى

صرت شوي فاهم في العسكريه

دعواتك...