[align=center]بسم الله الرحمن الرحيم

والله انا بدخل في الموضوع على طول وبغيت حل منكم

انا شغال في شركة كبيره مره وسمعتها واصله ، ما ني ذاكر اسمها حتى

انه اكيد تشوفونها كل يوم، وانتوا غير حاسين .... عموما انا جامعي هندسه

شغال بــ7500 كامل على بدلات ولله الحمد خريج 2007

تصوروا ان نص العمل بل كله على راسي مديري فليسطيني وبهدلني بس الواحد يبغى يثبت وجوده

طبعا اللي قاهرني انه في ناس من دفعتي شغالين معي ومعدلي احسن منهم (جيد جدا) وهم في

الضعيف والمقبول والراوتب 10150ريال ........ وواحد ثاني دخل واسطه خبره 3 سنوات اداري

راتبه 21000 اداري يا ناس اداري ......اش الظلم هذا

وقريبه دبلوم وراتبه 7000 الفرق بينه وبين 500 معقوله

والفلسطيني 51000 ............. طيب الحين حط نفسسكم مكاني اش بتسون

انا جاني الضغط وطفشت وخلاص قفلت في وجهي ...... اش اسوي


حبيت اني افضفض لاحد لان الحال زفت[/align]

[align=center]
مالك الا الدعاء الصاااادق والاستغفار بكثرة وبتشوف الفرج ان شاء الله
[/align]

تمسك بالوظيفه وتحمل وإحمد ربك عليها عارفه إنك متضايق بسبب الظلم فالرواتب

بس أصبر وإحتسبها عند الله الوظيفه بعد الله عز لصاحبها الله لايحوج أحد على مدة اليد حتى لو للأهل

تمسك فيها بيدينك ورجولك غيرك مو محصلها ولا تعمل مقارنه بينك وبين غيرك لأنك راح تتعب أكثر أصبر لعل الله

يحدث بعد ذلك أمرا وتتعين بوظيفه حكوميه .

الله ييسر أمورك .. اصبر وتحمل وإن شاء الله تتحسن وتجد فرصه أفضل .. ومهم أنك تركز على الخبرة بتفيدك في مجال عملك

أتمنى لك التوفيق

وربي حااس باللي انتا فيه
ياصاحبي كنت استلم راتب 1800 ريال وكرف بالدوام من الصبح حتى الظهر وبنفس اليوم اقسسم بالله ومن نفس المكان اللي نستلم الشيكات واحد ماعنده ولا شهادة امي لايقرا ولايكتب شغلته فراااش ويستلم راتب 1500 وانا بكالوريس جامعي
لكن يارب لك الحمد تغير الحااال

اذا سألت فأسأل الله,واذا استعنت فأستعن بالله وإذا اشتكيت فشتك لله

يا حليلك توك تدري ان القطاع الخاص واسطات واحزاب...

ياخوك يقول المثل وش حادك ع المر قال اللي امر منه

تصبر واصبر وكل عيش ولا تجلس تفكر كذا لأنك راح تتعب نفسيا ويصيبك الهم والاحباط والتذمر وكل شيء

طق طق فيها لما ربك ينصفك من عالي سماه

وترا كل الشركات مثل ماتفضلت وقلت واسطات وتحزبات وشغلات ترفع الضغط

اصصصصبر أن الله مع الصصصصابرين

حسبي الله ونعم الوكيل

الله يعينك مالك الا الصبر بعدين كلما ادخل موضوع المدير يافلسطيني يامصري وش السالفه ؟؟؟؟