[align=center]
بسم الله الرحمن الرحيم
[/align]
الحمدلله والصلاة والسلام على رسول الله وعلى آله وصحبه أجمعين


أعزائي أعضاء وزوار منتداء البطاله السلام عليكم ورحمة الله وبركاته ................وبعد


يشرفني أن أكتب أول موضوع في منتداكم وطالب مشورتكم في أمري والله يشباب محتار مدري وين أروح أنا مقدم على وظيفه مدنيه والحمد الله جتني وفي نفس الوقت طلع أسمي في القبول النهائي في أمن المنشأت وبي مشورتكم في الأحسن علماً بأن الوظيفه المدنيه بديرتي وقريبه منى وعملها مريح جدا وراتبها 4000 وشويه وأما العسكريه ماعندي عنها خلفيه غير المكده هههههههههههههههههههه ولكم خالص تحياتي...........

راحه مدنيه بس راتب قليل

مكده عسكريه بس راتب قوي

وانت اختار

المدنيه وانت مغمض ؟؟لو انهاا في الخرخير ؟؟

اصلا ما فيه مقارنه ؟؟اشتر راحتك وبع العسكريه,,,,,,,,

ياخوي المدنية مثل ما قال الاخ اللي فوق

تداوم صباح تروح ظهر خميس جمعة راحة

فكك من الاستلامات وهمها

بس شوف اذا المدنية بقبضة ايدك يعني مضمون انك بتاخذها توكل على الله واشتري راحتك بـ1000 ولا الفين

غيرك يتمنى يشتري راحتة بملايين العالم

وقبل كل شي استخير لله عز وجل

وبالتوفيق

ياخوي صل صلاة الاستخارة

والله ياطويل العمر , اذا كنت تبي تحافظ على لياقتك وتحس انك رجل مهم للوطن , خش العسكريه

واذاك انسان كسول ومالك خلق الكرف وهذا , خش مدنيه وانت مغمض

وبالتوفيق للجميع

العسكريه تختلف احيان دوام ويتخللها استلامات .. والبعض منهم استلامات ومافي دوام والعكس ..
يعني مالهم رنق معين .. والعسكريه ( طاعة عمياء ) على قولهم يدق خشمك بالنظام العسكري..
إذا دخلت العسكريه أفسخ ثوب عزة النفس والكرامه .. لأن فيها مذله واهانه على قولهم ( بالنظام )
لأن نظام العسكريه نظاااااااااااام قديييييم ... أضف على ذلك في التقاعد راح يخصمون نص راتبك وتطيح عليك علاوات كثيير ..
وحقك ضاااع وعمرك ضاااع ..

في العسكريه ... يجي يتكلم عليك اللي مايسوى جزمه الله يكرمكم ويقلك ايضا بالنظام والعسكريه ..
في العسكريه صحيح راتب قوي ولكن بالمقابل ان تضحي بصحتك .. ولا احد يقلك لأجل الوطن .. لأن النظاام العسكري محبط جدا جدا مافي اي نوع مشجع حتى يخليك انسان وطني بحت ...
العسكريه انت في وجه المدفع .. تحمي المدنييين وفي الاخير لاشكر ولا عرفان .. ليييه ؟؟ يقلك انت عسكري ..
العسكريه يعني في نظر المسؤولين أنك تكون ( ضب ) توقف في الشمس ولاتتحرك ( ثابت ) ولاتعطش
وعلى قول رقيبنا ( انت عسكري لازم تتحمل الشمس ولو انك بحرب تحارب وراسك في يدك )

يعني تتجرد من الإنسانيه ..

والله لو حماااار مع الحر هذا ليغمي عليه ...



الله يسامحك خليتني افضفض خخخخخخخ

اخر كلامي .. ( خلك على المدنيه ) ولو ماتبيها تعال خذ مكاني وانا اخذ مكانك والراتب اعلى والشكر لله

يآخي المدنيه راتبهآ قليل يعني الوظيفه 4000 ريال وش تسوي لك

بينمآ العسكريه راتبهآ بمآ انك بآمن المنشآت رآح يووصل 8500

شوف الفرق امن المنشآت عملها حلو مو مثل الحرس الوطني والجيش ...

الوظيفه المدنيه لمن تصير ( مدرس . طبيب . مدير. مهندس. ) انا معك صح افضل من العسكريه

لكن راتب قليل وش يسوي لك ...

نقول راتبك 4000 ريال

الايجآر بيكون فوق 1500....
قصد البنك قريب 1500
صاروا 3000

الف ريال وزعه بين مصاريفك ومصاريف السياره وان كنت متزوج الله يعينـــك ....

بصرآحه قول الحمد لله انك قبلت قبول نهائي بآمن المنشآت

غيرك تنزل دموعه ليل نهار ماحصل اللي حصلته ,,,,

الله يعينك

والله أن المدنية معروف أنها أحسن من العسكرية
بس أنت انقبلت في قطاع حلو يعني روح العسكرية أفضل لك
لان الراتب القليل ما ينفع اليوم بشيء
وعلى فكرة لا تخاف من حرب وإلا شيء أنت في أمن المنشات
يعني في هذا الحالة العسكرية أفضل لك
ودعواتك لي بإجتياز الكشف الطبي بحرس الحدود