الصديق الأول كان راس ماله 3000 ريال ( راتبه شهر )
الصديق الثاني راس ماله شوي كبير 40000 ريال ( شيء سلف وشيء قيمة بيع سيارة )

الأول خطير وذكي صراحه ضاعف راس ماله 50 مره
صديقي واعرفه عز المعرفه ( ذكاء خارق ) قولوا ماشاء الله
راح اذكر لكم بداية تجارته بس وماراح ادخل في تفاصيل أخرى وكانت في سنة 2007
كان يقولي قبل التجارة يامحمد راتبي 3000 وماني فلان إذا ظليت على وضعي ؟
قمة التحدي مع النفس ......
مرت الايام والشهور انقطع صديقي عن الاستراحه وكل ما اتصل عليه يقولي ماني فاضي لكم ياخي
ابو الشباب شغال بالاستيراد وقته ثمين
مع الملاحظه من اول دفعة استيراد استلمها قدم استقالته من الشركه .......
مالكم بالطويله
استورد حاجه كانت جديده على السوق
وعن طريق النت استوردها من الصين بقيمة 3000 ريال
القطعه هي

عباره عن جهاز لتثبيت الشوارفسكي ..
القطعه الواحده راس مالها 10 ريال واصلته للرياض وهو يبعها 50 واحيانا 60 ريال
بالبدايه قضى على خياطين الرياض ويوم جاه الربح اضافه لراس المال واستورد نفس القطعه بقيمة 14000 ريال
وزع نصهن بالرياض وطلع للشرقية وزع النص الثاني
ولمن خلصت البضاعه استورد نفس القطعه بقيمة 32000 ريال (قولوا ماشاء الله ) وقعد يوزع منها بالرياض ومناطق أخرى
الرجال اشتغل سفرات ومافي بقعه بالسعوديه ماوصلها وباع بنفسه
كل خياط مستقرب من القطعه (كانت جديده)
ومافي خياط شرى منه قطعه وحده بس غالبهم (ثلاث قطع وانت طالع )
لأن مسألة التثبيت يدويا كانت صعبه عليهم شوي فهذي تختصر لهم الوقت مع ضمان الثبات لمدة أطول
وانشهر وكل الخياطين تطلبه ويتصلون عليه ........
وكمل مشواره بالاستيراد بقطع أخرى
والله لم يضع ريال واحد للإعلانات ( قولوا لا إله إلا الله )
.................................................. .......................................
القصه الثانيه صديق وهو احد الاقرباء
بالصدفه حضر مزاد في مخرج 9 وكان في سنة 2005 لبيع آلات تصنيع
فعجبه الأمر وأصبح يتردد عليهم باستمرار
ومره من المرات اعجبته آله مستعمله قيمتها 250000
فقرر أن يشتريها بعد دراسه وجمع مال
الآله ياخوان هي تصنع مربعات ( بيت المقبس ) اللي يكون داخل الجدار
فقط لا تصنع شيء آخر
المهم اشترى الآله
ووضعها بمزرعة والده
وتعامل مع مهندس سوداني يضبط له مقاسات (خط الإنتاج الذي سيشتغل عليه )
زي كذا

دورت بالنت عن القطعه مالقيت اتمنى اي واحد يجدها يضعها للفائده
المهم وجاب له فلبيني لحّام وحطه بالمزرعه (الزرعه بمثابة مصنع بخط انتاج واحد فقط )
واشترى اطنان حديد وألمنيوم
وبدأ المهندس يشرف فقط كل اربع ايام او خمس ايام يزوره مرّه ليرى الجودة لا اكثر
والفلبيني اجاد التعامل مع الآله بعد ماعلمه المهندس (مايبغاله حاجه تدخل الحديد وتضرب المقاس والعدد ) والآله تفرز
وبدأ يوزع لمحلات السباكه وعن طريق الاعلانات
والله ياناس الآن يصدر كل دول مجلس التعاون (ماشاء الله ) وتضاعف دخله بشكل (خيالي ) قولوا ماشاء الله
اتمنى اني افدتكم ..............
اخواكم محمد

ماشاء الله تبارك الله .

الله يرزقهم ويزيدهم ويجزاك ربي خير

اعجبني صديقك الاول ماشاء الله عليه ..

شـكرا لك وبارك الله فيك... لك مني أجمل تحية .

تعجبني القصص هذه بصراحة ودي بقصص كذا على طول هنا

مشكور طال عمرك

قصص مميزة عرضتها بأسلوب رائع أتمنى أن يتفيد منها الشباب
تمنياتي لك بالتوفيق

ما شاء الله

والله بلدنا بلد الخير مليانه شغل لكن وين الناس

الله يبارك لزملائك ويرزق الجميع من واسع فضله


دمتم بود

" الرجال اشتغل سفرات ومافي بقعه بالسعوديه ماوصلها وباع بنفسه "

هنا السر في العمل ....... لو سلمها لعامل تتوقعون ينجح مثل كذا ؟؟؟

أكثر اللي يفكروا بالمشاريع يسلموها لعمال ويجلس لآخر الشهر يستلم
" الفتات " والعامل يطير بالأرباح

موفق بإذن الله ... لك مني أجمل تحية .

ماشاءلله تبارك الله

هاذي نتيجة العزيمه والأراده

جزاك الله خير ...

ماشاءالله انا احب مجال الصناعة اكثر من التجارة