السلام عليكم ورحمة الله وبركاته

مساء الخير للجميع

يا شباب اليوم بنسوي مناظرة على قطاع الدفاع الجوي الملكي

وأبغى الجميع يجاوب ويعطينا رأية بصراحة بهالقطاع ويعطينا سلبياتة لو عندة فكرة عن سلبياتة

لاني بصراحة طرحت هالموضوع بسبب اني شفت كثير من الردود مثل انا بسحب عليهم انا ماني رايحلهم انا لو انقبلت نهائي بسحب والخ ،،

ليش ياناس ما تبغونها معقولة بسبب انها مرتبط فيها كلمة الجيش ،، ياخي خل ببالك انها القوات المسلحة

بتقولوا رواتبها ضعيفة بقولك هذا كان اول اللحين الجندي اول فني راتبة خمسة الف وعليها(5000)

بتقولولي كرف والله ان جارنا وصاحبي بنفس الوقت في الدفاع الجوي من ثلاث سنوات

فمسكتة يوم وسئلتة قلي اول ما خشيت راتبي كان اربعة الاف والحين خمسة وعليها

طبعا هذا قبل سلم الرواتب الجديد الحين الجندي اول اول ما يتعين راتبة خمسة الاف وحطو بدل ارهاب

يقلي والله ياراحة فيها لا كرف ولا هم يحزنون يقلي اداوم ثلاث ساعات واروح وبعض الاحيان يغطي عني او يمسك بدالي صاحبي

ويقلي اداوم ايام الاسبوع وخميس وجمعة راحة وقلي والله احنا مرتاحين اللهم يجي وقتنا اذا كان فيه حرب الله يحفظنا جميعا

وعلى فكرة علما اني مقدم غلط حطيت نوع الشهادة علمي وانا شرعي وقبلوني خخخخ

الله يستر لا يكرفوني بس

فيا عالم عطوني رأيكم في هالقطاع وهل لو انقبلت فيه بتروح وهل لو انقبلت نهائي بتروح

رجاء خاص ابعدو عن الردود السطحية مثل شكرا وبارك الله فيك وغيرها نبي اراه فقط

وشكرا لكم لحسن متابعتكم