وفــاتك .!

تخيل ان هذا هو انت..

وتوفاك الله في هذه الايام وفي هذا العام 2011 ...

طبعا يوم توفيت ودوك للمستشفى وخلوك في الثلاجه عشان اجراءات شهادة الوفاة..

تركت غرفتك وجهازك وجوالك واصحابك..

واهلك وامك وابوك والدنيا كلها تبكي على فرقاك

يجي اخوك يقول لامك يمه اخوي فلان توفى .. وامك تصرخ وتبكي ماتبيك تروح عنها ابد..

يتبادولون الرسايل وفلان ابن فلان او فلانه بنت فلان توفى وبيصلون عليه في المسجد الفلاني بكره الظهر..

جاء بكره واخوانك واهلك واصحابك ماناموا يبكوووووون عليك بجد..

جاء بكره الساعه 10 الصبح وجابوك للمغسله والكل جاك وسلم عليك وقبل جبينك.. وانت مغطى كفونك ..بالابيض ..وريحة السدر تفوح في كل مكان..

شالوك وودوك للمسجد وضعوك قدام الامام وابوك واخوانك واصحابك..تجمعوا كلهم في بيت الله.. في البيت اللي يناديك خمس مرات في اليوم وانت ولا هنا..


صااااااااح المؤذن وقال

الصلآآآآآآآآآآة على الميت يرحمكم الله..

وكبر الامام الله اكبر

والكل قرا عليك الفاتحه

الله اكبر

والكل دعا لك وتوسل لك عند اللي انت مقصر معه...وكبر وكبر وكبر وسلم..

السلام عليكم ورحمة الله

والتفتوا لبعضهم وتوافدوا لابوك واخوانك (احسن الله عزاكم الله يغفر له ويرحمه)
شالوك على كتوفهم وودووووك المقبره..

وكانوا فيه ناس هناك مجهزين قبرك والتراب


جابوك وحطوك في الحفره ورصوك بكومه من الاحجار واللبن وكبو التراب ودعوا لك ومشوا..


وانت

تسمع قرع نعالهم اقفوا وخلوووووووووووووووك..

وعزاك 3 ايام وينسووووونك..

وانت

ماعندك ولاااااااااشي.. جيت ضيف عند اللي يناديك خمس مرات ياعبدي تعال ابيك ..ياعبدي حي على الصلاة ياااعبدي الصلاة خير من النووووم...

جيت ضيف عند اللي رزقك وعزك عن الحاجه والسؤال..

جيت ضيف عند اللي خلاك في امان ..واغناك..

جيت ضيف عند اللي غلطت على عباده واذيتهم..

ياترى تتوقع ان فيه احد انت ظلمته يوم سمع بوفاتك قال ( الله لايحلله ولا يبيحه مات اللي اذاني)؟؟؟؟

ياترى تتوقع احد بيجيب خبرك مع اللي تسولف معهم في النت.. والله محد داري عنك..

ياترى حبيبتك اللي انت فرحان فيها ولا حتى تلعب عليهاااا ..وش بتسوي .. اتحداك تصيح عند اهلها وش تقول ؟؟؟ خويي مات..

بتسكت وبيعزونها صديقاتهاااا وبتمر الايام وبتتزوج وتسحب على الذكريات...

غرفتك بتقول ياااارب انا غرفة فلان كان يسوي فيها ويسوي فيهااااا

سيارتك بتحكي

جوالك بينطق

اي ارض مشيت عليها بتقول يااارب فلان ا للي مات سوى كذا وسوى كذاااا

وانت

ماعندك حتى كلمه قلتها من قلبك تحاج فيها ربك..

مت .. وناس زعلانه عليك.. مت اهلك ماذاقوا برك.. مت وانت لاهي مع اللي والله والله يجلسون معك بالساعات واذا قاموا نسووووووووووك..

مت .. واللي عزك وعلاك وكبرك.. الحنان المنان الرب الرحمن.. ماااااااااااااااااجلست معه جلسه تقول فيهااااا الله اكبر وتبدى بالحديث معه وتقول الحمدلله رب العالمين وتركع له وتسجد له خمس دقايق بس..

انا ماقلت هالكلام الا والله اخشى واخاف اني ما الحق على رمضان ويقدر ربي سبحانه ان 2011 اخر سنه اتنفس فيهاااا..
ارجوك حاسب نفسك
ولا تعتذر للي ظلمته ولكن كف اذاءك عنه
وصل فرضك

وركز بأيميلك كل شي ترسله ينعاد ينرسل

واذا كان فيه اثم يزيد وانت غافل

فأحذر











تكفــوون انشروووه .. احنا محتاجين



اشياء تذكرنا .. واشياء تنفعنا بعد الممات ..




.

انشرها لعل الله ان ينفع بها احد وانت ماتدري






--
منقوووووووووووووول

السلام عليكم ورحمة الله وبركاته ..

جزآك الله خير وربي بكيت من قلب , الوآحد مـآ يضمن روحه ينقطع نفسه بثانية وتروح روحه للخـآلق يالله يارب إحسن خوآتمنـآ واغفر لنـآ يارب ..

استغفر الله , استغفر الله من كل ذنب عظيم ,

تنبية // اليوم الجمعه لا تنسون قراءة سورة الكهف , ولا تنسسون الصلاة ع الرسول ( اللهم صلّ وسلم ع محمد عدد ما ذكره الذآكرون وغفل عنه الغافلون ) ..

السلام عليكم ورحمة الله وبركاته

جعله الله في موازين حسناتك ..جاري النشر

بارك الله فيك ونفع بك وثبتك الله على ماأنت عليه

بيض الله وجهك أخي عبدالرحيم الله لايغيرعليك ويثبت كل مسلم ومسلمه

بيض الله وجهك والله يجزك الجنة
فعلان نحن محتاجين مثا هذي المواضيع الي تذكرنا بعضنا غافل يضن انه قاعد في الدنيا وهو لا يدري اليوم فوق الارض وبكرة تحت الارض

يسعدك ربي على هالموضوع
تحياتي لك

موضوع جميل

الله يجزاك الف خير ذكرتنا بهادم اللذات..جعل ربي يحسن خاتمتنا جميعا

استغفر الله العظيم واتوب اليه
اللهم احسن خواتمنا

بجد تخيلت كلامك ربي يرحمنا ويغفر لنا ويحسن خاتمتنا ..

ربي اجعل اخر كلامنا النطق بالشهاادتين .. اللهم حرم على وجوهنا النااار ..


جزااك الف خير خيووو وربي يجعلها في موازين حسناااتك ...