27-11-2006, 02:31 PM
|
عضو متواصل
|
|
تاريخ التسجيل: Sep 2006
المشاركات: 89
معدل تقييم المستوى: 38
|
|
|
التعليم الفني والتدريب المهني .. مهزله المقابلات ..
السلام عليكم ورحمه الله وبركاته ..
اكيد الجميع سمع بالتقديم بوظائف الدراسه والتدريب في هيئه السياحه
العامه .. وقبل اسبوع ظهرت اسماء الـ 3 الالاف طالب المرشح للمقابله الشخصيه..
ومن يوم السبت هاذا بدأت المقابلات الشخصيه
في المؤسسة العامة للتدريب الفني و التعليم المهني بشارع بريده بحي الريان بالرياض ..
قسم بالله مسخره تخيلوا حاشرين الناس في صاله والعدد كبير جداً ومن الساعه 8 صباحً
الين الساعه 12.30 ونحن نتظر الدور ولا واحد اختبر والعذر يقول لك الموظفين
المختصين عندهم مقابلات بشركه ثانيه وفي الطريق بيجون
وعلى هالحال الين الظهر !! وحالتنا حاله وربي كرهنا هالوظيفه وساعتها
الكثير من الشباب مسكين من خارج الرياض ومتعني .. وبالاخير يوم جوك الموظفين
ماخذوا الا 60 موظف يسوون معهم مقابله وقالوا الباقين بكره وعلى هالحال من يومين 
وعدد المقبولين 3 الالاف بالله عليكم متى راح يخلصون هالناس !!
المشكله المسئول سعودي شايب لسانه طويل ولا يستحي ويتلفظ بكلمات وقحه على الشباب
وكل شوي يتهاوش مع الناس .. حاولت اصور لكم اكثر من صوره عن هالمعاناه لكن
ماقدرت الا اخذ هالصوره للشباب المسكين في الممر اللي ننتظر فيه من الساعه 8 الين 12.30 ظهراً
ماقول الا حسبي الله ونعم الوكيل
حسبي الله ونعم الوكيل
[BIMG]http://www.7yati.net/up/uploads/0d84398ff6.jpg[/BIMG]
|
العرض الشجري
