[align=center]الاخوه الافاضل والزملاء في منتدى بطاله.......

احييكم بتحية الاسلام تحية اهل الجنه.. السلام عليكم ورحمة الله وبركاته...


يشاهد الجميع مايحدث من ازمات فمره ازمه في الطماط ومره ازمه في البطاطس...

ومره في بعض المواد الغذائيه... وهذا كله بفعل ذنوبنا نحن البشر... فقد استعاذ الرسول صلى الله عليه وسلم من هذا في الدعاء المأثور عنه (( اللهم انا نعوذبك من الغلى والوباء والرباء....)) الى اخر الحديث


وهذا للاسف يحدث كله في هذا الزمان... ولا اريد الاطاله في هذه الناحيه حتى لانخرج عن الموضوع


استغلال حاجات الناس وبالذات الاستهلاكيه ورفع الاسعار عليهم هذا للاسف منهي عنه...



ومايحدث في هذه الايام من استغلال بعض الناس في الشعير والمظاربه في اسعاره حتى ترتفع على البدو واهل الماشيه ليس من خلق المسلم ولايفعل هذا من في قلبه ذره من رحمه....


وبما انني احد الموزعين لهذا العلف في منطقتي ولي فيها ولله الحمد اسم معروف وبااستطاعتي الربح الكثير الا انني توقفت ولن اتشرف ولن يسالني الله ان شاء الله ان اكون استغليت حاجت اخي المسلم لرفع السعر عليه...


ومن يرى ان في المسئله سعة وانه من باب اللهم ارزقني وارزق من فمع احترامي له كلامه مردود عليه

هذا استغلال فاحش لحاجات الناس وزيادة الاسعار عليهم....


للامانه ماحدث معي قبل اسابيع هو ان شيخ طاعن في السن يجر رجلاه قد اعيته السنون(السنين)

واجتمع عليه كبر سن وجوع ماشيه...


الاغنام احيانا تكون لاصحابها كأبنائه يحبها كما يحبهم...

هذا الرجل جائني يبكي... ولم يدر في خلدي ان رجل في سنه يبكي من اجل ماشيه

ووالله انه ابكاني وانا احسده واغبطه على قلب يحمله بين جنبيه...


فقد قال الرسول صلى الله عليه وسلم انما يرحم الله من عباده الرحماء)) اوكما قال صلى الله عليه وسلم


يكفكف دموعه وهو يقول بصوت مبحوح يااخي ماشيتي تكاد تموت من الجوع... فذكرت له ان الشعير حاليا له سوق سوداء... فقال يااخي اريد شعيرا من سوداء اوغيره

في هالحاله كلمت احد السائقين ليذهب الى جده ويشتري حتى من السوق السوداء...


فاشتريناها من هناك ب47 ريال واتصلت على الرجل وجاء .. وقلت له خذماتريد.... خذ مايكفي لاغنامك وبسعر 47 ريال...


لانريد ربحا ويغنينا الله عن مثل هذه الارباح ولانريد الارؤس اموالنا....


والحمدلله رب العالمين...


[/align]

الله يجزاك خير ويكثر من امثالك

ولو اني ماادري وش سالفة الشعير

امحق مواطنه

اخـوي ان الله يرزق من عباده الرحمـأء والمؤمنين الذين يعلمون ان الرزق من الله وان الخـألق بيده كل شي سبحانه وتعـالى ,....,
الله يجزاك خير اخـوي عبدالله وهذا من شيم الرجـأل وانت كدا ارضيت نفسك وتجارتك وارضيت الرجال العجوز وتجارته من بعد رضـأء الله عليك .... بارك الله فيك اخـوي ....
انا واعوذ بالله من كلمة انـا اسـأعد انـاس اغلبهم يشترون من محلـي الجوالات ومن مصنعـي البـلوك بـأرباح قليله جـدا ولكـن يزيدني الله باربـاح هـأئله من امور كثـيره .... كمثل البضاعه اشتريها بعدها بيـوم يكون لي تخفيض 40% وهذا من فضـل ربـي .... الحمدلله والشكـر ....

فـانصح كل شخص بدا بالتجــأره ( حـب لغيـرك ما تحبـه لنفسـك )

تقبـلو مروري ابولـين

جزاك الله الف خير اخوي عبدالله ...

ربي يجعلها في ميزان حسناتك ويوفقك ربي..

