السلام عليكم
اممم وربي مدري من وين ابد
انا ابي اقول لكم قصهـ وهي حقيقهـ وحصلت مع وحدهـ اعرفها
وربي كسرت خاطري هي واخوها
طبعا ماراح اقول اسماهم حقيقهـ <بحط اسماء من عقلي
البنت اسمها مها
والولد اسمهـ فيصل
امهم توفت قبل فترهـ والبنت ماهي صغيرهـ
والولد اكبر من اختهـ بسنه
ابوهم متزوج من قبل بمرهـ ثانيهـ وعنده عيال وبنات كثار
ابوهمـ ماقول غني ولا فقير وسط

مها امها وابوها من كانو صغار متطلقين
ابوهم ماكان يعترف فيهم ابد لا بمصروف ولا شي ثاني حتى الشهادهـ ماعندهم
مها وفيصل مادرسو ولا شي
عاشو عند جدتهم ام امهم وخالهمـ
ساكنين بقريهـ بعيدهـ شوي عن الرياض
جدتها عايشهـ على راتبها تقريبا 1500
وخالهم مو متوظف ابد ماهمو كبير ولا صغير
قبل تتوفى امهم بفترهـ جاء ابوهمـ واخذ البنت بصك من المحكمه لن امها كانت رافضه ياخذهم
بس اخذها غصب
وربي اني اعرف امهم قسم كانت تكسر الخاطر
ماخلت احد من قرايبهم ماطلبته يوقف معهم بس الكل رفض
يقولون عادي عند ابوها
فيصل كان كبير وجالس عند امه
كان عمره وقتها 23 واخته 22
فيصل انقهر من ابوهـ يعرف ابوه ماخذها بس عشان يقهر امهم
ذاكـ اليوم دقت عليه اخته تبكي لن ابوها ضربها وحابسها بدونيت الرجال
طبعا مرت ابوها انا اعرفها زييين طيبهـ مررررهـ بس بناتها اعوذ بالله محد يكلمهم
يوم مها كلمت فيصل كان فيصل وقتها بالرياض عند خوالهـ طمر على بيت ابوهـ وهرب اخته معه
وانحاش على بيت خوالهـ وقتها حتى سيارهـ مامعه ولا وظيفهـ ولا شي
اخذ سيارت خالهـ الكبير
وسيدهـ على القريهـ
بعدها بفترهـ اشتكى فيصل بالمحكمه على ابوهـ عشان ياخذ اوراقهـ وشهادته هو واختهـ من ابوهـ
ابو البنت جاب شهود من الجماعهـ عشان يشهدون ان مها بنت مرتهـ الثانيهـ <<مرت ابوهم
لن ام فيصل مالها اي كرت ومرت ابوهم عندها بنات كثير
والجماعه طبعا اشهدو لن ابو فيصل قايل لهم ان مها بنت مرتي الثانيهـ ولن الجماعه مايعرفون مها من اي مرهـ فيهم ويثقون بالرجال شهدو
يوم جو عند الشيخ جاء فيصل وابوهـ والشهود الي معه
قال فيصل ياشيخ ابوي من كان عمري 5 سنوات ماصرف علي
ولا عطاني اوراق عشان اكمل دراستي واتوظف
قال الشيخ ومنو يصرف عليكـ قالهم جدتي وخالي<<هذا الكلام بعد ماتوفت امهم ماصار لها شهر
قال الشيخ اجل لكم جلسه ثانيهـ وجيب خالكـ وجدتكـ
بالجلسه الثانيهـ جاء خالهـ وشهد وحلف بالمصحف انه يصرف عليهم
<خالهـ ماهو موظف ولا شي وربي وربي عايش على صدقات الناس
المهم
قال فيصل ياشيخ ابي ابوي يصرف علينا اذا كان بياخذنا
قال ابوهـ اصرف على اختكـ بس انت لا
<الي فهمته من السالفهـ ان الشيخ حكم ان الابو يعطي البنت 50 ووالولد 60 ولا يتنازل عنهم
قسم بالله انه على طول تنازل وبصموهم بالاوراق
بس الابو قال تاخذ لختكـ شقهـ لحالها بعيدهـ عن جدتكـ وخالكـ
ولا باخذ البنت وانت لا
اخذ ارواق وتوظف <صدق راتهـ قليل بس الحمد الله شي احسن من ولا شي هذي اول ايام جاء فيها لرياض
بعد فترهـ توسط لهم خالي بوظيفهـ يقدر يفتح لهـ بيت ويتزوج
بس الي يقهر
امس دق على ابوهـ وعماتهـ يعزمهم لحفلهـ الملكهـ <<تزوج وحدهـ تقرب لي
ولا واحد عبره
وقفو معه خوالي بالحفلهـ قسم يكسر الخاطر من بينهم
تدرون شنو قال
قال والله اني يوم دفنت امي الله يرحمها كني دافن ابوي معها
وانا اخواني وياشر على خوالي وخوالهـ ذولي
والمشكلهـ جماعتهـ محد راح يحظر العرس <ليش على كلامهم منو راح يستقبلنا مو هذا الشي يقهر
على الاقل حسوو ان ماعندهـ احد اجبرو بخاطرهـ واوقفو معهـ

الي ابي اعرفهـ
البنت الحين مالها اوراق عمرها فوق 30
واي واحد يجي يخطب من الابو يطردهـ يقول خلها تجلس عند اخوها
والبنت لادراسهـ ولا شهادهـ ولا شي
الي بسال عنه
لو يرجع فيصل لشيخ وياخذ تنازل من الابو مايتدخل بزواجها
يقدر
لن حرام وربي
قبل يومين جوء ناس اخطبو من اخوها ويوم وافق جاء الابو وكنسل كل شي
مو ظلم
مو حرام

ان شاءالله اعجبتكم القصهـ
وعلى فكرهـ القصه حقيقيه ميه بالميه