السلام عليكم ورحمة الله وبركاته
ياخوانو قدمت على طلب سياره قبل سنه وكلمت الديوان وقالوا رجع وزراة الشئون الاجتماعيه معليش بطول معاكم شوي وبعد حوالي خمسين اتصال احيانا يرد اخونا السنترال ومافيه مجيب واحينا يحولني ولا احد يرد وطبعا اول مايرد موظف السنترال والله كاني داق على بيته ما يمديني اتكلم معاه الا وهو محولني وبعدين دقيت على الديوان قالوا كلم مكتب الوزير المهم عطوني رقم معامله من مكتب الوزير ومن مكتب لمكتب حتى وصلت مكتب التاهيل في الوزاره طبعا كلها متابعه بالجوال والله يمكن اعطيكم الرقم الصحيح لعدد المكالمات اذا طلعت الفاتوره والله ياخوان مادري ليش السنترال وموظفينه كذا ليه ما يحتسبون الاجر عند الله ويساعدون وهم يدرون انه ما يكلمهم الا يتيم -معاق-مريض-طاعن في السن-مطلقه-ارمله-عاطل ليش التعامل كذا وين الاسلام والدين يامة الاسلام وجماعة السنترال.
والله اني مسافر علشان اتابع المعامله ولا يخفى على الجميع تكاليف السفر وانتظار الرحلات والايجار ايام الصيفيه والاقامه في حرارة الرياض والسبب موظف السنترال مايرد ولا يحولني على تحويله ترد
ياجماعه من يعرف احد هناك يوصل صوتي لتحسين جودة خدمة السنترال في مساعدة المساكيين
تحياتي للجميع وااااااااسف على الاطاله

الشكوى لله

وما زالت معنات المواطنين مستمره في كل قطاعات الدوله
لا حول ولا قوة الا بلله
يجب عليهم ان يضعون اشخاص مناسبين وانا مجرب كذا دائره حكومه وما اقول الا حسبي الله ونعم الوكيل