بالتوفيق للجميع

بيض الله وجهك يالذيب وكثر الله من امثالك
وما نقول الا حسبي الله ونعم الوكيل على كل تاجر جشع يستغل حاجة الناس لبعض السلع

انا عندي سؤال ما لقيت له اجابه
اذا الدولة حددت للموزعين سعر البيع (40 ريال)
كم سعر شرائهم له.؟

للآسف هذا الي حاصل من بعض التجار هداهم الله

وللآسف بعض منهم يعتبرها فرصه بالنسبه له

كفو والله وماهي غريبه عليكـ يا أبن طيبه الطيبة

الله يجزاك خير

وجعلها الله في ميزان حسناتكـ

السلام عليكم ورحمة الله وبركاته

فعلا اخي (عبدالله) .. الجشع واستغلال الناس في الاستهلاكات اليومية ..لا وإذا سالتهم (ليه ترفعون السعر) يقول اقتصاد الدول نازل وكلام ما يدري اصلا وش قصة أمه .

ذكرتني بمدرسة أهلية ,,صاحبة المقصف وحدة كبييير بالسن أجنبية تعرفون (حلاو بلك) أبو ربع , كانوا يبيعونه حبتين ريال إذا مو حبة !! , وفي إحدى المعاهد أيضا ..الموية ام نص ..الحبة بريال

واللي بريال يا بريالين واحيانا بثلاثة في المدارس على الطلاب ذوي المصروف المحدوووود ..يا شكوي لله.

بس فيه مدارس بيعها اشوى محترم .

يعني سراحة انا استغرب الاشكال الجشعة هذي , لما امر ع الاشكال هذي وحدة من الثنتين يا أما ما اشتري

أو اشتري على قدي

بينما لو باعوا بالسعر المعروف كان ضفيت لي وضفيت لاخواني بعد ويمكن باشرت على ربعي , وكسبوا راس مالهم بسرعة وصرفوا بضاعتهم وجابوا بضاعة جديدة بعد .

اذكر عندي عطر اشتريته من زماااان , يمكن من اربع سنين , قالت اختي ان رحنا السوق هالمرة بشتري مثلة والضعيفة متحمسة وماخذه فلوسها المتوقعة لما وصلنا المحل وشفناه ..خلاص جاهزين بناخذه والا نلقى السعر (دبل) .. وجع وين الرقابة .. ولا كنا مفكرين ناخذ اثتنين لها ولي ..طلعنا وخليناه.. لا واحد ولا اثنين .. احلمي به وانا اختك .

بس ما أقول الا مال البخيل ومال الجشع ..أعوذ بالله من أن نكون مثل هؤلاء.

ياخي مشكله والمشكله هذي سببها المتعهد الاول للشعير اللي مايوفره ويخزنه بالمستودعات
انا صارت لي سالفه قريبه من سالفتك
مودي تريله لغنم ابوي ويلحقني شايب على ددسن من يوم دخلت الديره وهو معي وجوني معاه ناس واجد
قالوا للبيع قلت لا والله ويلحقني الشايب من يوم فرقت صحراء وهو معي يعني تقدر تقول ماهو مصدق انها للحلال
ومعي ومعي الين قربت من الغنم قال ياولدي انا احسبك تبيعها واثرها لحلالك
قلت شوفت عينك وانا صادق مثل ماقلت لك وقعد يتطلبني يبي بس 20 كيس وحالته حاله المهم عطيته بنفس السعر اللي حملته به لا زدت عليه ولا ربع ريال

الشاهد من قصتك ومن قصتي
ان راع الحلال ينغبن لما يشوف حلاله يجوع قدامه والحلال غالي على قلب راعيه
اذكر قبل اربع سنوات لما وصل سعر الشعير في اول ازمه له بعد ماقفز من 21 الى 52 او 55
كنا نمشى من حلالنا وندعي الله انه مايموت ونفسيه الشايب رايحه فيها من التفكير بحلاله
الين رجعوا دعموا الحكومه الشعير ورجع الى الثلاثين ومنها الى سعره الحالي

انا اقول ياليت الحكومه تنظر بوضع الشعير وتفتح الاستيراد من دول اخرى غير فرنسا واستراليا
يعني توسع النطاق

والله يرزقنا الرزق الحلال واشكرك ياستاذي على موضوعك

واسف على الاطاله

يالله تحييهم جميع


انا الان في سفر ولما ارجع للمدينه ان شاء الله برد على كل واحد بأسمه

الله يحفظكم جميع....